ᐦᐃᑉᕉᐗ 13:21 - ᐅᔅᑭ ᑎᔅᑌᒥᓐᑦ

²¹ ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐦᐃᑉᕉᐗ 13:21 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:50

ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮

ᐅᐸᓓᑭᔅ ᒫᑎᐤ 21:31

ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᑎᐤ 28:20

ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᑎᐤ 7:21

ᓇᒪᐎᓚ ᒥᓯᐌ ᑕᑐ ᐊᐌᓇ ᑳ ᐃᔑᑦ, ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ; ᒫᑲ ᐊᓇ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒑᓐ 17:23

ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:36

ᐌᓴ ᐎᓚ ᐅᒋᐸᓕᐗ, ᓀᔥᑕ ᐎᓚ ᐅᒋ, ᓀᔥᑕ ᐎᓚ ᑭᒋ ᐋᔮᑦ, ᐃᑕᒀᓋ ᒥᓯᐌ ᑫᒀᓇ: ᑲᑕ ᐎ ᐋᔭᐤ ᒫᑲ ᑭᔅᑖᒋᒥᑯᓯᐎᓂᓕᐤ ᑳᑭᑫ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:27

ᑭᒋᒪᓂᑐ ᐎᓚ ᐱᑯ ᑳ ᑲᑫᑕᐌᓕᑕᒃ, ᑲᑕ ᐎ ᒫᒥᒋᒫᑲᓂᐎᐤ ᒋᓴᔅ ᙭ ᐅᒋ ᑳᑭᑫ᙮ ᐁᒣᓐ᙮

ᓂᔓ ᑯᕆᓐᑎᐊᓇ 9:8

ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ:

ᑲᓓᔕᐊᓇ 1:5

ᐊᓇ ᑫ ᐎ ᒫᒥᒋᒫᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 2:11

ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᐱᓕᐱᔭᓇ 2:13

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ:

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᑯᓚᔑᔭᓇ 3:20

ᐊᐙᔑᔑᑐᒃ, ᓇᓇᐃᑖᑯᒃ ᑭ ᓂᑭᐃᑯᐗᐗᒃ ᒥᓯᐌ ᐃᔑ, ᐌᓴ ᐁᐗᑴᓕᐤ ᓈᔅᐱᒡ ᒥᓜᓕᑕᒻ ᐅᑎᐯᓕᒋᑫᐤ᙮

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 4:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮

ᓂᔥᑕᒻ ᑎᒧᑎ 1:17

ᐁᑯ ᑭᒋᐅᑭᒪᐤ ᑳᑭᑫ ᑳ ᐃᑖᑦ, ᑳᑭᑫ ᑳ ᐱᒫᑎᓰᑦ, ᐁᑳ ᑳ ᓄᑯᓯᑦ, ᐎᓚ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ, ᑲᑕ ᐎ ᑭᔅᑌᓕᒪᐤ ᓀᔥᑕ ᑲᑕ ᐎ ᑭᔅᑌᓕᑖᑯᐊᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔥᑕᒻ ᑎᒧᑎ 6:16

ᐊᓇ ᐱᑯ ᑳ ᐋᔮᑦ ᑳᑭᑫ ᐱᒫᑎᓯᐎᓂᓕᐤ, ᐁ ᑕᔑᑫᑦ ᐙᓭᔮᓯᐎᓂᒃ, ᐃᑕ ᐁᑳ ᐊᐌᓇ ᐃᓕᓕᐤ ᑫ ᑮ ᓈᑕᒃ; ᐊᓇ ᐁᑳ ᑳ ᑮ ᐙᐸᒥᑯᑦ ᐃᓕᓕᐗ, ᐁᑳ ᓀᔥᑕ ᑳ ᑲᔥᑭᑖᓕᒋ ᑭᒋ ᐙᐸᒥᑯᑦ: ᐊᓇ ᑫ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ ᑳᑭᑫ᙮ ᐁᒣᓐ᙮

ᓂᔓ ᑎᒧᑎ 3:17

ᐊᓇ ᑭᒋᒪᓂᑐ ᐅᑦ ᐃᓕᓕᒪ ᑭᒋ ᑮ ᐅᒋ ᑐᓂᐎᓯᑦ, ᒥᑐᓂ ᐁ ᐋᔦᔅᑲᐎᐋᑲᓂᐎᑦ ᒥᓯᐌ ᒥᓗ ᐊᑑᔅᑫᐎᓇ ᐃᔑ᙮

ᓂᔓ ᑎᒧᑎ 4:18

ᐅᑎᐯᓕᒋᑫᐤ ᒫᑲ ᓂ ᑳ ᐎᑾᒋᐃᒃ ᒥᓯᐌ ᑕᑐ ᒪᒋ ᐊᑐᔅᑫᐎᓂᒃ ᐅᒋ, ᓀᔥᑕ ᓂ ᑳ ᑲᓇᐌᓕᒥᒃ ᐅ ᑭᒋᑭᔑᑲᐎ ᐅᑭᒫᐎᐎᓂᒃ ᐃᔑ: ᐁᐗᒀᓇ ᑫ ᐎ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐦᐃᑉᕉᐗ 10:36

ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮

ᐦᐃᑉᕉᐗ 12:23

ᐊᓂᒪ ᒫᒪᐎ ᒪᐗᒋᐃᑐᐎᓐ ᓀᔥᑕ ᐅ ᒫᒪᐎᐋᔭᒥᐊᒥᐗᐗ ᓃᔥᑕᒧᔖᓇᒃ, ᑭᒋᑭᔑᑯᒃ ᑳ ᒪᓯᓇᐃᑳᓱᒋᒃ, ᓀᔥᑕ ᑭᒋᒪᓂᑐ ᒥᓯᐌ ᑳ ᑎᐹᔅᑯᓈᑦ, ᓀᔥᑕ ᐅᑦ ᐊᒑᑯᐗᐗ ᑳ ᒀᔭᔅᑭᑎᒋᒃ ᐃᓕᓕᐗᒃ ᐁ ᒥᑐᓂᐋᑲᓂᐎᒋᒃ,

ᐦᐃᑉᕉᐗ 12:28

ᐁᐗᑯ ᐅᒋ ᑭᓚᓈᓇᐤ ᐁ ᒥᓕᑲᐎᔭᒃ ᐅᑭᒪᐎᐎᓐ ᐁᑳ ᑫ ᑮ ᐋᔭᒡ ᐊᔅᑖᓂᐗᒃ, ᐁᑯᔑ ᒥᒋᒥᓈᑕᐤ ᔕᐌᓕᒋᑫᐎᓐ, ᐊᓂᒪ ᑫ ᐅᒋ ᒀᔮᔉ ᐊᑑᔅᑫᔅᑕᐗᒃ ᑭᒋᒪᓂᑐ ᑭᔅᑌᓕᑕᒧᐎᓂᒃ ᓀᔥᑕ ᒪᓂᑐᐎ ᓇᓂᒋᐎᓂᒃ;

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᐱᑕᕐ 4:2

ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 2:17

ᐊᔅᑭ ᒫᑲ ᐌᐱᐸᓕᐤ, ᓀᔥᑕ ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ: ᒫᑲ ᐊᓇ ᑳ ᑐᑕᒸᑦ ᑭᒋᒪᓂᑐᐗ ᐅᑦ ᐃᑌᓕᑕᒧᐎᓂᓕᐤ ᑳᑭᑫ ᐃᑖᐤ᙮

ᓂᔥᑕᒻ ᒑᓐ 3:22

ᒥᓯᐌ ᑫᒀᓐ ᒫᑲ ᑳ ᓇᑐᑕᒪᐋᒃ ᑭ ᒥᓕᑯᓇᐤ, ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ, ᓀᔥᑕ ᐁ ᑐᑕᒪᒃ ᐊᓂᐃ ᑫᒀᓇ ᑳ ᒥᓗ ᑲᓇᐙᐸᑕᒃ:

ᒎᑦ 1:25

ᐊᓇ ᐱᑯ ᑳ ᑲᑫᑕᐌᓕᑕᒃ ᑭᒋᒪᓂᑐ ᑭ ᐱᒫᒋᐃᐌᒥᓇᐤ, ᑫ ᐎ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᒋᐅᑭᒪᐌᓕᑖᑯᓯᐎᓂᓕᐤ, ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ, ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 4:6

ᐅᑎᔥᑲᐤ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓐ ᐙᓭᓂᑖᑲᓂᐎ ᑭᒋᑲᒥ ᑖᐱᔅᑯᒡ ᒪᔅᑾᒥ: ᑌᑖᐎᒡ ᒫᑲ ᐅᑭᒪᐗᐱᐎᓂᒃ, ᓀᔥᑕ ᐙᔅᑲ ᐅᑭᒪᐗᐱᐎᓂᒃ ᑮ ᐃᑖᐗᒃ ᓀᐤ ᐅᐱᒫᑎᓴᒃ, ᒥᓯᐌ ᐁ ᐅᔅᑭᔑᑯᒋᒃ ᓃᔅᑖᒥᒃ ᓀᔥᑕ ᐅᑖᓈᒃ᙮

ᑭᔅᑫᓕᑖᑯᑖᑫᐎᓐ 5:13

ᒥᓯᐌ ᑕᑐ ᐊᐌᓇ ᑳ ᐃᑖᑦ ᑭᒋᑭᔑᑯᒃ, ᓀᔥᑕ ᐊᔅᑮᒃ, ᓀᔥᑕ ᐊᑖᒪᔅᑲᒥᒃ, ᓀᔥᑕ ᐊᓂᑭ ᑭᒋᑲᒦᒃ ᑳ ᐃᑖᒋᒃ, ᓀᔥᑕ ᒥᓯᐌ ᐁᑯᑕ ᑳ ᐃᑖᒋᒃ, ᓂ ᑮ ᐯᑕᐙᐗᒃ ᐁ ᐃᑗᒋᒃ, ᒥᓦᑭᒥᐌᐎᓐ, ᓀᔥᑕ ᑭᔅᑎᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᔥᑭᐅᐎᓐ, ᑲᑕ ᐎ ᐋᔭᐤ ᐊᓇ ᑳ ᐊᐱᑦ ᐅᑭᒪᐗᐱᐎᓂᒃ, ᓀᔥᑕ ᒫᓂᔥᒑᓂᔑᔥ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;