ᐦᐃᑉᕉᐗ 13:15 - ᐅᔅᑭ ᑎᔅᑌᒥᓐᑦ

¹⁵ ᐎᓚ ᐅᒋ ᒫᑲ ᐁᑯᔑ ᐸᑭᑎᓂᑫᔅᑖᑕᐤ ᑭᒋᒪᓂᑐ ᒫᒥᒋᒥᐌᐎ ᓵᓵᑭᐎᓕᐌᐎᓐ ᒧᔕᒃ, ᐁᐗᑯ, ᑳ ᐅᒋᐸᓕᒃ ᑭᑐᓂᓈᒃ, ᐁ ᓇᓈᔅᑯᑕᒶᒃ ᐅᑦ ᐃᔑᓂᑳᓱᐎᓐ᙮

ᐦᐃᑉᕉᐗ 13:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᓘᒃ 10:21

ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᒥᓚᐙᑕᒻ ᐅᑦ ᐊᒑᑯᒃ, ᑮ ᐃᑗᐤ ᒫᑲ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ ᑌᐯᓕᒋᑫᔭᓐ ᑭᒋᑭᔑᑯᒃ, ᓀᔥᑕ ᐊᔅᑭᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ: ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᒑᓐ 10:9

ᓂᓚ ᐁᐗᑯ ᐃᔥᒀᑌᒻ: ᑮᔥᐱᓐ ᐊᐌᓇ ᓂᓚ ᐅᒋ ᐱᑐᑫᑌ, ᑲᑕ ᐱᒫᒋᐋᑲᓂᐎᐤ, ᑲᑕ ᐱᑐᑫᐤ ᒫᑲ ᓀᔥᑕ ᑲᑕ ᐗᓚᐎᐤ, ᑲᑕ ᒥᔅᑲᒻ ᒫᑲ ᒥᒋᓱᐎᓂᓕᐤ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:1

ᐁᐗᑯ ᐅᒋ ᒫᑲ ᑭ ᐸᑯᓭᓕᒥᑎᓇᐗᐤ, ᓂᒋᔖᓂᑐᒃ, ᐅ ᔕᐌᓕᒋᑫᐎᓇ ᐅᒋ ᑭᒋᒪᓂᑐ, ᑭᒋ ᐸᑭᑎᓇᒣᒃ ᑭᔭᐙᐗ ᐁ ᐱᒫᑕᒃ ᓵᓵᑭᐎᓕᐌᐎᓐ, ᐁ ᐸᓓᑲᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ, ᐁᐗᒀᓂᒪ ᐁ ᒀᔭᔅᑭᑌᓕᑖᑾᒃ ᑭᑦ ᐋᔭᒥᐊᐎ ᐊᑑᔅᑫᐎᓂᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:19

ᓂᑦ ᐋᔭᒥᓐ ᐁ ᐃᔑ ᐋᔭᒥᒋᒃ ᐃᓕᓕᐗᒃ ᐁ ᓕᓚᒥᓯᒪᑲᒃ ᑭ ᐎᔮᓯᐗᐤ: ᐌᓴ ᑖᐱᔅᑯᒡ ᐁ ᑮ ᐸᑭᑎᓇᒣᒃ ᑭ ᐸᔅᑫᓯᐎᓂᐗᐗ ᑭᒋ ᐊᑐᔅᑫᔅᑕᒧᒪᑲᑭ ᐎᓂᓯᐎᓐ ᓀᔥᑕ ᒪᒑᑎᓯᐎᓐ ᒪᒑᑎᓯᐎᓂᒃ ᐃᔑ; ᐁᑯ ᓀᔥᑕ ᐊᓄᒡ ᐸᑭᑎᓇᒧᒃ ᑭ ᐸᔅᑫᓯᐎᓂᐗᐗ ᑭᒋ ᐊᑑᔅᑫᔅᑕᒧᒪᑲᑭ ᑳᔭᔅᑭᑖᑎᓯᐎᓐ ᐸᓓᑭᓯᐎᓂᒃ ᐃᔑ᙮

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᑯᓚᔑᔭᓇ 1:12

ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᐦᐃᑉᕉᐗ 12:28

ᐁᐗᑯ ᐅᒋ ᑭᓚᓈᓇᐤ ᐁ ᒥᓕᑲᐎᔭᒃ ᐅᑭᒪᐎᐎᓐ ᐁᑳ ᑫ ᑮ ᐋᔭᒡ ᐊᔅᑖᓂᐗᒃ, ᐁᑯᔑ ᒥᒋᒥᓈᑕᐤ ᔕᐌᓕᒋᑫᐎᓐ, ᐊᓂᒪ ᑫ ᐅᒋ ᒀᔮᔉ ᐊᑑᔅᑫᔅᑕᐗᒃ ᑭᒋᒪᓂᑐ ᑭᔅᑌᓕᑕᒧᐎᓂᒃ ᓀᔥᑕ ᒪᓂᑐᐎ ᓇᓂᒋᐎᓂᒃ;

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮