ᐦᐃᑉᕉᐗ 6:2 - ᐅᔅᑭ ᑎᔅᑌᒥᓐᑦ

² ᓯᑲᐋᑖᑫᐎᓂ ᑭᔅᑭᓄᐊᒫᑫᐎᓐ, ᓀᔥᑕ ᐁ ᓵᓵᒥᓂᐙᓂᐗᒃ, ᓀᔥᑕ ᐅ ᐗᓂᔥᑳᐎᓂᐗᐤ ᑳ ᓂᐱᒋᒃ, ᓀᔥᑕ ᑳᑭᑫ ᑎᐹᔅᑯᓂᑫᐎᓐ᙮

ᐦᐃᑉᕉᐗ 6:2 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᑎᐤ 3:14

ᒑᓐ ᒫᑲ ᑮ ᑭᑕᐊᒪᐌᐤ, ᐁ ᐃᑗᑦ, ᑭᓚ ᑭ ᑳ ᓯᑲᐋᑖᐎᑖᔾ, ᓂᓚ ᓈ ᒫᑲ ᑭ ᐯᒋ ᓈᔑᓐ?

ᐅᐸᓓᑭᔅ ᒫᕐᒃ 16:16

ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮

ᐅᐸᓓᑭᔅ ᒫᕐᒃ 7:4

ᐃᔅᐱ ᒫᑲ ᑌᑯᔑᑾᐎ ᐃᑕ ᐁ ᐊᑖᒥᑐᓈᓂᐗᒃ ᐅᒋ, ᑮᔥᐱᓐ ᐁᑳ ᑭᒋᔅᑖᐸᐗᓗᒋᒃ, ᓇᒪᐎᓚ ᒥᒋᓱᐗᒃ᙮ ᓀᔥᑕ ᒥᒉᑦ ᑯᑕᑭᔭ ᑫᒀᓇ ᐃᑕᑾᓋ ᑳ ᑮ ᐅᑎᓇᑭᒃ ᑭᒋ ᐱᔑᒋᑕᑭᒃ, ᐁ ᑭᒋᔅᑖᐸᐗᑖᓂᐗᑭ ᒥᓂᒀᑲᓇ ᐅᑎ, ᓀᔥᑕ ᐅᓛᑲᓂᔕ, ᐅᓵᐙᐱᔉ ᐊᓱᐗᒋᑲᓇ, ᓀᔥᑕ ᒥᒋᓱᓈᑎᑾ᙮

ᐅᐸᓓᑭᔅ ᒫᕐᒃ 7:8

ᐌᓴ, ᐁ ᐃᑲᑌᔅᑖᐌᒃ ᐅ ᑲᑫᔅᑴᐎᓐ ᑭᒋᒪᓂᑐ, ᑭ ᐱᔑᒋᑖᒸᓇᐗᐤ ᐃᓕᓕᐗᒃ ᐅ ᑭᔅᑭᓄᐊᒫᑫᐎᓂᐗᐤ, ᐁ ᑭᒋᔅᑖᐸᐗᑖᓂᐗᑭ ᐅᓚᑲᓇ ᐅᑎ ᓀᔥᑕ ᒥᓂᒀᑲᓇ: ᒥᒉᑦ ᑯᑕᑭᔭ ᐅᒪ ᑐᐎ ᑫᒀᓇ ᓀᔥᑕ ᑭ ᑐᑌᓇᐗᐤ᙮

ᐅᐸᓓᑭᔅ ᓘᒃ 11:38

ᐃᔅᐱ ᒫᑲ ᐊᓇ ᐸᕋᓯ ᐎᐋᐸᑕᒃ, ᑮ ᒫᒪᔅᑳᑕᒻ ᐁᑳ ᐱᑕᒫ ᐁ ᐅᒋ ᑭᒋᔅᑖᐸᐗᓗᓕᒋ ᐸᒧᔑ ᒥᒋᓱᓈᓂᐗᒃ᙮

ᐅᐸᓓᑭᔅ ᓘᒃ 12:50

ᒫᑲ ᓂᑦ ᐋᔮᓐ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ; ᐙ ᒫᑲ ᒥᑯᔥᑳᑌᓕᑕᒫᓐ ᐹᑎᒫ ᑮ ᑎᐱᐸᓕᑫ!

ᐅᐸᓓᑭᔅ ᓘᒃ 14:14

ᐁᑯ ᑫ ᔕᐌᓕᑖᑯᓯᔭᓐ; ᐌᓴ ᐎᓚᐗᐤ ᓇᒪᐎᓚ ᑭ ᑳ ᑮ ᑭᐌ ᑎᐸᐊᒫᑾᒃ: ᐌᓴ ᑭ ᑳ ᑭᐌ ᑎᐸᐊᒫᑲᐎᓐ ᐗᓂᔥᑳᑣᐌ ᑳ ᒀᔭᔅᑭᑎᒋᒃ᙮

ᐅᐸᓓᑭᔅ ᓘᒃ 3:16

ᒑᓐ ᑮ ᓇᔥᑴᐗᔑᐃᐌᐤ, ᐁ ᐃᑖᑦ ᒥᓯᐌ ᐁ ᐃᑕᓯᓕᒋ, ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ; ᒫᑲ ᐊᐌᓇ ᐊᐙᓯᑌ ᐁ ᓱᑳᑎᓰᑦ ᐃᔥᐱᔥ ᓂᓚ ᐯᒋ ᐃᑐᑌᐤ, ᐅ ᒪᔅᑭᓯᓀᐋᐱᔭ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐊᐱᑯᓇᒶᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ, ᓀᔥᑕ ᐃᔥᑯᑌᓕᐤ;

ᐅᐸᓓᑭᔅ ᒑᓐ 1:33

ᓇᒪᐎᓚ ᒫᑲ ᓂ ᐅᒋ ᑭᔅᑫᓕᒪᐤ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑭᒋ ᓯᑲᐋᑕᑫᐙᑫᐗᒃ ᓂᐱᓕᐤ, ᐁᐗᑯ ᓂ ᑮ ᐃᑌᒃ, ᐊᓇ ᑫ ᐙᐸᒪᑦ ᐁ ᓛᔑᔅᑖᑯᑦ ᐊᒑᑾ, ᓀᔥᑕ ᐁ ᑗᐅᑖᑯᑦ, ᐁᐗᒀᓇ ᑫ ᓯᑲᐋᑕᑫᐙᑫᑦ ᑳ ᐸᓓᑭᓯᓕᒋ ᐊᒑᑾ᙮

ᐅᐸᓓᑭᔅ ᒑᓐ 5:29

ᓀᔥᑕ ᑫ ᐯᒋ ᐗᓚᐎᒋᒃ; ᐊᓂᑭ ᑳ ᑮ ᒥᓗᑐᑕᑭᒃ ᑲᑕ ᐗᓂᔥᑳᐗᒃ ᑭᒋ ᐋᔮᒋᒃ ᐱᒫᑎᓯᐎᓂᓕᐤ; ᐊᓂᑭ ᒫᑲ ᑳ ᑮ ᒪᒋᑐᑕᑭᒃ ᑲᑕ ᐗᓂᔥᑲᐗᒃ ᑭᒋ ᐋᔮᒋᒃ ᓂᔑᐗᓈᒋᒥᑯᓯᐎᓂᓕᐤ᙮

ᐊᐸᔅᑕᓚᒃ 10:47

ᐊᐌᓇ ᐃᓕᓕᐤ ᓈ ᑲᑕ ᑮ ᐅᒋᐃᐌᐤ ᓂᐱᓕᐤ, ᐅᑯ ᐁᑳ ᑭᒋ ᑮ ᓯᑲᐊᑕᐗᑲᓂᐃᒋᒃ, ᑳ ᑮ ᒥᓛᑲᓂᐎᒋᒃ ᐸᓓᑭ ᐊᒑᑾ ᑖᐱᔅᑯᒡ ᑭᓚᓈᓇᐤ?

ᐊᐸᔅᑕᓚᒃ 13:3

ᐃᔅᐱ ᒫᑲ ᑳ ᑮ ᓂᑲᓱᒋᒃ ᓀᔥᑕ ᐋᔭᒥᐋᒋᒃ, ᓀᔥᑕ ᓵᓵᒥᓈᒋᒃ, ᑮ ᑭᒋᑎᔕᐌᐙᒃ᙮

ᐊᐸᔅᑕᓚᒃ 16:15

ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮

ᐊᐸᔅᑕᓚᒃ 16:33

ᑮ ᐅᑎᓀᐤ ᒫᑲ ᐊᓂᒪ ᑫᔮᐸᒡ ᑎᐹᐃᑲᓐ ᐱᓯᒧᑳᓂᒃ ᐁ ᑎᐱᔅᑳᒃ, ᓀᔥᑕ ᑮ ᑭᒋᔅᑕᑄᐙᑕᐌᐤ ᐅ ᐸᓴᔅᑌᐅᑯᐎᓂᓕᐗ; ᑮ ᓯᑲᐊᑕᑣᑲᓂᐎᐤ ᒫᑲ, ᐎᓚ ᓀᔥᑕ ᒥᓯᐌ ᑳ ᐃᑕᔑᑦ ᑣᔦᒃ᙮

ᐊᐸᔅᑕᓚᒃ 17:18

ᐁᑯᔅᐱ ᒫᑲ ᐋᑎᑦ ᑳ ᑲᑫᑕᐌᓕᑕᑭᒃ ᐃᐱᒃᔫᕆᐊᓇᒃ ᐅᒋ, ᓀᔥᑕ ᐊᓂᑭ ᔅᑐᐃᑲᒃ ᐅᒋ, ᑮ ᒫᐎᓀᐅᑯ᙮ ᐊᑎᑦ ᒫᑲ ᑮ ᐃᑗᐗᒃ, ᑖᓀ ᑫ ᐃᑗᑦ ᐊᐗ ᐅᓵᒥᑐᓐ? ᑯᑕᑭᔭᒃ ᐊᑎᑦ, ᒫᓇᐎ ᐋᓕᒧᒥᐤ ᒫᓐᑌᐎ ᒪᓂᑐᐗ: ᐌᓴ ᑮ ᐊᓕᒨᑕᒪᐌᐤ ᐊᓂᐃ ᒋᓴᓴ, ᓀᔥᑕ ᐗᓂᔥᑳᐎᓂᓕᐤ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 24:15

ᓀᔥᑕ ᓂᑦ ᐊᔅᐯᓕᒧᑐᑕᐗᐤ ᑭᒋᒪᓂᑐ, ᐎᓚᐗᐤ ᓀᔥᑕ ᑳ ᑲᓇᐌᓕᑕᑭᒃ, ᑭᒋ ᐗᓂᔥᑳᒋᒃ ᐅᓂᐱᐗᒃ, ᑖᐱᔅᑯᒡ ᐊᓂᑭ ᑳ ᒀᔭᔅᑭᑎᒋᒃ ᓀᔥᑕ ᐁᑳ ᑳ ᒀᔭᔅᑭᑎᒋᒃ᙮

ᐊᐸᔅᑕᓚᒃ 24:21

ᐯᔭᒃ ᐱᑯ ᐅᒪ ᐃᑗᐎᓐ ᐅᒋ, ᑳ ᑮ ᑌᐺᔮᓐ ᐁ ᐅᑎᔥᑲᐎᑳᐸᐎᔅᑕᐗᑭᒃ, ᐁ ᑎᐹᑐᑕᒫᓐ ᐁ ᐗᓂᔥᑳᒋᒃ ᐅᓂᐱᐗᒃ ᑭᑦ ᐅᒋ ᑎᐹᔅᑯᓂᓇᐗᐤ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᐊᐸᔅᑕᓚᒃ 26:8

ᑫᒀᓐ ᑫ ᐅᒋ ᐃᑌᓕᑕᒣᒃ ᐁᑳ ᑭᒋ ᑖᐺᑕᒣᒃ, ᑭᒋᒪᓂᑐ ᑭᒋ ᐗᓂᔥᑳᓈᑦ ᐅᓂᐱᐗ?

ᐊᐸᔅᑕᓚᒃ 4:2

ᐁ ᓇᔦᑖᐌᓕᑕᑭᒃ ᐁ ᑭᔅᑭᓄᐊᒪᐙᓕᒋ ᐃᓕᓕᐗ, ᓀᔥᑕ ᐁ ᑲᑫᔅᑭᒥᐌᓕᒋ ᐎᓚ ᐅᒋ ᒋᓴᔅ ᐗᓂᔥᑳᐎᓐ ᐅᓂᐱᐗ ᐅᒋ᙮

ᐊᐸᔅᑕᓚᒃ 6:6

ᐁᐗᒀᓂᐃ ᑮ ᐊᓓᐗᒃ ᐅᑎᔥᑲᐤ ᐊᓂᐃ ᐊᐹᔅᑕᓚ; ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᑭ ᓵᒥᓀᐗᒃ ᐅ ᒋᒋᐙᐗ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 10:2

ᒥᓯᐌ ᐁ ᐃᑕᓯᒋᒃ ᒫᑲ ᐁ ᑮ ᓯᑲᐋᑕᐙᑲᓂᐎᒋᒃ ᒧᓯᓴ ᐅᑦ ᐋᔭᒥᐋᐎᓂᓕᒃ ᐗᔅᑯᒃ ᓀᔥᑕ ᑭᒋᑲᒦᒃ;

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᐱᓕᐱᔭᓇ 3:21

ᐊᓇ ᑫ ᑴᔅᑭᓈᑯᑖᑦ ᑳ ᐋᐱᔅᑌᓕᑖᑾᒃ ᑭᔭᐎᓈᐤ ᑭᒋ ᐃᔑᑖᓂᐗᒃ ᑖᐱᔅᑯᒡ ᐎᔭᐤ ᑳ ᒪᓂᑐᐎᓈᑾᓂᓕᒃ, ᐁ ᐃᔑ ᐊᑑᔅᑫᒪᑲᓂᓕᒃ ᐅ ᑲᔥᑭᐅᐎᓐ ᒥᓯᐌ ᑫᒀᓇ ᑭᒋ ᔖᑯᒋᑕᒫᓱᑦ᙮

ᑯᓚᔑᔭᓇ 2:12

ᐁ ᐎᒋᓇᐃᑳᑲᐎᒣᒃ ᓯᑲᐋᑖᑫᐎᓂᒃ, ᐃᑕ ᓀᔥᑕ ᐁ ᑮ ᐎᒋᐗᓂᔥᑳᒣᒃ, ᐁ ᑖᐺᔦᓕᑕᒬᒃ ᑭᒋᒪᓂᑐ ᐅ ᑐᑕᒧᐎᓐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ᙮

ᓂᔓ ᑎᒧᑎ 2:18

ᐅᑯ ᑖᐺᔦᓕᑕᒧᐎᓐ ᐅᒋ ᑮ ᐗᓂᒥᑎᒣᐗᒃ, ᐁ ᐃᑗᒋᒃ, ᐋᔕᔾ ᑮ ᐗᓂᔥᑳᓂᐗᓐ; ᑮ ᑴᑎᐱᓇᒬᐗᒃ ᒫᑲ ᐋᑎᑦ ᐅ ᑖᐺᔦᓕᑕᒧᐎᓂᓕᐤ᙮

ᐦᐃᑉᕉᐗ 11:35

ᐃᔅᑴᐗᒃ ᑮ ᒥᓛᐗᒃ ᐅ ᓂᐱᒥᐗᐗ ᐁ ᑭᐌ ᐱᒫᑎᓯᓕᒋ: ᑯᑕᑭᔭᒃ ᒫᑲ ᑮ ᑲᒀᑕᑭᐋᐗᒃ ᐁᑳ ᐁ ᐎ ᐎᑾᒋᐋᑲᓂᐎᒋᒃ: ᑭᒋ ᑮ ᐋᔭᒋᒃ ᓇᐗᒡ ᒥᓗ ᐗᓂᔥᑲᐎᓂᓕᐤ᙮

ᐦᐃᑉᕉᐗ 9:10

ᐃᑕ ᑳ ᐃᑕᑾᑭ ᒥᒋᓱᐎᓇ ᐱᑯ ᓀᔥᑕ ᒥᓂᑴᐎᓇ, ᓀᔥᑕ ᓇᓈᑲᐤ ᑭᒋᔅᑕᐸᐗᓕᑎᓱᐎᓇ, ᓀᔥᑕ ᐎᔮᓯᐎ ᐃᑕᔓᐌᐎᓇ, ᑳ ᑮ ᐅᓚᔓᐙᓂᐗᑭ ᐱᓕᔥ ᑫ ᐅᑎᒋᐸᓕᑯᐸᓀ ᒥᑐᓂ ᒀᔭᔉ ᐋᔭᒥᐋᐎᓐ᙮

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮