ᐦᐃᑉᕉᐗ 6:10 - ᐅᔅᑭ ᑎᔅᑌᒥᓐᑦ

¹⁰ ᐌᓴ ᑭᒋᒪᓂᑐ ᓇᒪᐎᓚ ᒪᒑᑎᓯᐤ ᑭᒋ ᐗᓂᑭᔅᑭᓯᑐᑕᒃ ᑭᑦ ᐊᑑᔅᑫᐎᓂᐗᐤ ᓀᔥᑕ ᑭ ᓵᑭᐃᐌᐎ ᐋᐸᑎᓯᐎᓂᐗᐤ, ᑳ ᑮ ᐙᐸᑎᓕᐌᔦᒃ ᐅᑦ ᐃᔑᓂᑳᓱᐎᓂᒃ, ᐁ ᑮ ᐅᒋᔅᑕᒪᐌᑾᒃ ᐅᐸᓓᑭᓴᒃ, ᑫᔮᐸᒡ ᓀᔥᑕ ᐁ ᐅᒋᔅᑕᒪᐌᑾᒃ᙮

ᐦᐃᑉᕉᐗ 6:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:42

ᐊᐌᓇ ᒫᑲ ᑫ ᒥᓈᐋᑴ ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᒥᓂᒀᑲᓂᒃ ᐱᑯ ᑕᑭᐱᓕᐤ ᐅᑦ ᐃᔑᓂᑳᓱᐎᓂᒃ ᑭᔅᑭᓄᐊᒪᐙᑲᓐ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑲᑕ ᐗᓂᑕᐤ ᐅ ᑎᐸᐊᒫᑯᓯᐎᓐ᙮

ᐅᐸᓓᑭᔅ ᒫᑎᐤ 20:7

ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 25:17

ᑖᐱᔅᑯᒡ ᓀᔥᑕ ᐊᓇ ᑳ ᑮ ᐅᑎᓈᑦ ᓂᔓ, ᑮ ᑕᑯᐁᐤ ᓀᔥᑕ ᑯᑕᑭᔭ ᓂᔓ᙮

ᐅᐸᓓᑭᔅ ᒫᕐᒃ 9:41

ᐌᓴ ᐊᐌᓇ ᑫ ᒥᓇᐃᑖᑴ ᒥᓂᒀᑲᓂᒃ ᓂᐱᓕᐤ ᓂᑦ ᐃᔑᓂᑳᓱᐎᓂᒃ, ᙭ ᐁ ᑎᐯᓕᒥᑖᒃ ᐅᒋ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑲᑕ ᐗᓂᑕᐤ ᐅ ᑎᐸᐊᒫᑯᓯᐎᓐ᙮

ᐅᐸᓓᑭᔅ ᒑᓐ 13:20

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᐱᔑᒋᐋᑦ ᐊᐌᓕᐗ ᑫ ᐃᑎᔕᐅᒪᑭ, ᓂ ᐱᔑᒋᐃᒃ ᓂᓚ; ᐊᓇ ᓀᔥᑕ ᑳ ᐱᔑᒋᐃᑦ, ᐱᔑᒋᐁᐤ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐊᐸᔅᑕᓚᒃ 10:31

ᑮ ᐃᑗᐤ ᒫᑲ, ᑳᕐᓂᓕᔭᔅ, ᑭᑦ ᐋᔭᒥᐋᐎᓐ ᐯᒋᑳᑌᐤ, ᓀᔥᑕ ᑭ ᒥᓕᐌᐎᓇ ᑭᔅᑭᓯᑐᒋᑳᑌᐗ ᐁ ᐙᐸᑕᒃ ᑭᒋᒪᓂᑐ᙮

ᐊᐸᔅᑕᓚᒃ 10:4

ᐃᔅᐱ ᒫᑲ ᑳ ᑲᓇᐙᐸᒫᑦ, ᑮ ᓭᑭᓯᐤ, ᓀᔥᑕ ᑭ ᐃᑗᐤ, ᑫᒀᓐ, ᑌᐯᓕᒋᑫᔭᓐ? ᑮ ᐃᑎᑯ ᒫᑲ, ᑭᑦ ᐊᔭᒥᐋᐎᓇ ᓀᔥᑕ ᑭ ᒥᓕᐌᐎᓇ ᑮ ᐯᒋ ᐅᑎᒋᐸᓕᐗ ᑭᒋ ᑭᔅᑭᓯᑐᒋᑲᑌᑭ ᐅᑎᔥᑲᐤ ᑭᒋᒪᓂᑐ᙮

ᐊᐸᔅᑕᓚᒃ 11:29

ᐁᑯ ᑭᔅᑭᓄᐊᒪᐙᑲᓇᒃ, ᒥᓯᐌ ᑕᑐ ᐃᓕᓕᐤ ᐁ ᐃᔑ ᑲᔥᑭᑖᑦ, ᑮ ᐃᑌᓕᑕᒶᒃ ᑭᒋ ᐃᔑᑎᔕᐊᒪᐙᒋᒃ ᐅᒋᔅᑕᒫᑫᐎᓂᓕᐤ ᐊᓂᐃ ᑳ ᐎᒋᔕᓂᑐᓕᒋ ᒎᑎᐊᐃᒃ ᑳ ᐃᑖᓕᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:13

ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮

ᓂᔓ ᑯᕆᓐᑎᐊᓇ 9:1

ᐊᓂᒪ ᒫᑲ ᐅᒋ ᐁ ᐃᔑ ᒫᑎᓇᒫᒋᒃ ᐅᐸᓓᑭᓴᒃ, ᓇᒪᐎᓚ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ;

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᓂᔥᑕᒻ ᒑᓐ 1:9

ᑮᔥᐱᓐ ᐎᑕᒪᑴ ᑭ ᒪᒋᑐᑕᒧᐎᓂᓇᐗ, ᐎᓚ ᑖᐺᐎᐤ ᓀᔥᑕ ᒀᔭᔅᑭᑎᐤ ᑭᒋ ᐌᐯᓕᑕᒫᑕᒃ ᑭ ᒪᒋᑐᑕᒧᐎᓂᓇᐗ, ᓀᔥᑕ ᑭᒋ ᐹᔦᑭᐃᑕᒃ ᒥᓯᐌ ᒪᒑᑎᓯᐎᓂᒃ ᐅᒋ᙮