ᐦᐃᑉᕉᐗ 7:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᑖᐺ ᑮ ᓂᑳᓂᐸᓕᐤ ᑭᒋ ᐃᑲᑌᓂᑳᑌᒃ ᑲᑫᔅᑴᐎᓐ, ᐁ ᓕᓚᒥᓯᒪᑲᒃ ᓀᔥᑕ ᐁᑳ ᓈᓐᑕᐤ ᐁ ᐃᑖᐸᑕᒃ᙮

ᐦᐃᑉᕉᐗ 7:18 ပူးပေါင်းရင်းမြစ်များ

ᐊᐸᔅᑕᓚᒃ 13:39

ᓀᔥᑕ ᐎᓚ ᐅᒋ, ᒥᓯᐌ ᑳ ᑖᐺᑕᑭᒃ ᒥᓗᑡᐌᓕᒪᑲᓂᐎᐗᒃ ᒥᓯᐌ ᑫᒀᓂᒃ ᐃᔑ, ᐊᓂᒪ ᐁᑳ ᒧᓯᔅ ᐅᑦ ᐅᓚᔓᐌᐃᓐ ᑫ ᑮ ᐅᒋ ᒥᓗᑡᐌᓕᒥᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:31

ᓂᑦ ᐋᑕᐌᓕᑕᒥᑖᓈᓐ ᓈ ᐅᓚᔓᐌᐎᓐ ᑖᐺᔦᓕᑕᒧᐎᓂᒡ ᐅᒋ? ᓇᒪᐎᓚ ᑲᑕ ᐎ ᐃᑭᓐ: ᐁᐁ, ᓂᑦ ᐊᔭᒋᑳᐸᐎᑖᓈᓐ ᐅᓚᔓᐌᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᑲᓓᔕᐊᓇ 3:15

ᓂᒋᔖᓂᑐᒃ, ᐁ ᐃᔑ ᐋᔭᒥᒋᒃ ᐃᓕᓕᐗᒃ ᓂᑦ ᐃᔑ ᐋᔭᒥᓐ; ᐋᑕ ᐃᓕᓕᐤ ᐅ ᓇᔅᑯᒥᑐᐎᓐ ᐱᑯ, ᐁᓕᐌᒃ ᒫᑲ ᑮᔥᐱᓐ ᐋᔨᒋᑖᓂᐗᒃ, ᓇᒪᐎᓚ ᐊᐌᓇ ᐃᓕᓕᐤ ᓄᑌᐸᓕᑕᐤ, ᓇᒪ ᓀᔥᑕ ᐊᓯᒋᐸᓕᑕᐤ ᐁᑯᑕ᙮

ᑲᓓᔕᐊᓇ 3:17

ᐅᒪ ᓀᔥᑕ ᓂᑦ ᐃᑣᓐ, ᐊᓂᒪ ᓇᔅᑯᒥᑐᐎᓐ, ᓂᑳᓐ ᑳ ᑮ ᐋᔨᒋᑖᑦ ᑭᒋᒪᓂᑐ ᙭ᑎᒃ, ᐅᓚᔓᐌᐎᓐ ᐹᑎᒫ ᓀᐗᐤ ᒥᑖᑐᒥᑕᓇᐤ ᓀᔥᑕ ᓂᔅᑐᒥᑕᓇᐤ ᐱᐴᓋ ᑳ ᒥᓕᐙᓂᐗᒃ, ᓇᒪᐎᓚ ᑮ ᑴᔅᑭᑖᒪᑲᓐ ᑭᒋ ᐅᒋ ᐁᑳ ᐋᐸᑕᒃ ᐊᓂᒪ ᐊᔔᑕᒫᑫᐎᓐ᙮

ᑲᓓᔕᐊᓇ 3:21

ᐅᓚᔓᐌᐎᓐ ᓈ ᒫᑲ ᓇᔅᑯᔅᑕᒫᑫᒪᑲᓐ ᑭᒋᒪᓂᑐ ᐅᑦ ᐊᔓᑕᒫᑫᐎᓇ? ᓇᒪᐎᓚ ᑲᑕ ᐎ ᐃᑭᓐ: ᐌᓴ ᑮᔥᐱᓐ ᑮ ᒥᓕᐙᓂᐗᓄᑯᐸᓀ ᐅᓚᔓᐌᐎᓐ ᑫ ᑮ ᒥᓕᐌᒪᑲᑭᐸᓐ ᐱᒪᑎᓯᐎᓐ, ᑖᐺ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑲᑕ ᑮ ᐅᒋ ᑕᑾᓄᐸᓐ᙮

ᑲᓓᔕᐊᓇ 4:21

ᐎᑕᒪᐎᒃ, ᑭᓚᐗᐤ ᑳ ᓇᑕᐌᓕᑕᒣᒃ ᑭᒋ ᑎᐯᓕᒥᑯᔦᒃ ᐅᓚᔓᐌᐎᓐ, ᓇᒪ ᓈ ᑭ ᐯᑌᓇᐗᐤ ᐅᓚᔓᐌᐎᓐ?

ᑲᓓᔕᐊᓇ 4:9

ᒫᑲ ᐊᓄᒡ, ᐋᔕᔾ ᐁ ᑮ ᑭᔅᑫᓕᒣᒃ ᑭᒋᒥᓂᑐ, ᓀᔥᑕᐱᑯ ᓇᐗᒡ ᐁ ᑮ ᑭᔅᑫᓕᒥᑖᒃ ᑭᒋᒪᓂᑐ, ᑖᓀᑭ ᐌᒋ ᒥᓇ ᑴᔅᑭᔅᑕᒣᒃ ᑳ ᓕᓚᒥᓯᒪᑲᑭ ᓀᔥᑕ ᑭᑎᒫᑲᑭ ᓂᔥᑕᒻ ᑭᔅᑭᓄᐊᒫᑫᐎᓇ, ᐊᓂᐃ ᑳ ᓇᑕᐌᓕᑕᒣᒃ ᒥᓇ ᑭᒋ ᐊᐗᑳᑎᑯᔦᒃ?

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮

ᐦᐃᑉᕉᐗ 13:9

ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᐦᐃᑉᕉᐗ 7:19

ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮