ᐦᐃᑉᕉᐗ 6:1 - ᐅᔅᑭ ᑎᔅᑌᒥᓐᑦ

¹ ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᐦᐃᑉᕉᐗ 6:1 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:29

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑗᐤ, ᓇᒪᐎᓚ ᓂ ᑳ ᐃᑐᑖᓐ: ᐹᑎᒫ ᒫᑲ ᑮ ᑴᔅᑫᓕᑕᒻ, ᑫ ᐃᑐᑌᐤ ᒫᑲ᙮

ᐅᐸᓓᑭᔅ ᒫᑎᐤ 21:32

ᐌᓴ ᒑᓐ ᑭ ᑮ ᐯᒋ ᓈᑎᑯᐗᐤ ᒀᔭᔅᑭᑖᑎᓯᐎᓂᒃ ᐃᔑ, ᓇᒪᐎᓚ ᒫᑲ ᑭ ᑮ ᐅᒋ ᑖᐺᑕᐙᐗᐤ; ᒫᑲ ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑮ ᑖᐼᑕᐌᐗᒃ: ᑭᓚᐗᐤ ᒫᑲ, ᐃᔅᐱ ᑳ ᑮ ᐙᐸᑕᒣᒃ, ᓇᒪᐎᓚ ᑭ ᑮ ᐅᒋ ᒥᒋᓚᐌᔦᓕᑌᓈᐗᐤ, ᑭᒋ ᑮ ᑖᐺᑕᐌᒃ᙮

ᐅᐸᓓᑭᔅ ᒫᑎᐤ 3:2

ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 4:17

ᐁᑯᔅᐱ ᐅᒋ ᒋᓴᔅ ᑮ ᒫᒋ ᑲᑫᔅᑭᒥᐌᐤ, ᐁ ᐃᑗᑦ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᐅᐸᓓᑭᔅ ᒫᑎᐤ 7:25

ᑭᒥᐗᓈᐳ ᒫᑲ ᑮ ᐸᑭᑎᓐ, ᑮ ᓕᔅᑭᐳᑌᐤ ᒫᑲ, ᑮ ᓗᑎᓐ ᒫᑲ, ᐁ ᐸᑲᒥᐸᓕᒃ ᐊᓂᒪ ᐙᔅᑳᔨᑲᓂᒃ; ᓇᒪᐎᓚ ᒫᑲ ᑮ ᐸᑭᑎᓐ: ᐌᓴ ᑮ ᐅᔑᑖᓂᐗᓐ ᑌᑖᐱᔅᑳᒃ᙮

ᐅᐸᓓᑭᔅ ᒫᕐᒃ 1:1

ᐁ ᒫᒋᐸᓕᓕᒃ ᐅ ᒥᓗᐋᒋᒧᐎᓐ ᒋᓴᔅ ᙭, ᑭᒋᒪᓂᑐ ᐅᑯᓯᓴ;

ᐅᐸᓓᑭᔅ ᒫᕐᒃ 6:12

ᑮ ᑭᑐᑌᐗᒃ ᒫᑲ, ᓀᔥᑕ ᑮ ᑲᑫᔅᑭᒥᐌᐗᒃ ᐃᓕᓕᐗ ᑭᒋ ᑴᔅᑳᑎᓯᓕᒋ᙮

ᐅᐸᓓᑭᔅ ᓘᒃ 6:48

ᓇᔅᐱᑕᐌᐤ ᐃᓕᓕᐗ ᑳ ᐅᔑᑖᓕᒋ ᐙᔅᑳᔨᑲᓂᓕᐤ, ᓀᔥᑕ ᑳ ᒧᓇᐃᑫᓕᒋ ᐊᑖᒥᒃ, ᓀᔥᑕ ᑳ ᒫᒋ ᐅᔑᑖᓕᒋ ᑌᑖᐱᔅᑳᒃ; ᐃᔅᐱ ᒫᑲ ᐱᐁᒋ ᓕᔅᑭᐳᑌᒃ, ᓯᐱ ᐁᓕᑯᒃ ᑮ ᐸᑲᒥᒋᐗᓐ ᐊᓂᒪ ᐙᔅᑳᔨᑲᓂᒃ, ᓇᒪᐎᓚ ᒫᑲ ᑮ ᐋᒋᐸᓕᑖᒪᑲᓐ; ᐌᓴ ᑮ ᒋᒪᑖᓂᐗᓐ ᑌᑖᐱᔅᑳᒃ᙮

ᐅᐸᓓᑭᔅ ᒑᓐ 12:44

ᒋᓴᔅ ᑮ ᑌᐺᐤ, ᐁ ᐃᑗᑦ, ᐊᓇ ᑳ ᑖᐺᔦᓕᒥᑦ, ᓇᒪᐎᓚ ᓂ ᑖᐺᔦᓕᒥᒃ ᓂᓚ, ᒫᑲ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᓂᔥᑕᒻ ᑯᕆᓐᑎᐊᓇ 13:10

ᒫᑲ ᐃᔅᐱ ᐊᓂᒪ ᑳ ᒪᐗᒋ ᐸᔅᑭᓛᑫᒃ ᐅᑎᒋᐸᓕᑫ, ᐁᑯ ᐊᓂᒪ ᑳ ᐸᔅᑭ ᐃᑌᓕᑖᑾᒃ ᑫ ᐃᔥᒀᐸᓕᒃ᙮

ᓂᔥᑕᒻ ᑯᕆᓐᑎᐊᓇ 2:6

ᐁᓕᐌᒃ ᒫᑲ ᓂᑦ ᐋᔭᒥᓈᓐ ᑲᑫᑕᐌᓕᑕᒧᐎᓐ ᒣᑴᔭᔥ ᐊᓂᑭ ᑳ ᑭᔑᓂᑕᐎᑭᒋᒃ: ᓇᒪᐎᓚ ᒫᑲ ᐅᒪ ᐊᔅᑭ ᑲᑫᑕᐌᓕᑕᒧᐎᓐ, ᓇᒪ ᓀᔥᑕ ᐅ ᑲᑫᑕᐌᓕᑕᒧᐎᓂᐗᐤ ᐊᓂᑭ ᑳ ᐅᑭᒫᐎᒋᒃ ᐅᑕ ᐊᔅᑮᒃ, ᑳ ᐊᑎ ᒣᒋᐸᓕᒋᒃ:

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 7:10

ᐌᓴ ᒪᓂᑐᐎ ᒥᒋᓚᐌᓯᐎᓐ ᐃᔑᒋᑫᒪᑲᓐ ᑴᔅᑳᑎᓯᐎᓐ ᑳ ᐃᑕᒧᒃ ᐱᒫᒋᐃᑯᓯᐎᓂᒃ ᐁᑳ ᑫ ᒥᑖᒋᑳᑌᒃ: ᒫᑲ ᐊᔅᑭᐎ ᒥᒋᓚᐌᓯᐎᓐ ᐃᔑᒋᑫᒪᑲᓐ ᓂᐱᐎᓐ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᐃᐱᓯᔭᓇ 2:5

ᐊᐳᒋᑲ ᒣᒀᒡ ᐁ ᓂᐱᔭᒃ ᒪᒋᑣᐎᓂᒃ, ᐊᓯᒋ ᙭ ᑭ ᑮ ᒫᒪᐎ ᐱᒫᑎᓯᐃᑯᓇᐤ, ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ;

ᐃᐱᓯᔭᓇ 4:12

ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᑯᓚᔑᔭᓇ 1:28

ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ:

ᑯᓚᔑᔭᓇ 3:14

ᐗᔅᑭᒡ ᒫᑲ ᒥᓯᐌ ᐅᐅ ᐳᔅᑎᔥᑲᒧᒃ ᓵᑭᐃᐌᐎᓐ, ᑳ ᒫᒪᐗᐱᑕᒧᒪᑲᒃ ᒥᑐᓂ ᐎᓯᐎᓐ᙮

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑎᒧᑎ 6:19

ᐁ ᒥᓗ ᐊᔅᑖᒋᑫᔅᑕᒫᓱᒋᒃ ᒥᓗ ᐊᔅᑕᒋᑲᓂᓕᐤ ᐊᓂᒪ ᐁ ᑭᔑᑳᒃ ᐅᒋ ᑫ ᐅᑎᒋᐸᓕᒃ, ᑭᒋ ᑮ ᒫᒋᑯᓇᑭᒃ ᑳᑭᑫ ᐱᒫᑎᓯᐎᓂᓕᐤ᙮

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᐦᐃᑉᕉᐗ 11:6

ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᐦᐃᑉᕉᐗ 12:13

ᒀᔭᔅᑯᒧᑖᒃ ᑭᓯᑎᐙᐗ ᐅᒋ, ᐊᓇ ᑳ ᒫᔅᑭᑳᑌᑦ ᐁᑳ ᑭᒋ ᐸᔅᑫᓈᑲᓂᐎᑦ; ᒫᑲ ᐁᑯᔑ ᓇᐗᒡ ᑲᑕ ᒥᓇᐙᒋᐊᐤ᙮

ᐦᐃᑉᕉᐗ 7:11

ᑮᔥᐱᓐ ᒫᑲ ᒥᑐᓂᐎᓯᐎᓐ ᐌᒋᐸᓕᒃ ᓕᐹᐃ ᐅ ᓵᓵᑭᐎᓕᐌᐎᓕᓕᐎᐎᓂᒃ, ᐌᓴ ᐁᑯᑕ ᐌᑎᓇᑭᒃ ᐅᓚᔓᐌᐎᓂᓕᐤ ᐃᓕᓕᐗᒃ, ᑫᒀᓐ ᐌᒋ ᓇᑕᐌᓕᒋᑳᑌᒃ ᑯᑕᒃ ᓵᓵᑭᐎᓕᐌᐎᓕᓕᐤ ᑭᒋ ᐯᒋ ᐃᑐᑌᑦ ᑖᐱᔅᑯᒡ ᑳ ᐃᑎᓕᔅᐸᓐ ᒣᓪᑭᓯᑌᑲ, ᐁᑳ ᒫᑲ ᑳ ᐃᑖᑲᓂᐎᑦ ᐁ ᐃᑎᑦ ᑖᐱᔅᑯᒡ ᑳ ᐃᑎᓕᔅᐸᓐ ᐁᕋᓇ?

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:4

ᐁᑯᔑ ᒫᑲ ᔑᐱᓚᐌᓯᐎᓐ ᑲᑕ ᒥᑐᓂᐎᐃᑎᓱᒪᑲᓐ, ᑭᒋ ᒥᑐᓂᐎᓯᔦᒃ ᓀᔥᑕ ᒥᓯᐌᓯᔦᒃ, ᐁᑳ ᑫᒀᓐ ᐁ ᑶᑕᒫᔦᒃ᙮

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮