ᐦᐃᑉᕉᐗ 13:9 - ᐅᔅᑭ ᑎᔅᑌᒥᓐᑦ

⁹ ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᐦᐃᑉᕉᐗ 13:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 24:4

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᔮᒀᒥᓰᒃ ᐁᑳᐎᓚ ᐊᐌᓇ ᑭᒋ ᐙᔦᔑᒥᑖᒃ:

ᐅᐸᓓᑭᔅ ᓘᒃ 5:38

ᒫᑲ ᐅᔥᑭ ᔓᒥᓈᐳ ᔮᓕᑌᓪ ᑲᑕ ᐱᑕᐃᑳᑌᐤ ᐅᔥᑭ ᐎᒀᒃ; ᐁᑯ ᒫᑲ ᑖᐱᔅᑯᒡ ᑫ ᑲᓇᐌᓕᒋᑳᑌᑭ᙮

ᐊᐸᔅᑕᓚᒃ 20:30

ᓀᔥᑕ ᒫᑲ ᑫᒋᐙᒃ ᑭᓚᐙᐤ ᐅᒋ ᐃᓕᓕᐗᒃ ᑲᑕ ᐸᓯᑯᐗᒃ ᐁ ᐊᓕᒧᑕᑭᒃ ᒪᒋ ᑫᒀᓇ, ᑭᒋ ᐅᒋᐱᑕᒫᓱᒋᒃ ᑭᔅᑭᓄᐊᒪᐗᑲᓇ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:2

ᐌᓴ ᐯᔭᒃ ᐊᐌᓇ ᑖᐺᑕᒻ ᑭᒋ ᑮ ᒥᒋᑦ ᒥᓯᐌ ᑫᒀᓇ; ᑯᑕᒃ ᐊᐌᓇ, ᑳ ᓕᓚᒥᓰᑦ, ᓂᑖᐎᑭᑖᑲᓂᔕ ᒥᒋᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:6

ᐊᓇ ᑳ ᐹᐱᔅᑫᓕᑕᒃ ᐁ ᑭᔑᑳᓕᒃ, ᐹᐱᔅᑫᓕᑕᒪᐌᐤ ᐅᑎᐯᓕᒋᑫᐗ; ᐊᓇ ᓀᔥᑕ ᐁᑳ ᑳ ᐹᐱᔅᑫᓕᑕᒃ ᐁ ᑭᔑᑳᓕᒃ, ᓇᒪᐎᓚ ᐹᐱᔅᑫᓕᑕᒪᐌᐤ ᐅᑎᐯᓕᒋᑫᐗ᙮ ᐊᓇ ᑳ ᒥᒋᓱᑦ, ᒥᒋᓱᔅᑕᐌᐤ ᐅᑎᐯᓕᒋᑫᐗ, ᐌᓴ ᓇᓈᔅᑯᒣᐤ ᑭᒋᒪᓂᑐᐗ; ᐊᓇ ᓀᔥᑕ ᐁᑳ ᑳ ᒥᒋᓱᑦ, ᓇᒪᐎᓚ ᒥᒋᓱᔅᑕᐌᐤ ᐅᑎᐯᓕᒋᑫᐗ, ᓀᔥᑕ ᓇᓈᔅᑯᒣᐤ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 6:13

ᒥᒋᒪ ᒥᔅᑕᑖᔾ ᐅᒋ, ᓀᔥᑕ ᒥᔅᑕᑖᔾ ᒥᒋᒪ ᐅᒋ: ᒫᑲ ᑭᒋᒪᓂᑐ ᑖᐱᔅᑯᒡ ᑲᑕ ᓂᔑᐗᓈᒋᑕᐤ᙮ ᒥᔭᐤ ᒫᑲ ᓇᒪᐎᓚ ᑲᑕ ᐋᐸᒋᑖᓂᐗᓄᐸᓐ ᐱᔑᒀᑎᓯᐎᓂᒃ, ᒫᑲ ᑭᒋ ᐅᒋ ᐊᑑᔅᑫᔅᑕᐙᑲᓂᐎᑦ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓀᔥᑕ ᑭᒋ ᑎᐯᓕᑕᒃ ᒥᔭᐎᓕᐤ᙮

ᓂᔥᑕᒻ ᑯᕆᓐᑎᐊᓇ 8:8

ᒫᑲ ᒥᒋᒻ ᓇᒪᐎᓚ ᑭ ᑐᑖᑯᓇᐤ ᑭᒋ ᒥᓜᓕᒥᑕᒃ ᑭᒋᒪᓂᑐ: ᐌᓴ ᑮᔥᐱᓐ ᒥᒋᓱᔭᒃ ᓇᒪᐎᓚ ᐊᐙᓯᑌ ᑭ ᒥᓗᑣᓈᓇᐤ; ᓀᔥᑕ ᑮᔥᐱᓐ ᐁᑳ ᒥᒋᓱᔭᒃ ᓇᒪᐎᓚ ᐊᐙᓯᑌ ᑭ ᒪᒋᑣᓇᓇᐤ᙮

ᓂᔓ ᑯᕆᓐᑎᐊᓇ 1:21

ᐊᓇ ᒫᑲ ᑳ ᑮ ᐋᔭᒋᐃᑕᒃ ᑭᓚᐗᐤ ᐊᓯᒋ ᓂᓚᓈᓐ ᙭ᑎᒃ, ᓀᔥᑕ ᑳ ᑮ ᑐᒥᓂᑕᒃ, ᐁᐗᑯ ᑭᒋᒪᓂᑐ;

ᑲᓓᔕᐊᓇ 6:1

ᓂᒋᔖᓂᑐᒃ, ᑮᔥᐱᓐ ᐊᐌᓇ ᐊᑎᒥᑯᒋ ᒪᒋᐋᔨᑎᐎᓂᓕᐤ, ᑭᓚᐗᐤ ᑳ ᐊᒑᑯᐎᔦᒃ ᐯᒋ ᑭᐌᑕᐃᒃ ᐊᓇ ᓗᔅᐹᑌᓕᑕᒧᐎᓂᒃ; ᐁ ᒫᒥᑐᓀᓕᒥᑎᓱᔭᓐ, ᒫᔅᑯᒡ ᑭᓚ ᓀᔥᑕ ᑭ ᑳ ᑲᑴᒋᐃᑲᐎᓐ᙮

ᐃᐱᓯᔭᓇ 4:14

ᐁᑳ ᑫᔮᐸᒡ ᑭᒋ ᐊᐙᔑᔑᐎᔭᒃ ᐁ ᒫᒦᔅᑯᒋᐸᓕᔭᒃ ᐸᐹᐌᐹᔅᑎᒥᑯᔭᒃ ᒥᓯᐌ ᐹᐱᑐᔥ ᑭᔅᑭᓄᐊᒫᑫᐎᓐ, ᐁ ᒋᔑᐃᑕᑾᒃ ᐙᔦᔑᐃᐌᐎᓕᓕᐗᒃ, ᓀᔥᑕ ᐅ ᒪᒋ ᑲᑳᔦᓕᓯᐎᓂᐗᐤ, ᐃᑕ ᑳ ᐅᒋ ᐊᔣᐃᑫᒋᒃ ᑭᒋ ᐙᔦᔑᐃᐌᒋᒃ;

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᑯᓚᔑᔭᓇ 2:4

ᐅᒪ ᒫᑲ ᓂᑦ ᐃᑣᓐ, ᐁᑳ ᐊᐌᓇ ᐃᓕᓕᐤ ᑭᒋ ᐙᔦᔑᒥᑖᒃ ᔓᔅᒀᒋᐋᔭᒥᐎᓇ ᐅᒋ᙮

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮

ᓂᔓ ᑌᓴᓗᓂᔭᓇ 2:2

ᐁᑳ ᐎᐸᒡ ᑭᒋ ᑶᑕᐎᐃᑌᓕᑕᒣᒃ ᑭ ᒥᑐᓀᓕᒋᑲᓂᐙᒃ, ᐁᑳ ᓀᔥᑕ ᑭᒋ ᒥᑯᔥᑳᑌᓕᑕᒣᒃ, ᓇᒪᐎᓚ ᐊᒑᒃ ᐅᒋ, ᓇᒪ ᓀᔥᑕ ᐋᔭᒥᐎᓐ ᐅᒋ, ᓇᒪ ᓀᔥᑕ ᒪᓯᓇᐃᑫᐎᓐ ᓂᓚᓈᓐ ᐅᒋ, ᑖᐱᔅᑯᒡ ᐁ ᐯᔓᓈᑾᓂᓕᒃ ᙭ ᐅ ᑭᔑᑳᒻ᙮

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᒎᑦ 1:12

ᐅᑯ ᒪᓯᓇᓱᐎᓂᐎᐗᒃ ᑭ ᓵᑭᐃᐌᐎ ᒪᑯᔐᐎᓂᐙᒃ, ᐃᔅᐱ ᐙᒋᒪᑯᔐᒥᑖᑾᒃ, ᐁᑳ ᐁ ᓭᑭᓯᒋᒃ ᐁ ᐊᔕᒥᑎᓱᒋᒃ: ᐗᔅᑯᐎᐗᒃ ᐁᑳ ᑳ ᓂᐱᐗᑭ, ᐁ ᐌᐌᐹᔅᑕᑭ; ᒥᔅᑎᑾᒃ ᐅ ᒥᓂᔑᒥᐗᐗ ᑳ ᓂᔑᐗᓈᑕᓂᓕᑭ, ᐁᑳ ᐁ ᒥᓂᔑᐎᒋᒃ, ᓂᔡᐤ ᐁ ᓂᐱᒋᒃ, ᐁ ᒋᒋᐸᔅᑯᒋᐌᐱᑖᑲᓂᐎᒋᒃ;

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮