ᐦᐃᑉᕉᐗ 13:4 - ᐅᔅᑭ ᑎᔅᑌᒥᓐᑦ

⁴ ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᐦᐃᑉᕉᐗ 13:4 ပူးပေါင်းရင်းမြစ်များ

ᓂᔥᑕᒻ ᑯᕆᓐᑎᐊᓇ 5:13

ᒫᑲ ᐊᓂᐃ ᐗᓚᐎᑎᒥᒃ ᑳ ᐃᑖᓕᒋ ᑭᒋᒪᓇᑐ ᑎᐹᔅᑯᓀᐤ᙮ ᐁᐗᑯ ᐅᒋ ᐃᑲᑌᓂᐤ ᐃᑕ ᐅᒋ ᐁ ᐃᑖᔦᒃ ᐊᓇ ᒪᒑᑎᓯᐎ ᐃᓕᓕᐤ᙮

ᓂᔥᑕᒻ ᑯᕆᓐᑎᐊᓇ 6:18

ᐅᔑᑕᒧᒃ ᐱᔑᒀᑎᓯᐎᓐ, ᑕᑐ ᒪᒋᑐᑕᒧᐎᓐ ᐃᓕᓕᐤ ᑳ ᑐᑕᒃ ᐗᓚᐎᑎᒥᒃ ᐎᔭᐎᒃ ᐃᑐᑕᒻ; ᒫᑲ ᐊᓇ ᑳ ᑐᑕᒃ ᐱᔑᒀᑎᓯᐎᓂᓕᐤ ᒪᒋᑐᑕᒻ ᑎᐱᓚᐌ ᐎᔭᐤ᙮

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔥᑕᒻ ᑯᕆᓐᑎᐊᓇ 7:38

ᐁᐗᑯ ᐅᒋ ᒫᑲ ᐊᓇ ᑳ ᐸᑭᑎᓈᑦ ᐎᑭᑐᐎᓂᒃ ᒥᓗᑐᑕᒻ; ᒫᑲ ᐊᓇ ᐁᑳ ᑳ ᐸᑭᑎᓈᑦ ᐎᑭᑐᐎᓂᒃ ᐊᐙᓯᑌ ᒥᓗᑐᑕᒻ᙮

ᓂᔥᑕᒻ ᑯᕆᓐᑎᐊᓇ 9:5

ᓇᒪ ᓈ ᓂᑦ ᐋᔮᓈᓐ ᑲᔥᑭᐅᐎᓐ, ᑭᒋ ᐸᐸᒧᑕᐊᑭᑦ ᐎᒋᔖᓂᔅᑴᒥᒪᐤ, ᓀᔥᑕᐱᑯ ᐃᔅᑴᐤ, ᑖᐱᔅᑯᒡ ᑯᑕᑭᔭᒃ ᐊᐸᔅᑕᓚᒃ, ᓀᔥᑕ ᑖᐱᔅᑯᒡ ᐎᒋᔖᓇ ᐅᑎᐯᓕᒋᑫᐤ, ᓀᔥᑕ ᓯᐸᔅ?

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᑲᓓᔕᐊᓇ 5:19

ᐊᓂᐃ ᐎᔮᓯᐎ ᐋᔨᑎᐎᓇ ᑭᔅᑫᓕᑖᑾᓋ, ᐅᐅ ᐁᐗᒀᓂᐃ; ᐱᔑᒀᑎᓯᐎᓐ, ᒪᒋ ᒫᒪᐎᐃᑐᐎᓐ, ᐎᓂᓯᐎᓐ, ᐱᔑᒀᑎᓕᑕᒧᐎᓐ,

ᑲᓓᔕᐊᓇ 5:21

ᐅᑌᓕᑕᒧᐎᓇ, ᓂᐹᔭᐌᐎᓇ, ᑭᔥᑴᐯᐎᓐ, ᒪᒋ ᒪᑯᔐᐎᓇ, ᓀᔥᑕ ᐊᓂᐃ ᑖᐱᔅᑯᒡ ᐅᐅ: ᓂᔮᑲᓇ ᒫᑲ ᐅᐅ ᑭ ᐅᒋ ᐎᑕᒫᑎᓇᐗᐤ, ᑖᐱᔅᑯᒡ ᐋᔕᔾ ᐁ ᑮ ᐎᑕᒫᑕᑾᒃ, ᐊᓂᑭ ᐅᐅ ᑳ ᑐᑕᑭᒃ ᓇᒪᐎᓚ ᑲᑕ ᐊᑎ ᐋᔭᐌᐗᒃ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᐤ᙮

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᓂᔥᑕᒻ ᑎᒧᑎ 3:12

ᐁᑯᔑ ᒫᑲ ᐋᔭᒥᐁᐎᑭᒪᐗᒃ ᑲᑕ ᐅ ᓈᐯᒥᒥᑯᐗᒃ ᐯᔭᒃ ᐃᔅᑴᐗ, ᐁ ᒥᓓ ᑎᐯᓕᒫᑦ ᑎᐱᓚᐌ ᐅᑦ ᐊᐙᔑᒥᔑᐙᐗ ᓀᔥᑕ ᐎᑭᐙᐗ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 3:4

ᐊᐌᓇ ᒀᔭᔉ ᑳ ᑎᐯᓕᑕᒃ ᑎᐱᓚᐌ ᐎᑭ, ᐁ ᑎᐯᓕᒫᑦ ᐅᑦ ᐊᐙᔑᒥᔕ ᒥᓯᐌ ᓕᑆᑳᐙᑎᓯᐎᓂᒃ;

ᓂᔥᑕᒻ ᑎᒧᑎ 4:3

ᐁ ᑭᑕᐊᒫᑫᒋᒃ ᑭᒋ ᐎᑭᑐᓈᓂᐗᒃ, ᓀᔥᑕ ᐁ ᔑᑭᑫᒧᒋᒃ ᐁᑳ ᑭᒋ ᒥᒋᓈᓂᐗᑭ ᒥᒋᒪ, ᑭᒋᒪᓂᑐ ᑳ ᑮ ᐅᔑᑖᑦ ᓇᓈᔅᑯᒧᐎᓂᒃ ᑭᒋ ᐅᑎᓇᑭᒃ ᐊᓂᑭ ᑳ ᑖᐺᑕᑭᒃ ᓀᔥᑕ ᑳ ᑭᔅᑫᓕᑕᑭᒃ ᑖᐺᐎᓂᓕᐤ᙮

ᓂᔥᑕᒻ ᑎᒧᑎ 5:14

ᐁᐗᑯ ᐅᒋ ᒫᑲ ᓇᑐᐌᓕᑕᒫᓐ ᐅᔥᑭᓂᑭᔅᑴᐗᒃ ᑭᒋ ᐅᓈᐯᒥᒋᒃ, ᑭᒋ ᓂᑕᐎᑭᐋᒋᒃ ᐊᐙᔑᔕ, ᑭᒋ ᑲᓇᐎᐙᔅᑳᔨᑲᓂᒋᒃ, ᐁᑳ ᐁ ᐃᓕᓇᐙᒋᒃ ᐅᐹᑾᔑᐃᐌᐗ ᐙᔦᔥ ᑭᒋ ᒪᒋ ᐃᑗᓕᒋ:

ᑕᐃᑕᔅ 1:6

ᑮᔥᐱᓐ ᐊᐌᓇ ᐁᑳ ᒪᒋᐃᑌᓕᑖᑯᓯᑦ, ᐁ ᐅᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᐋᔭᐙᑦ ᐁ ᒀᔭᔅᑭᑎᓕᒋ ᐊᐙᔑᔕ, ᐁᑳ ᑳ ᒪᒥᔑᒫᑲᓂᐎᓕᒋ ᐁ ᒪᒋᐋᔨᑎᓕᒋ, ᐁᑳ ᓀᔥᑕ ᐁ ᔑᐱᑕᒥᓕᒋ᙮

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮