ᐦᐃᑉᕉᐗ 13:16 - ᐅᔅᑭ ᑎᔅᑌᒥᓐᑦ

¹⁶ ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᐦᐃᑉᕉᐗ 13:16 ပူးပေါင်းရင်းမြစ်များ

ᐅᐸᓓᑭᔅ ᓘᒃ 18:22

ᐃᔅᐱ ᒫᑲ ᒋᓴᔅ ᐱᐁᑕᒃ ᐅᐅ ᑫᒀᓇ, ᑮ ᐃᑌᐤ, ᐯᔭᒃ ᑫᒀᓇ ᑭ ᓄᑌᐸᓕᓐ: ᐊᑖᐙᑫ ᒥᓯᐌ ᑳ ᐋᔮᔭᓐ, ᒫᑎᓇᒪᐎᒃ ᒫᑲ ᐅᑭᑎᒫᑭᓯᐊᐧᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᐯᒋ ᓄᔅᐱᓇᔑᓐ ᒫᑲ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 9:36

ᐁᑯ ᑳ ᐃᑖᑦ ᐊᓐᑕ ᒐᐸᐃᒃ ᐯᔭᒃ ᑭᔅᑭᓄᐊᒪᐙᑲᓐ ᑖᐱᑕ ᐁ ᐃᔑᓂᑳᓱᑦ, ᐊᓂᒪ ᐁ ᐃᑗᔅᒋᑳᑕᒃ ᑐᕐᑲᔅ ᑳ ᐃᑣᓂᐗᒃ: ᐊᐗ ᐃᔅᑴᐤ ᑮ ᓵᑲᔅᑭᓀᐤ ᒥᓗ ᐊᑐᔅᑭᐎᓇ ᓀᔥᑕ ᐅᒌᔅᑕᒫᑫᐎᓇ ᑳ ᑮ ᑐᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:13

ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑲᓓᔕᐊᓇ 6:6

ᐁᑯᔑ ᐊᓇ ᑳ ᑭᔅᑭᓄᐊᒫᑦ ᐋᔭᒥᐎᓂᓕᐤ ᑲᑕ ᐅᒋᔅᑕᒪᐌᐤ ᐊᓂᐃ ᑳ ᑭᔅᑭᓄᐊᒫᑫᓕᒋ ᒥᓯᐌ ᑳ ᒥᓦᔑᓂᓕᑭ᙮

ᐃᐱᓯᔭᓇ 4:28

ᐊᓇ ᑳ ᑮ ᑭᒧᑎᑦ, ᐁᑯᔑ ᐁᑳᐎᓚ ᒥᓇ ᑲᑕ ᑭᒧᑎᐤ: ᒫᑲ ᐊᐙᓯᑌ ᑲᑕ ᐊᑑᔅᑫᐤ, ᐁ ᑐᑕᒃ ᐅᒋᒋᔭ ᐅᒋ ᐊᓂᐁᓕᐤ ᑳ ᒥᓨᔑᓂᓕᒃ, ᑭᒋ ᑮ ᒥᓛᑦ ᐊᓂᐃ ᑳ ᒪᓀᓯᓕᒋ᙮

ᐱᓕᐱᔭᓇ 4:14

ᐁᓕᐌᒃ ᒫᑲ ᒀᔭᔉ ᑭ ᑮ ᑐᑌᓇᐗᐤ ᐁ ᑮ ᐅᑎᓇᒫᐙᑕᒣᒃ ᓂᑦ ᐊᓕᒥᓯᐎᓐ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 5:15

ᔮᒀᒥᓰᒃ ᐁᑳᐎᓚ ᐊᐌᓇ ᒥᔅᑯᒡ ᑭᒋ ᒪᒋᑐᑕᐙᑦ ᐊᐌᓕᐗ ᑳ ᒪᒋᑐᑖᑯᑦ; ᒫᑲ ᒧᔕᒃ ᓄᔅᐱᓈᑕᒧᒃ ᐊᓂᒪ ᑳ ᒥᓨᔑᒃ, ᑖᐱᔅᑯᒡ ᐁ ᐃᑐᑖᑐᔦᒃ ᓀᔥᑕ ᒥᓯᐌ ᐃᓕᓕᐗᒃ᙮

ᓂᔓ ᑌᓴᓗᓂᔭᓇ 3:13

ᒫᑲ ᑭᓚᐗᐤ, ᓂᒋᔖᓂᑐᒃ, ᐁᑳᐎᓚ ᐋᔦᔅᑯᓯᒃ ᐁ ᒥᓗᑐᑕᒣᒃ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᐹᐃᓕᒪᓐ 1:6

ᐁ ᐙᐸᑎᓕᐌᔭᓐ ᑭ ᑖᐺᔦᓕᑕᒧᐎᓐ ᑭᒋ ᑲᔥᑭᐅᒪᑲᒃ ᐁ ᐎᒋᑳᑌᒃ ᒥᓯᐌ ᑕᑐ ᒥᓗ ᑫᒀᓐ ᑳ ᐱᒋᔅᑳᑯᔭᓐ ᙭ ᒋᓴᓯᒃ᙮

ᐦᐃᑉᕉᐗ 6:10

ᐌᓴ ᑭᒋᒪᓂᑐ ᓇᒪᐎᓚ ᒪᒑᑎᓯᐤ ᑭᒋ ᐗᓂᑭᔅᑭᓯᑐᑕᒃ ᑭᑦ ᐊᑑᔅᑫᐎᓂᐗᐤ ᓀᔥᑕ ᑭ ᓵᑭᐃᐌᐎ ᐋᐸᑎᓯᐎᓂᐗᐤ, ᑳ ᑮ ᐙᐸᑎᓕᐌᔦᒃ ᐅᑦ ᐃᔑᓂᑳᓱᐎᓂᒃ, ᐁ ᑮ ᐅᒋᔅᑕᒪᐌᑾᒃ ᐅᐸᓓᑭᓴᒃ, ᑫᔮᐸᒡ ᓀᔥᑕ ᐁ ᐅᒋᔅᑕᒪᐌᑾᒃ᙮

ᓂᔅᑐ ᒑᓐ 1:11

ᓯᐋᑭᐃᑖᓐ ᐁᑳᐎᓚ ᓄᔅᐱᓇᑖ ᐊᓂᒪ ᑳ ᒫᓛᑕᒃ, ᒫᑲ ᐊᓂᒪ ᑳ ᒥᓨᔑᒃ᙮ ᐊᓇ ᑳ ᒥᓗᑐᑕᒃ ᑭᒋᒪᓂᑐᒃ ᐅᒋᐤ; ᒫᑲ ᐊᓇ ᑳ ᒪᒋᑐᑕᒃ ᓇᒪᐎᓚ ᐅᒋ ᐙᐸᒣᐤ ᑭᒋᒪᓂᑐᐗ᙮