ᐦᐃᑉᕉᐗ 4:12 - ᐅᔅᑭ ᑎᔅᑌᒥᓐᑦ

¹² ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮

ᐦᐃᑉᕉᐗ 4:12 ပူးပေါင်းရင်းမြစ်များ

ᐅᐸᓓᑭᔅ ᓘᒃ 8:11

ᐁᐗᑯ ᐅᒪ ᒫᑲ ᐊᓂᒪ ᓇᔅᐱᑐᐌᐎ ᐋᑕᓗᑳᓐ; ᓯᒥᓇ ᐁᐗᒀᓂᐃ ᑭᒋᒪᓂᑐ ᐅᑦ ᐋᔭᒥᐎᓐ᙮

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:51

ᓂᓚ ᐁᐗᑯ ᐱᒫᑎᓯᐎ ᐊᓚᑯᓇᐤ ᑭᒋᑭᔑᑯᒃ ᑳ ᐅᒋᐸᓕᑦ: ᑮᔥᐱᓐ ᐊᐌᓇ ᒧᐙᑌ ᐅᐅ ᐊᓚᑯᓇᐗ, ᑳᑭᑫ ᑲᑕ ᐱᒫᑎᓯᐤ: ᓀᔥᑕ ᐊᓇ ᐊᓚᑯᓇᐤ ᑫ ᒥᓕᐌᔮᓐ ᐁᐗᑯ ᓂᔮᔅ, ᑫ ᒥᓕᐌᔮᓐ ᑭᒋ ᐅᒋ ᐱᒫᑎᓯᒪᑲᒃ ᐊᔅᑭ᙮

ᐊᐸᔅᑕᓚᒃ 2:37

ᐃᔅᐱ ᒫᑲ ᐅᒪ ᑳ ᑮ ᐯᑕᑭᒃ ᑮ ᒥᑯᔥᑲᑌᓕᑕᒸᒃ ᐅᑌᐃᐙᒃ, ᑮ ᐃᑌᐙᒃ ᒫᑲ ᐱᑕᕋ ᓀᔥᑕ ᑯᑕᑭᔭ ᐊᐸᔅᑎᓚ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑖᓂ ᑫ ᑐᑕᒫᒃ?

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 5:33

ᐃᔅᐱ ᒫᑲ ᐊᓂᒪ ᐱᐁᑕᑭᒃ, ᑮ ᐎᓴᑭᑌᐁᐗᒃ, ᑮ ᐊᔭᒥᐃᑐᐗᒃ ᒫᑲ ᑭᒋ ᓂᐸᐋᒋᒃ᙮

ᐊᐸᔅᑕᓚᒃ 7:38

ᐁᐗᑯ ᐊᐗ ᑳ ᑮ ᐃᑖᑦ ᐋᔭᒥᐁᐎᑲᒥᑯᒃ ᐊᓐᑕ ᐸᑾᑕᔅᑲᒥᑳᒃ, ᐊᓯᒋ ᐊᓂᐃ ᐁᓐᒐᓚ ᑳ ᑮ ᐋᔭᒥᐃᑯᑦ ᐊᓐᑕ ᓵᐃᓈᐃ ᐗᒋᒃ, ᓀᔥᑕ ᑯᑖᐎᓇᐗᒃ ᑖᐱᔅᑯᒡ; ᐊᓇ ᑳ ᑮ ᒥᓛᑲᓂᐎᑦ ᐱᒫᑎᓯᐎ ᐅᓚᔓᐌᐎᓇ ᑭᒋ ᒥᓕᑕᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᓂᔥᑕᒻ ᑯᕆᓐᑎᐊᓇ 1:24

ᒫᑲ ᐊᓂᑭ ᑳ ᓇᑐᒫᑲᓂᐎᒋᒃ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ, ᐁᐗᑯ ᑳ ᐃᑌᓕᑕᑭᒃ, ᙭ ᐅ ᑲᔥᑭᐅᐎᓐ ᑭᒋᒪᓂᑐ, ᓀᔥᑕ ᐅ ᑲᑫᑕᐌᓕᑕᒧᐎᓐ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᐃᐱᓯᔭᓇ 5:13

ᒫᑲ ᒥᓯᐌ ᑫᒀᓇ ᑳ ᑭᔅᑫᓕᒋᑳᑌᑭ ᓄᑯᑖᑲᓂᐗᓋ ᐙᔅᑗᐎᓐ ᐅᒋ; ᐌᓴ ᑕᑐ ᑫᒀᓐ ᑳ ᓄᑯᑖᑫᒪᑲᒃ ᐙᔅᑗᐎᓂᐗᓐ᙮

ᐃᐱᓯᔭᓇ 5:26

ᑭᒋ ᑮ ᐸᓓᑭᐋᑦ ᐁ ᑭᒋᔅᑖᐸᐗᓛᑦ ᓂᐱᓕᐤ ᐅᒋ, ᐋᔭᒥᐎᓂᓕᐤ ᐅᒋ,

ᐃᐱᓯᔭᓇ 6:17

ᐅᑎᓇᒧᒃ ᓀᔥᑕ ᐱᒫᒋᐃᐌᐎᓐ ᑖᐱᔅᑯᒡ ᓇᑐᐸᓕᐎ ᐊᔅᑐᑎᓐ, ᓀᔥᑕ ᐊᒑᒃ ᐅ ᔑᒫᑲᓐ, ᐁᐗᑯ ᑭᒋᒪᓂᑐ ᐅᑦ ᐋᔭᒥᐎᓐ:

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᐦᐃᑉᕉᐗ 13:7

ᑭᔅᑭᓯᑐᑖᑯᒃ ᐊᓂᑭ ᑳ ᑎᐯᓕᒥᑖᒀᒃ, ᑳ ᑮ ᐋᓕᒧᑕᒫᑖᑾᒃ ᑭᒋᒪᓂᑐ ᐅᑦ ᐋᔭᒥᐎᓐ: ᐅ ᑖᐺᔦᓕᑕᒧᐎᓂᐗᐤ ᓄᔅᐱᓈᑕᒸᒃ, ᐁ ᒫᒥᑐᓀᓕᑕᒣᒃ ᐁ ᐃᔑ ᐳᓂᐸᓕᓕᒃ ᐅᑦ ᐃᔑᐱᒫᑎᓯᐎᓂᐗᐤ᙮

ᐦᐃᑉᕉᐗ 6:5

ᓀᔥᑕ ᑳ ᑮ ᑯᒋᔅᑕᒸᒋᒃ ᐅ ᒥᓗ ᐋᔭᒥᐎᓂᓂᐤ ᑭᒋᒪᓂᑐᐗ, ᓀᔥᑕ ᐁ ᐃᔑ ᓱᑳᑎᓯᒪᑲᒃ ᐊᓂᒪ ᐊᔅᑭ ᑫ ᐹᐸᓕᓕᒃ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᑭᔅᑫᓕᑖᑯᑖᑫᐎᓐ 1:16

ᑮ ᐋᔭᐌᐤ ᐅ ᑭᒋᓂᔅᑮᒃ ᓂᔂᔅ ᐊᒑᑾ: ᐅᑐᓂᒃ ᓀᔥᑕ ᑮ ᐅᒋᐸᓕᓕᐤ ᐁ ᐃᑕᐎ ᑳᔖᒃ ᔑᒫᑲᓂᓕᐤ: ᓀᔥᑕ ᑮ ᐃᔑᓈᑯᑴᐤ ᑖᐱᔅᑯᒡ ᐱᓯᒻ ᐁ ᒪᔥᑲᐙᓯᑫᑦ᙮

ᑭᔅᑫᓕᑖᑯᑖᑫᐎᓐ 19:15

ᐅᑐᓂᒃ ᒫᑲ ᐅᒋᐸᓕᐤ ᐁ ᑳᔖᒃ ᔑᒫᑲᓐ, ᐁᐗᑴᓕᐤ ᑭᒋ ᐅᒋ ᓂᐸᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ: ᐱᐙᐱᔅᑯᓕᐤ ᒫᑲ ᑲᑕ ᐅᒋ ᑎᐯᓕᒣᐤ: ᑕᑕᑯᔅᑳᑕᒻ ᒫᑲ ᔓᒥᓈᐳ ᒫᑾᐃᑲᓂᓕᐤ ᑳ ᐅᒋᒪᑲᓂᓕᒃ ᐅᑦ ᐊᒀᑎᓯᐎᓂᒃ ᓀᔥᑕ ᐅᑦ ᐋᑯᓚᐌᓯᐎᓂᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 19:21

ᐊᓂᑭ ᒫᑲ ᑳ ᐃᔥᑯᐸᓕᒋᒃ ᑮ ᓂᐸᐋᐗᒃ ᐅ ᔑᒫᑲᓐ ᐅᒋ ᐊᓇ ᑳ ᑌᑕᐱᑐᑕᐙᑦ ᒥᔅᑕᑎᒶ, ᐊᓂᒪ ᔑᒫᑲᓐ ᐅᑐᓂᒃ ᑳ ᐅᒋᐸᓕᓕᒃ: ᒥᓯᐌ ᓀᔥᑕ ᐱᓓᔑᔕᒃ ᑮ ᑭᔥᐳᐋᐗᒃ ᐅ ᐎᔮᓯᓕᐤ ᐅᒋ᙮

ᑭᔅᑫᓕᑖᑯᑖᑫᐎᓐ 2:16

ᒥᒋᓚᐌᔦᓕᑕ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᐁᑯ ᒫᑲ ᑫ ᓄᑎᓇᑭᒃ ᐁ ᐋᐸᒋᑖᔮᓐ ᐊᓂᒪ ᔑᒫᑲᓐ ᓂᑐᓂᒃ ᑳ ᐅᒋᐸᓕᒃ᙮

ᑭᔅᑫᓕᑖᑯᑖᑫᐎᓐ 2:23

ᓂ ᑳ ᓂᐹᐃᒫᐗ ᒫᑲ ᐅᑦ ᐊᐙᔑᒥᔕ ᓂᐱᐎᓐ ᐅᒋ; ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᑲᑕ ᑭᔅᑫᓕᑕᒶᒃ ᓂᓚ ᐁ ᐋᐎᔮᓐ ᐊᓇ ᑳ ᑲᑴᒋᑖᑦ ᐱᒋᓚᐗ ᓀᔥᑕ ᒥᑌᐊ: ᑭ ᑳ ᒥᓕᑎᓇᐗᐤ ᒫᑲ ᒥᓯᐌ ᐁ ᐃᑕᔑᔦᒃ ᑳ ᑭ ᐃᔑ ᐊᔭᑑᔅᑫᔦᒃ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮