ᐦᐃᑉᕉᐗ 7:26 - ᐅᔅᑭ ᑎᔅᑌᒥᓐᑦ

²⁶ ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᐦᐃᑉᕉᐗ 7:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:18

ᐌᓴ ᑮ ᑭᔅᑫᓕᑕᒻ ᐁ ᑮ ᐅᑌᓕᒫᓕᒋ ᐌᒋ ᑮ ᐸᑭᑎᓇᒫᑯᑦ᙮

ᐅᐸᓓᑭᔅ ᒫᕐᒃ 16:19

ᐁᑯᔑ ᒫᑲ, ᐃᔅᐱ ᐅᑎᒪᓕᒋᑫᐤ ᑳ ᑮ ᐋᔭᒥᐋᑦ, ᑭᒋᑭᔑᑯᒃ ᑮ ᐃᔑ ᐅᑎᓇᐤ, ᓀᔥᑕ ᑮ ᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 1:35

ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᓘᒃ 23:22

ᑮ ᐃᑌᐤ ᒫᑲ, ᐁᑯ ᓂᔅᑡᐤ, ᑖᓀᑭ ᐌᒋ, ᑫᒀᓕᐤ ᑳ ᒪᒋᑐᑕᒃ? ᓇᒪᐎᓚ ᓂ ᐅᒋ ᒥᔅᑲᒸᓐ ᑫᒀᓕᐤ ᐁ ᐋᔮᑦ ᑭᒋ ᐅᒋ ᓂᐸᐋᑲᓂᐎᑦ: ᐁᐗᑯ ᐅᒋ ᓂ ᑳ ᐸᓴᔅᑌᐗᐤ, ᐁᑯ ᒫᑲ ᑫ ᐸᑭᑎᓇᒃ᙮

ᐅᐸᓓᑭᔅ ᓘᒃ 23:41

ᑭᓚᓈᓇᐤ ᓀᔥᑕ ᑖᐺ ᑭ ᒀᔭᔅᑯ ᑐᑖᑲᐎᓈᓇᐤ; ᐌᓴ ᑭ ᒥᓕᑲᐎᓈᓇᐤ ᒀᔭᔉ ᑎᐸᐊᒫᑯᓯᐎᓐ ᑭᑦ ᐋᔨᑎᐎᓂᓇᐗ ᐅᒋ: ᒫᑲ ᐊᐗ ᐃᓕᓕᐤ ᓇᒪᐎᓚ ᑮ ᑐᑕᒻ ᑫᒀᓕᐤ ᑳ ᒫᓛᑕᓂᓕᒃ᙮

ᐅᐸᓓᑭᔅ ᓘᒃ 23:47

ᐃᔅᐱ ᒫᑲ ᓇᑐᐸᓕᐎᑭᒪᐤ ᐎᐋᐸᑕᒃ ᑫᒀᓕᐤ ᐁᑭᓂᓕᒃ, ᑮ ᑭᔅᑖᒋᒣᐤ ᑭᒋᒪᓂᑐᐗ, ᐁ ᐃᑗᑦ, ᑖᐺ ᐊᐗ ᐃᓕᓕᐤ ᑮ ᒀᔭᔅᑭᑖᑎᓯᑯᐸᓐ᙮

ᐅᐸᓓᑭᔅ ᓘᒃ 24:26

ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐅᐸᓓᑭᔅ ᒑᓐ 14:30

ᐊᓄᒡ ᐅᒋ ᓇᒪᐎᓚ ᒥᔅᑕᐃ ᑭ ᑳ ᐎᒋᐋᔭᒥᒥᑎᓇᐗᐤ: ᐌᓴ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑭᓕᐤ ᐯᒋ ᐃᑐᑌᐤ, ᓇᒪ ᓀᔥᑕ ᑫᒀᓕᐤ ᐋᔭᐤ ᑳ ᐱᒋᔅᑲᑯᐗᒃ᙮

ᐅᐸᓓᑭᔅ ᒑᓐ 8:29

ᓀᔥᑕ ᐊᓇ ᑳ ᑮ ᐯᒋᑎᔕᐅᑦ ᓂ ᐎᒉᐎᒃ: ᐅᑖᐎᒪᐤ ᓇᒪᐎᓚ ᓂ ᐅᒋ ᓇᑲᑎᒃ ᑭᒋ ᐯᔭᑯᐗᒃ; ᐌᓴ ᒧᔕᒃ ᓂᑦ ᐃᑐᑕᒸᓐ ᐊᓂᐃ ᑫᒀᓇ ᑳ ᓇᐃᓚᐌᐃᑯᑦ᙮

ᐊᐸᔅᑕᓚᒃ 3:14

ᑭ ᑮ ᐋᓉᑕᐗᐗᐤ ᒫᑲ ᐊᓇ ᑳ ᐸᓓᑭᓯᑦ, ᓀᔥᑕ ᑳ ᒀᔭᔅᑭᑎᑦ, ᒥᔅᑯᒡ ᒫᑲ ᑭ ᑮ ᓇᑕᐌᓕᒫᐗᐤ ᐅᓂᐸᔨᐌᐤ ᑭᒋ ᒥᓕᑲᐎᔦᒃ;

ᐊᐸᔅᑕᓚᒃ 4:27

ᐌᓴ ᑖᐺ ᐁ ᐎ ᓄᑎᓈᒋᒃ ᑳ ᐸᓓᑭᓯᓕᒋ ᑭᑦ ᐊᐙᔑᒥᔕ ᒋᓴᔅ, ᑳ ᑮ ᑕᒪᔅᑯᓇᑦ, ᑖᐱᔅᑯᒡ ᐦᐁᕋᑦ, ᓀᔥᑕ ᐸᓐᑎᔭᔅ ᐹᐃᓚᑦ ᐊᓯᒋ ᒉᓐᑖᐃᓚᒃ, ᓀᔥᑕ ᐃᔅᕃᐃᓕᐎᓕᓕᐗᒃ ᑮ ᒫᐗᒋᐃᑐᐗᒃ,

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐦᐃᑉᕉᐗ 1:3

ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 2:10

ᐌᓴ ᑮ ᐃᑕᔅᑌᓕᐤ, ᐊᓇ ᑳ ᐅᒋ ᐃᑕᑾᑭ ᒥᓯᐌ ᑫᒀᓇ, ᓀᔥᑕ ᑳ ᐅᒋᐸᓕᑭ ᒥᓯᐌ ᑫᒀᓇ, ᐁ ᐯᔑᐙᑦ ᒥᒉᑦ ᐅᑯᓯᓯᒪᐗ ᑭᔅᑌᓕᑖᑯᓯᐎᓂᒃ ᐃᔑ, ᑭᒋ ᒥᑐᓂᐎᐗᑦ ᐊᓂᐃ ᑳ ᑎᐯᓕᑕᒥᓕᒋ ᐅ ᐱᒫᒋᐃᑯᓯᐎᓂᐗᐤ ᐎᓴᑫᓕᑕᒧᐎᓇ ᐅᒋ᙮

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 7:11

ᑮᔥᐱᓐ ᒫᑲ ᒥᑐᓂᐎᓯᐎᓐ ᐌᒋᐸᓕᒃ ᓕᐹᐃ ᐅ ᓵᓵᑭᐎᓕᐌᐎᓕᓕᐎᐎᓂᒃ, ᐌᓴ ᐁᑯᑕ ᐌᑎᓇᑭᒃ ᐅᓚᔓᐌᐎᓂᓕᐤ ᐃᓕᓕᐗᒃ, ᑫᒀᓐ ᐌᒋ ᓇᑕᐌᓕᒋᑳᑌᒃ ᑯᑕᒃ ᓵᓵᑭᐎᓕᐌᐎᓕᓕᐤ ᑭᒋ ᐯᒋ ᐃᑐᑌᑦ ᑖᐱᔅᑯᒡ ᑳ ᐃᑎᓕᔅᐸᓐ ᒣᓪᑭᓯᑌᑲ, ᐁᑳ ᒫᑲ ᑳ ᐃᑖᑲᓂᐎᑦ ᐁ ᐃᑎᑦ ᑖᐱᔅᑯᒡ ᑳ ᐃᑎᓕᔅᐸᓐ ᐁᕋᓇ?

ᐦᐃᑉᕉᐗ 8:1

ᐊᓂᐃ ᑫᒀᓇ ᒫᑲ ᑳ ᑮ ᐋᓕᒧᑕᒪᒃ ᐁᐗᑯ ᐅᒪ ᑳ ᒥᓯᐌᔮᒃ: ᑭᑦ ᐋᔭᐙᓇᐤ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ, ᑳ ᐊᐱᑦ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᒃ ᑳ ᑭᒋᐅᑭᒪᐌᓕᑖᑯᓯᑦ ᑭᒋᑭᔑᑯᒃ;

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᓂᔥᑕᒻ ᐱᑕᕐ 2:22

ᐊᓇ ᐁᑳ ᑳ ᑮ ᒪᒋᑐᑕᒃ, ᐁᑳ ᓀᔥᑕ ᐙᔦᔑᐃᐌᐎᓐ ᑳ ᒥᔅᑭᑳᑌᓕᒃ ᐅᑐᓂᒃ:

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 3:7

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐱᓚᑌᓪᐱᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐸᓓᑭᓯᑦ, ᐊᓇ ᑳ ᑖᐺᐎᑦ, ᐊᓇ ᑳ ᐊᔮᐙᑦ ᑌᐱᑕ ᐅ ᐎᑯᑕᐃᑲᓂᓕᐤ, ᐊᓇ ᑳ ᐹᔅᑭᑌᓇᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᑭᐸᐊᒃ; ᓀᔥᑕ ᑳ ᑭᐸᐊᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᐹᔅᑭᑌᓇᒃ: