ᐦᐃᑉᕉᐗ 2:11 - ᐅᔅᑭ ᑎᔅᑌᒥᓐᑦ

¹¹ ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,

ᐦᐃᑉᕉᐗ 2:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐅᐸᓓᑭᔅ ᒫᑎᐤ 28:10

ᐁᑯ ᒋᓴᔅ ᐁᑖᑦ, ᐁᑳᐎᓚ ᓭᑭᓰᒃ: ᓇᑕᐎ ᐎᑕᒫᑯᒃ ᓂᒋᔖᓇᒃ ᑭᒋ ᐃᑐᑌᒋᒃ ᑳᓕᓕᒃ, ᐁᑯᑕ ᒫᑲ ᑫ ᐙᐸᒥᒋᒃ᙮

ᐅᐸᓓᑭᔅ ᒫᕐᒃ 3:34

ᐙᔅᑲ ᒫᑲ ᑮ ᑲᓇᐙᐸᒣᐤ ᐊᓂᐃ ᑳ ᐙᔅᑳᐱᔅᑖᑯᑦ, ᑮ ᐃᑗᐤ ᒫᑲ, ᒫᑎᑳᓂᑭ ᓂᑳᐎ ᓀᔥᑕ ᓂᒋᔖᓇᒃ!

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᓘᒃ 9:26

ᐌᓴ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐁᐗᒀᓂᐃ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᑎᐱᓚᐌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᐅᑖᐎᔭ, ᓀᔥᑕ ᐊᓂᐃ ᑳ ᐸᓓᑭᓯᓕᒋ ᐁᓐᒐᓚ᙮

ᐅᐸᓓᑭᔅ ᒑᓐ 17:19

ᓀᔥᑕ ᐎᓚᐗᐤ ᐅᒋ ᓂ ᐸᓓᑭᐃᑎᓱᓐ, ᐎᓚᐗᐤ ᐊᓯᒋ ᑭᒋ ᐸᓓᑭᐃᑯᒋᒃ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 17:21

ᒥᓯᐌ ᑭᒋ ᐯᔭᑯᒋᒃ: ᑖᐱᔅᑯᒡ ᑭᓚ, ᐅᑖᐎᒪᐤ, ᐁ ᐱᒋᔅᑲᐎᔭᓐ, ᓀᔥᑕ ᓂᓚ ᐁ ᐱᒋᔅᑳᑖᓐ ᐎᓚᐗᐤ ᐊᓯᒋ ᑭᒋ ᐯᔭᑯᒋᒃ ᐁ ᐱᒋᔅᑳᑕᑯᒃ: ᐊᔅᑭ ᑭᒋ ᑖᐺᑕᒧᒪᑲᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐊᐸᔅᑕᓚᒃ 17:26

ᓀᔥᑕ ᐁ ᑮ ᐅᔑᐋᑦ ᐯᔭᒃ ᒥᑯᓕᐤ ᐅᒋ ᒥᓯᐌ ᐁ ᑕᑐᔅᑲᓀᓯᓕᒋ ᐃᓕᓕᐗ, ᑭᒋ ᑕᔑᑫᓕᒋ ᒥᓯᐌ ᐁ ᐃᔅᐱᔕᓕᒃ ᐊᔅᑭᓕᐤ; ᐁ ᑮ ᐙᓓᓕᑕᒸᑦ ᒫᑲ ᓂᔭᑲᓇ ᐃᔥᐱᔥ ᐃᑭᑖᓕᒋ, ᓀᔥᑕ ᐃᑕ ᑫ ᐃᔅᑯ ᑕᔑᑫᓕᒋ;

ᐊᐸᔅᑕᓚᒃ 17:28

ᐌᓴ ᐎᓚ ᐅᒋ ᑭ ᐱᒫᑎᓯᓈᓇᐤ, ᓀᔥᑕ ᑭᑦ ᐋᔮᒋᓈᓇᐤ, ᓀᔥᑕ ᑭᑦ ᐃᑕᓈᓇᐤ; ᑖᐱᔅᑯᒡ ᐊᑎᑦ ᓀᔥᑕ ᑎᐱᓚᐌ ᑭ ᑎᐸᒋᒧᐎᓕᓕᒥᐗᐗᒃ ᑳ ᑮ ᐃᑗᒋᒃ, ᐌᓴ ᑭᓚᓈᓇᐤ ᐊᓯᒋ ᐁᐗᒀᓂᐃ ᐅ ᓂᑖᐎᑭᐋᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:29

ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᐦᐃᑉᕉᐗ 10:10

ᐊᓂᒪ ᐃᑌᓕᑕᒧᐎᓂᒃ ᑭ ᐸᓓᑭᐃᑲᐎᓈᓇᐤ, ᐁ ᑮ ᐸᑭᑎᓂᑳᑌᓕᒃ ᒋᓴᔅ ᙭ ᐎᔭᐤ ᐯᔭᑾᐤ ᐱᑯ ᐁ ᑌᐱᐸᓕᓕᒃ᙮

ᐦᐃᑉᕉᐗ 10:14

ᐌᓴ ᐯᔭᒃ ᐸᑭᑎᓂᑫᐎᓂᓕᐤ ᑮ ᐅᒋ ᒥᑐᓂᐎᐁᐤ ᐊᓂᐃ ᑳ ᐸᓓᑭᐋᑲᓂᐎᓕᒋ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 13:12

ᐁᐗᑯ ᐌᒋ ᒋᓴᔅ ᓀᔥᑕ, ᑭᒋ ᑮ ᐸᓓᑭᐋᑦ ᐃᓕᓕᐗ ᑎᐱᓚᐌ ᐅᒥᑯ ᐅᒋ ᐗᓚᐎᑎᒥᒃ ᑭᒋᐃᔥᒀᑌᒥᒃ ᑮ ᐙᐎᓴᑫᓕᑕᒻ᙮

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;