ᐦᐃᑉᕉᐗ 7:19 - ᐅᔅᑭ ᑎᔅᑌᒥᓐᑦ

¹⁹ ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮

ᐦᐃᑉᕉᐗ 7:19 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐊᐸᔅᑕᓚᒃ 13:39

ᓀᔥᑕ ᐎᓚ ᐅᒋ, ᒥᓯᐌ ᑳ ᑖᐺᑕᑭᒃ ᒥᓗᑡᐌᓕᒪᑲᓂᐎᐗᒃ ᒥᓯᐌ ᑫᒀᓂᒃ ᐃᔑ, ᐊᓂᒪ ᐁᑳ ᒧᓯᔅ ᐅᑦ ᐅᓚᔓᐌᐃᓐ ᑫ ᑮ ᐅᒋ ᒥᓗᑡᐌᓕᒥᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:7

ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᑲᓓᔕᐊᓇ 2:16

ᐁ ᑭᔅᑫᓕᑕᒪᒃ ᐃᓕᓕᐤ ᐁᑳ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᒫᑲ ᐅ ᑖᐺᔦᓕᒥᑯᓯᐎᓐ ᐅᒋ ᒋᓴᔅ ᙭, ᑭ ᑭ ᑖᐺᔦᓕᒫᓇᐤ ᒋᓴᔅ ᙭; ᑭᒋ ᑮ ᒀᔭᔅᑭᑖᑎᓯᐃᑲᐎᔭᒃ ᐅ ᑖᐺᔦᓕᒥᑯᓯᐎᓐ ᙭ ᐅᒋ, ᓇᒪ ᒫᑲ ᐅᓚᔓᐌᐎᓂ ᐃᔑᒋᑫᐎᓇ ᐅᒋ: ᐌᓴ ᐅᓚᔓᐌᐎᓂ ᐃᔑᒋᑫᐎᓇ ᐅᒋ ᓇᒪᐎᓚ ᐊᐌᓇ ᑲᑕ ᒀᔭᔅᑭᑖᑎᓯᐊᐤ᙮

ᑲᓓᔕᐊᓇ 3:21

ᐅᓚᔓᐌᐎᓐ ᓈ ᒫᑲ ᓇᔅᑯᔅᑕᒫᑫᒪᑲᓐ ᑭᒋᒪᓂᑐ ᐅᑦ ᐊᔓᑕᒫᑫᐎᓇ? ᓇᒪᐎᓚ ᑲᑕ ᐎ ᐃᑭᓐ: ᐌᓴ ᑮᔥᐱᓐ ᑮ ᒥᓕᐙᓂᐗᓄᑯᐸᓀ ᐅᓚᔓᐌᐎᓐ ᑫ ᑮ ᒥᓕᐌᒪᑲᑭᐸᓐ ᐱᒪᑎᓯᐎᓐ, ᑖᐺ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑲᑕ ᑮ ᐅᒋ ᑕᑾᓄᐸᓐ᙮

ᑲᓓᔕᐊᓇ 3:24

ᐅᓚᔓᐌᐎᓐ ᒫᑲ ᑭ ᑮ ᐅ ᑭᔅᑭᓄᐊᒫᑫᒥᓇᐤ ᑭᒋ ᐃᑐᑕᐃᑯᔭᒃ ᙭ᑎᒃ, ᑖᐺᔦᓕᑕᒧᐎᓐ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᐃᐱᓯᔭᓇ 3:12

ᐁᐗᒀᓇ ᑳ ᐅᒋ ᓱᑭᑌᐁᔭᒃ ᓀᔥᑕ ᐁ ᑫᒋᓇᐅᔭᒃ ᐁ ᓈᒋᑫᔮᒃ, ᐁ ᑖᐺᔦᓕᒪᒃ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᑎᒧᑎ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᐅᑲᑫᔅᑴᐎᓐ ᐅᒋ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᓀᔥᑕ ᐅᑎᐯᓕᑫᐤ ᒋᓴᔅ ᙭, ᐁᐗᑯ ᑭᑦ ᐊᔅᐯᓕᒧᐎᓂᓇᐤ᙮

ᐦᐃᑉᕉᐗ 10:1

ᐌᓴ ᐅᓚᔓᐌᐎᓐ ᐁᐗᑯ ᐁ ᑎᑳᔅᑌᑎᑭ ᒥᓗ ᑫᒀᓈ ᑫ ᐅᑎᒋᐸᓕᑭ, ᓇᒪ ᒫᑲ ᒥᑐᓂ ᐁ ᐃᔑᓈᑾᒃ ᑖᐱᔅᑯᒡ ᐁ ᐃᔑᓈᑾᑭ, ᓇᒪᐎᔅᑳᑦ ᑲᑕ ᑮ ᑐᑕᒧᒪᑲᓐ, ᐊᓂᐃ ᓵᓵᑭᐎᓕᐌᐎᓇ ᐅᒋ, ᑳ ᑮ ᐸᑭᑎᓂᑫᒋᒃ ᒧᔕᒃ ᑕᑡᐤ ᐯᐴᓂᓕᑭ, ᑭᒋ ᒥᑐᓂᐎᐃᑯᒋᒃ ᐊᓂᑭ ᑳ ᐯᒋ ᓈᑕᑭᒃ᙮

ᐦᐃᑉᕉᐗ 11:40

ᑭᒋᒪᓂᑐ ᓇᐗᒡ ᒥᓗ ᑫᒀᓐ ᐁ ᑮ ᐋᔦᔅᑲᐎᑕᒫᑕᒃ, ᐎᓚᐗᐤ ᑭᓚᓈᓇᐤ ᐁᑳ ᐁ ᐎᒉᐗᑭᒃ ᐁᑳ ᑭᒋ ᒥᑐᓂᐎᐋᑲᓂᐎᒋᒃ᙮

ᐦᐃᑉᕉᐗ 11:6

ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 4:16

ᐁᐗᑯ ᐅᒋ ᐁᑯᔑ ᓱᑭᑌᐁᐎ ᐯᒋ ᓈᑖᑕᐤ ᔕᐌᓕᒋᑫᐎ ᐅᑭᒪᐗᐱᐎᓐ, ᑭᒋ ᑮ ᐅᑎᓇᒪᒃ ᑭᑎᒫᑫᓕᒋᑫᐎᓐ, ᓀᔥᑕ ᑭᒋ ᒥᔅᑲᒪᒃ ᔕᐌᓕᒋᑫᐎᓐ ᑭᒋ ᐎᒋᐃᑯᔭᒃ ᐃᐊᓕᒥᓯᔭᑯ᙮

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ:

ᐦᐃᑉᕉᐗ 7:11

ᑮᔥᐱᓐ ᒫᑲ ᒥᑐᓂᐎᓯᐎᓐ ᐌᒋᐸᓕᒃ ᓕᐹᐃ ᐅ ᓵᓵᑭᐎᓕᐌᐎᓕᓕᐎᐎᓂᒃ, ᐌᓴ ᐁᑯᑕ ᐌᑎᓇᑭᒃ ᐅᓚᔓᐌᐎᓂᓕᐤ ᐃᓕᓕᐗᒃ, ᑫᒀᓐ ᐌᒋ ᓇᑕᐌᓕᒋᑳᑌᒃ ᑯᑕᒃ ᓵᓵᑭᐎᓕᐌᐎᓕᓕᐤ ᑭᒋ ᐯᒋ ᐃᑐᑌᑦ ᑖᐱᔅᑯᒡ ᑳ ᐃᑎᓕᔅᐸᓐ ᒣᓪᑭᓯᑌᑲ, ᐁᑳ ᒫᑲ ᑳ ᐃᑖᑲᓂᐎᑦ ᐁ ᐃᑎᑦ ᑖᐱᔅᑯᒡ ᑳ ᐃᑎᓕᔅᐸᓐ ᐁᕋᓇ?

ᐦᐃᑉᕉᐗ 7:20

ᓀᔥᑕ ᒫᑲ ᐁ ᑮ ᑭᒋᐃᑣᓂᐗᒃ ᑭ ᓵᓵᑭᐎᓕᐌᐎᓕᓕᐎᐊᐤ;

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᐦᐃᑉᕉᐗ 8:6

ᐊᓄᒡ ᒫᑲ ᐋᔭᐤ ᐊᐙᓯᑌ ᑫᔅᑌᓕᑖᑾᓂᓕᒃ ᐊᑑᔅᑫᐎᓂᓕᐤ, ᑖᐱᔅᑯᒡ ᓀᔥᑕ ᐁ ᐋᔭᒥᐁᔅᑕᒫᑫᑦ ᐊᐙᓯᑌ ᑳ ᒥᓨᔑᒃ ᓇᔅᑯᒥᑐᐎᓂᒃ, ᑳ ᑮ ᒪᔥᑲᐗᔅᑖᓂᐗᒃ ᐊᐙᓯᑌ ᑳ ᒥᓨᔑᑭ ᐊᔓᑕᒫᑫᐎᓂᒃ᙮

ᐦᐃᑉᕉᐗ 9:9

ᐁᐗᑯ ᑭᔅᑭᓄᐙᒋᒋᑲᓐ ᐁᑯᔅᐱ ᑭᒋ ᐃᑕᑾᒃ, ᐁᑯᑕ ᑳ ᐃᔑ ᐸᑭᑎᓂᑳᓂᐗᑭ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ, ᐁᑳ ᑳ ᑲᔥᑭᐅᒪᑲᑭ ᑭᒋ ᒥᑐᓂᐎᐃᑯᑦ ᐊᓇ ᑳ ᐊᑐᔅᑫᔅᑕᒃ, ᒥᑐᓀᓕᒋᑲᓂᒃ ᐃᔑ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:8

ᐯᔣᐸᒥᒃ ᑭᒋᒪᓂᑐ, ᐁᑯ ᒫᑲ ᑫ ᐯᔣᐸᒥᑖᒃ᙮ ᑭᒋᔅᑎᓇᒧᒃ ᑭᒋᒋᐗᐗ, ᒣᒋᑣᔦᒃ; ᐸᔦᑭᑖᒃ ᒫᑲ ᑭᑌᐃᐙᐗ ᑳ ᓂᔓ ᒥᑐᓀᓕᒋᑲᓂᔦᒃ᙮