ᐦᐃᑉᕉᐗ 3:6 - ᐅᔅᑭ ᑎᔅᑌᒥᓐᑦ

⁶ ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 3:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 16:18

ᓀᔥᑕ ᒫᑲ ᑭᑦ ᐃᑎᓐ, ᑭᓚ ᐁᐗᑯ ᐱᑕᕐ; ᐁᑯᑕ ᐅᒪ ᑭᔅᑖᐱᔅᑳᒃ ᓂ ᑳ ᒋᒪᑖᓐ ᓂᑦ ᐋᔭᒥᐁᐎᑲᒥᒃ; ᓇᒪᐎᓚ ᒫᑲ ᑲᑕ ᔖᑯᒋᐃᑯᒪᑲᓐ ᒪᒋ ᐃᔥᑯᑌᐤ ᐃᔥᒀᑌᒪ᙮

ᐅᐸᓓᑭᔅ ᒫᑎᐤ 24:13

ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:22

ᑲᓇᐙᐸᑕᒻ ᒫᑲ ᐅ ᒥᓨᑎᓯᐎᓐ ᓀᔥᑕ ᐅᑦ ᐊᒀᑎᓯᐎᓐ ᑭᒋᒪᓂᑐ: ᐊᓂᐃ ᑳ ᑮ ᐸᑭᔑᓂᓕᒋ, ᐊᒀᑎᓯᐎᓂᓕᐤ; ᒫᑲ ᑭᓚ, ᒥᓨᑎᓯᐎᓐ, ᑮᔥᐱᓐ ᒧᔕᒃ ᐃᑕᐗᑌ ᐅ ᒥᓨᑎᓯᐎᓂᒃ; ᑮᔥᐱᓐ ᒫᑲ ᐁᑳ ᑭᓚ ᓀᔥᑕ ᑭ ᑳ ᑭᔥᑲᑕᐅᑲᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑲᓓᔕᐊᓇ 6:9

ᐁᑳᐎᓚ ᒫᑲ ᐋᔦᔅᑯᓯᑖᐤ ᐁ ᒥᓗᑐᑖᑫᔭᒃ; ᐌᓴ ᐃᔅᐱ ᓇᐃᐸᓕᑫ ᑭ ᑳ ᒪᐗᒋᒋᑳᓈᓇᐤ, ᐁᑳ ᓄᑌᔑᓂᔮᑫ᙮

ᐃᐱᓯᔭᓇ 3:12

ᐁᐗᒀᓇ ᑳ ᐅᒋ ᓱᑭᑌᐁᔭᒃ ᓀᔥᑕ ᐁ ᑫᒋᓇᐅᔭᒃ ᐁ ᓈᒋᑫᔮᒃ, ᐁ ᑖᐺᔦᓕᒪᒃ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᓂᔥᑕᒻ ᑌᓴᓗᓂᔭᓇ 5:16

ᑳᑭᑫ ᒥᓚᐙᑕᒧᒃ᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᐦᐃᑉᕉᐗ 1:2

ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;

ᐦᐃᑉᕉᐗ 10:19

ᐁ ᐋᔮᔭᒃ ᒫᑲ, ᓂᒋᔖᓂᑐᒃ, ᓱᑭᑌᐁᐎᓐ ᑭᒋ ᐱᑐᑫᔭᒃ ᐃᑕ ᐁ ᒪᐗᒋ ᐸᓓᑲᒃ ᒋᓴᔅ ᐅᒥᑯ ᐅᒋ,

ᐦᐃᑉᕉᐗ 10:21

ᓀᔥᑕ ᐁ ᐋᔭᐗᒃ ᑭᒋ ᓵᓴᑭᐎᓕᐌᐎᓕᓕᐤ ᑳ ᑎᐯᓕᑕᒸᑦ ᑭᒋᒪᓂᑐᐗ ᐅ ᐙᔅᑳᔨᑲᓂᒥᓕᐤ;

ᐦᐃᑉᕉᐗ 10:23

ᐁᑯᔑ ᒥᒋᒥᓈᑕᐤ ᐁ ᐙᐎᑕᒪᒃ ᑭ ᑖᐺᔦᓕᑕᒧᐎᓂᓇᐤ ᐁᑳ ᐁ ᑳᑭᐁᔦᓕᑕᒪᒃ; ᐌᓴ ᒀᔭᔅᑭᑎᐤ ᐊᓇ ᑳ ᑮ ᐊᔓᑕᒫᑫᑦ:

ᐦᐃᑉᕉᐗ 10:35

ᐁᑳᐎᓚ ᒫᑲ ᐌᐱᓇᒧᒃ ᑭ ᑫᒋᓇᐅᐎᓂᐗᐤ, ᑳ ᐋᔮᒪᑲᒃ ᑭᒋ ᑎᐸᐊᒫᑫᐎᓐ᙮

ᐦᐃᑉᕉᐗ 11:1

ᑖᐺᔦᓕᑕᒧᐎᓐ ᒫᑲ ᑫᒋᓇᐅᐎᓂᐗᓐ ᐊᓂᐃ ᑫᒀᓇ ᑳ ᐊᔅᐯᓕᒧᒋᑳᑌᑭ, ᐌᒋ ᑫᒋᓈᔦᓕᒋᑳᑌᑭ ᐊᓂᐃ ᐁᑳ ᑳ ᓄᑾᑭ᙮

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᐦᐃᑉᕉᐗ 4:16

ᐁᐗᑯ ᐅᒋ ᐁᑯᔑ ᓱᑭᑌᐁᐎ ᐯᒋ ᓈᑖᑕᐤ ᔕᐌᓕᒋᑫᐎ ᐅᑭᒪᐗᐱᐎᓐ, ᑭᒋ ᑮ ᐅᑎᓇᒪᒃ ᑭᑎᒫᑫᓕᒋᑫᐎᓐ, ᓀᔥᑕ ᑭᒋ ᒥᔅᑲᒪᒃ ᔕᐌᓕᒋᑫᐎᓐ ᑭᒋ ᐎᒋᐃᑯᔭᒃ ᐃᐊᓕᒥᓯᔭᑯ᙮

ᐦᐃᑉᕉᐗ 6:11

ᓂ ᐸᑯᓭᓕᑌᓈᓐ ᒫᑲ ᒥᓯᐌ ᐁ ᐃᑕᔑᔦᒃ ᑭᑭ ᐃᔑ ᐙᐸᑎᓕᐌᔦᒃ ᐊᓂᒪ ᐃᔑ ᑭᓯᓴᐎᓯᐎᓐ, ᒥᑐᓂ ᐁ ᑫᒋᓇᐅᔦᒃ ᐊᔅᐯᓕᒧᐎᓂᒃ ᐱᓕᔥ ᑫ ᐃᔥᒀᐸᓕᒃ:

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ:

ᐦᐃᑉᕉᐗ 7:19

ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᐱᑕᕐ 4:17

ᐌᓴ ᐋᔕᔾ ᐅᑎᒋᐸᓕᐤ ᑎᐹᔅᑯᓂᑫᐎᓐ ᑭᒋ ᒫᒋᐸᓕᐤ ᐅ ᐙᔅᑳᔨᑲᓂᒥᒃ ᑭᒋᒪᓂᑐ: ᑮᔥᐱᓐ ᒫᑲ ᓃᔥᑕᒻ ᑭᓚᓈᓇᐤ ᐌᑎᑎᑯᔭᑯ, ᑫᒀᓕᐤ ᑫᑲ ᑫ ᐅᑎᑎᑯᒋᒃ ᐊᓂᑭ ᐁᑳ ᑳ ᓇᓇᐃᑕᒸᒋᒃ ᑭᒋᒪᓂᑐᐗ ᐅ ᒥᓗᐋᒋᒧᐎᓂᓕᐤ?

ᑭᔅᑫᓕᑖᑯᑖᑫᐎᓐ 2:18

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᑕᐃᔭᑖᐃᕋᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᓕᐗ ᑭᒋᒪᓂᑐ ᐅᑯᓯᓴ, ᐊᓇ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑳ ᐃᔑᓈᑾᓂᓕᑭ ᐅᔅᑭᔑᑾ, ᓀᔥᑕ ᐅᓯᑕ ᑖᐱᔅᑯᒡ ᑳ ᒥᓨᔑᒃ ᐅᓵᐙᐱᔉ;

ᑭᔅᑫᓕᑖᑯᑖᑫᐎᓐ 2:25

ᒫᑲ ᐊᓂᒪ ᐋᔕᔾ ᑳ ᐋᔮᔦᒃ, ᒪᔥᑲᐎ ᒥᒋᒥᓇᒧᒃ ᐃᓕᑯᒃ ᑫ ᐯᒋ ᑕᑯᔑᓈᓐ᙮

ᑭᔅᑫᓕᑖᑯᑖᑫᐎᓐ 2:26

ᐊᓇ ᒫᑲ ᑳ ᔖᑯᒋᐃᐌᑦ, ᓀᔥᑕ ᐃᔅᒀᔮᒡ ᐃᔅᑯ ᑫ ᑲᓇᐌᓕᑕᒃ ᓂᑦ ᐋᔭᒥᐎᓇ, ᓂ ᑳ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ:

ᑭᔅᑫᓕᑖᑯᑖᑫᐎᓐ 3:11

ᒫᑎᑲ, ᐎᐸᒡ ᓂ ᑕᑯᔑᓂᓐ: ᐊᓂᒪ ᑳ ᐋᔮᔭᓐ ᒪᔥᑲᐎ ᒥᒋᒥᓇ, ᐁᑳ ᐊᐌᓇ ᐃᓕᓕᐤ ᑭᒋ ᐅᑌᓇᒃ ᑭᑦ ᐅᑭᒪᐗᔅᑐᑎᓂᓕᐤ᙮