ᐦᐃᑉᕉᐗ 5:7 - ᐅᔅᑭ ᑎᔅᑌᒥᓐᑦ

⁷ ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;

ᐦᐃᑉᕉᐗ 5:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:46

ᓈᓐᑕᐤ ᒫᑲ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ ᒋᓴᔅ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐃᓛᐃ, ᐃᓛᐃ, ᓛᒪ ᓴᐹᒃᑕᓇᐃ? ᑳ ᐃᑗᒪᑲᒃ, ᓂ ᑭᒋᒪᓂᑐᒻ, ᓂ ᑭᒋᒪᓂᑐᒻ, ᑖᓀᑭ ᐌᒋ ᐌᐱᓂᔭᓐ?

ᐅᐸᓓᑭᔅ ᒫᑎᐤ 27:50

ᒋᓴᔅ, ᐃᔅᐱ ᒥᓇ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐸᑭᑎᓀᐤ ᐅᑦ ᐊᒑᑾ᙮

ᐅᐸᓓᑭᔅ ᒫᕐᒃ 15:34

ᔖᑭᑖᑦ ᒫᑲ ᑎᐸᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᑌᐺᐤ ᐁ ᑭᔗᐌᑦ, ᐁ ᐃᑗᑦ, ᐃᓗᐋᐃ, ᐃᓗᐋᐃ ᓛᒪ ᓴᐹᒃᑕᓈᐃ? ᑳ ᐃᑗᒪᑲᒃ, ᓂ ᑭᒋᒪᓂᑐᒻ, ᓂ ᑭᒋᒪᓂᑐᒻ, ᑖᓀᑭ ᐌᒋ ᑭ ᐌᐱᓂᔭᓐ?

ᐅᐸᓓᑭᔅ ᒫᕐᒃ 15:37

ᒋᓴᔅ ᒫᑲ ᑮ ᑌᐺᐤ ᐁ ᑭᔗᐌᑦ, ᐁᑯ ᒫᑲ ᐯᑭᑎᓈᑦ ᐅᑦ ᐊᒑᑾ᙮

ᐅᐸᓓᑭᔅ ᓘᒃ 23:46

ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 11:35

ᒋᓴᔅ ᑮ ᒫᑐ᙮

ᐅᐸᓓᑭᔅ ᒑᓐ 11:42

ᓂ ᑭᔅᑫᓕᑌᑖᔾ ᒫᑲ ᒧᔕᒃ ᐁ ᓇᑐᑕᐎᔭᓐ: ᒫᑲ ᐃᓕᓕᐗᒃ ᑳ ᐙᔅᑲᑳᐸᐎᒋᒃ ᐌᒋ ᐃᑗᔮᓐ ᑭᒋ ᑖᐺᑕᑭᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:1

ᐅᐅ ᐋᔭᒥᐎᓇ ᑮ ᐃᑗᐤ ᒋᓴᔅ, ᐁᑯ ᑌᔅᑕᓵᐱᑦ ᑭᒋᑭᔑᑯᒃ, ᓀᔥᑕ ᐁᑗᑦ, ᓄᑖ, ᐅᑎᒋᐸᓕᐤ ᑎᐹᔨᑲᓐ ᐱᓯᒧᑳᓂᒃ; ᑭᔅᑌᓕᑖᑯᐃ ᑭᑯᓯᔅ, ᑭᑯᓯᔅ ᓀᔥᑕ ᑭᒋ ᑭᔅᑌᓕᑖᑯᐃᔉ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐦᐃᑉᕉᐗ 10:10

ᐊᓂᒪ ᐃᑌᓕᑕᒧᐎᓂᒃ ᑭ ᐸᓓᑭᐃᑲᐎᓈᓇᐤ, ᐁ ᑮ ᐸᑭᑎᓂᑳᑌᓕᒃ ᒋᓴᔅ ᙭ ᐎᔭᐤ ᐯᔭᑾᐤ ᐱᑯ ᐁ ᑌᐱᐸᓕᓕᒃ᙮

ᐦᐃᑉᕉᐗ 10:5

ᐁᐗᑯ ᐌᒋ, ᐃᔅᐱ ᐊᔅᑮᒃ ᑌᑯᔑᒃ, ᐃᑗᐤ, ᓵᓵᑭᐎᓕᐌᐎᓐ ᓀᔥᑕ ᐸᑭᑎᓂᑫᐎᓐ ᓇᒪᐎᓚ ᑭ ᑮ ᓇᑕᐌᓕᑌᓐ, ᒫᑲ ᒥᔭᐤ ᑭ ᑮ ᐋᔦᔅᑲᐎᑕᒪᐎᓐ:

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 12:28

ᐁᐗᑯ ᐅᒋ ᑭᓚᓈᓇᐤ ᐁ ᒥᓕᑲᐎᔭᒃ ᐅᑭᒪᐎᐎᓐ ᐁᑳ ᑫ ᑮ ᐋᔭᒡ ᐊᔅᑖᓂᐗᒃ, ᐁᑯᔑ ᒥᒋᒥᓈᑕᐤ ᔕᐌᓕᒋᑫᐎᓐ, ᐊᓂᒪ ᑫ ᐅᒋ ᒀᔮᔉ ᐊᑑᔅᑫᔅᑕᐗᒃ ᑭᒋᒪᓂᑐ ᑭᔅᑌᓕᑕᒧᐎᓂᒃ ᓀᔥᑕ ᒪᓂᑐᐎ ᓇᓂᒋᐎᓂᒃ;

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᓂᔥᑕᒻ ᒑᓐ 4:3

ᒥᓯᐌ ᑕᑐ ᐊᒑᒃ ᒫᑲ ᐁᑳ ᑳ ᐎᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᓇᒪᐎᓚ ᑭᒋᒪᓂᑐᒃ ᐅᒋᐤ: ᐁᐗᒀᓂ ᒫᑲ ᐅᑦ ᐊᒑᑾ ᓇᔅᐹᒡ ᙭, ᑳ ᑮ ᐯᑕᒣᒃ ᑭᒋ ᑕᑯᔑᒃ; ᐋᔕᔾ ᒫᑲ ᐊᔅᑮᒃ ᐃᑖᓕᐗ᙮

ᓂᔓ ᒑᓐ 1:7

ᐌᓴ ᒥᒉᑦ ᐅᑲᑳᔦᓕᓰᔅᑲᒃ ᑮ ᐯᒋ ᐃᑐᑌᐗᒃ ᐊᔅᑮᒃ, ᐁᑳ ᑳ ᐎᑕᑭᒃ ᒋᓴᔅ ᙭ᑕ ᐁ ᐯᒋ ᑕᑯᔑᓂᓕᒋ ᐎᔮᓯᒃ᙮ ᐊᐗ ᐁᐗᑯ ᐅᑲᑳᔦᓕᓯᐃᐌᔉ ᓀᔥᑕ ᓇᔅᐹᒡ ᙭᙮