ᐦᐃᑉᕉᐗ 4:11 - ᐅᔅᑭ ᑎᔅᑌᒥᓐᑦ

¹¹ ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐦᐃᑉᕉᐗ 4:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:12

ᐊᔅᐱᓐ ᒫᑲ ᑳ ᐯᒋ ᐅ ᑭᔑᑳᒥᑦ ᒑᓐ ᐅᓯᑲᐋᑖᑫᐤ ᐱᓕᔥ ᐊᓄᒡ, ᑭᒋᑭᔑᑳᐎ ᐅᑭᒫᐎᐎᓐ ᐎᓴᓶᓕᒧᑐᑖᑲᓂᐗᓐ, ᑳ ᐊᒀᑎᓯᒋᒃ ᒫᑲ ᒪᔅᑲᑗᐗᒃ᙮

ᐅᐸᓓᑭᔅ ᒫᑎᐤ 7:13

ᐱᑐᑫᒃ ᑳ ᔖᑯᐙᒃ ᐃᔥᒀᑌᒻ: ᐌᓴ ᐋᓚᑲᔥᑲᐤ ᐃᔥᒀᑌᒻ, ᓀᔥᑕ ᑌᓂᔕᐗᐤ ᒣᔅᑲᓇᐤ ᓂᔑᐗᓈᑎᓯᐎᓂᒃ ᑳ ᐃᑕᒧᒃ, ᒥᒉᑎᐗᒃ ᒫᑲ ᐊᓂᐁᓕᐤ ᑳ ᒥᑎᒣᒋᒃ᙮

ᐅᐸᓓᑭᔅ ᓘᒃ 13:24

ᑯᒋ ᐱᑐᑫᒃ ᑳ ᔖᑲᐙᒃ ᐃᔥᒀᑌᒻ; ᐌᓴ ᒥᒉᑦ, ᑭᑦ ᐃᑎᓇᐗᐤ, ᑲᑕ ᐎ ᐱᑐᑫᐗᒃ ᓇᒪᐎᓚ ᒫᑲ ᑲᑕ ᑮ ᑐᑕᒶᒃ᙮

ᐅᐸᓓᑭᔅ ᓘᒃ 16:16

ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ ᑮ ᐃᑖᐗᒃ ᐱᓕᔥ ᒑᓐ: ᐊᔅᐱᓐ ᐁᑯᔅᐱ ᒫᑲ ᑭᒋᒪᓂᑐ ᐅᑦ ᐅᑭᒫᐎᐎᓐ ᐙᐎᒋᑳᑌᓕᐤ, ᒥᓯᐌ ᑕᑐ ᐊᐌᓇ ᒫᑲ ᐎᑳ ᑲᑴ ᐱᑐᑫᐤ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐊᐸᔅᑕᓚᒃ 26:19

ᐁᐗᑯ ᐅᒋ, ᐅ ᑭᒋᐅᑭᒪᐤ ᐋᒃᕆᐸ, ᓇᒪᐎᓚ ᓂ ᑮ ᐋᓉᑌᓐ ᐊᓂᒪ ᑭᒋᑭᔑᑳᐎ ᐃᔑᓇᒧᐎᓐ:

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᐱᓕᐱᔭᓇ 2:12

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᑯᓚᔑᔭᓇ 3:6

ᐁᐗᒀᓂᐃ ᐌᒋ ᐅᑎᑎᑯᐙᒋᒃ ᑭᒋᒪᓂᑐᐗ ᐅᑦ ᐋᑯᓚᐌᓯᐎᓂᓕᐤ ᐊᓂᑭ ᐌᑕᐙᔑᒥᔑᒥᑯᒋᒃ ᐋᓉᔦᓕᑕᒧᐎᓂᓕᐤ;

ᑕᐃᑕᔅ 1:16

ᓂ ᑭᔅᑫᓕᒫᓈᓐ ᑭᒋᒪᓂᑐ ᐃᑗᐗᒃ, ᒫᑲ ᐅᑦ ᐊᑑᔅᑫᐎᓂᐙᒃ ᐋᓉᑕᐌᐗᒃ; ᐁ ᓂᐹᓯᓈᑯᓯᒋᒃ ᓀᔥᑕ ᐁ ᔑᐱᑕᑭᒃ, ᓀᔥᑕ ᒥᓯᐌ ᑕᑐ ᒥᓗ ᐊᑑᔅᑫᐎᓂᓕᐤ ᐸᒀᑕᒶᒃ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᐦᐃᑉᕉᐗ 3:18

ᐊᐌᓕᐗ ᓀᔥᑕ ᑳ ᑮ ᑭᒋᐃᑖᑦ ᐁᑳ ᑭᒋ ᐱᑐᑫᓕᒋ ᐅᑦ ᐋᓜᓯᐎᓂᒃ, ᐊᓂᐃ ᐱᑯ ᐁᑳ ᑳ ᑮ ᑖᐺᑕᒥᓕᒋ?

ᐦᐃᑉᕉᐗ 4:6

ᐁ ᓄᑾᒃ ᒫᑲ, ᐁ ᐃᑭᒃ ᐋᑎᑦ ᐁᑯᑕ ᑭᒋ ᐱᑐᑫᒋᒃ, ᓀᔥᑕ ᐊᓂᑭ ᓃᔥᑕᒻ ᑳ ᑮ ᐎᑕᒪᐙᑲᓂᐎᒋᒃ ᒥᓗᐋᒋᒧᐎᓂᓕᐤ ᐁᑳ ᐁ ᑮ ᐱᑐᑫᒋᒃ ᐁᑳ ᐁ ᑮ ᑕᐺᑕᑭᒃ:

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᓂᔓ ᐱᑕᕐ 2:6

ᓀᔥᑕ ᐁ ᐱᑯᑌᑖᑦ ᐊᓂᐃ ᐃᑖᐎᓇ ᓴᑕᒻ ᓀᔥᑕ ᑯᒪᕋ, ᑮ ᓂᔑᐗᓈᒋᑕᒻ ᑭᒋ ᑴᑕᐱᐌᐸᐃᑳᑌᓕᑭ, ᐁ ᐃᔑᑖᑦ ᑭᒋ ᑭᔅᑭᓄᐙᐸᑕᒥᓕᒋ ᐊᓂᐃ ᐁᔥᑾ ᑫ ᐎ ᒪᒋᐱᒫᑎᓯᓕᒋ;