ᐦᐃᑉᕉᐗ 12:27 - ᐅᔅᑭ ᑎᔅᑌᒥᓐᑦ

²⁷ ᐅᒪ ᐋᔭᒥᐎᓐ ᒫᑲ, ᑫᔮᐸᒡ ᐯᔭᑾᐤ, ᐃᑗᒪᑲᓐ ᐁ ᐃᑲᑌᓂᑳᑌᑭ ᐊᓂᐃ ᑳ ᓇᓂᑭᐸᓕᑭ, ᑖᐱᔅᑯᒡ ᐊᓂᐃ ᑳ ᑮ ᐅᔑᑖᓂᐗᑭ, ᐊᓂᐃ ᐁᑳ ᑫ ᑮ ᓇᓇᒥᐸᓕᑭ ᑭᒋ ᐃᑕᑾᑭ᙮

ᐦᐃᑉᕉᐗ 12:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:35

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ, ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:19

ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:21

ᐌᓴ ᑳ ᐅᔑᐋᑲᓂᐎᑦ ᑫᒋᐙᒃ ᑲᑕ ᐅᒋ ᐱᒫᒋᐋᑲᓂᐎᐤ ᓂᔑᐗᓈᑎᓯᐎ ᑎᐯᓕᒋᑫᐎᓂᓕᐤ ᑭᒋ ᐋᔭᐙᑦ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᐅ ᑎᐯᓕᒥᑎᓱᐎᓂᓕᐤ ᑳ ᑭᔅᑌᓕᑖᑾᓂᓕᒃ᙮

ᓂᔥᑕᒻ ᑯᕆᓐᑎᐊᓇ 7:31

ᐊᓂᑭ ᓀᔥᑕ ᑳ ᐋᐸᒋᑖᒋᒃ ᐅᒣᓕᐤ ᐊᔅᑭᓕᐤ, ᐁᑳ ᐁ ᒪᒋ ᐋᐸᒋᑖᒋᒃ: ᐌᓴ ᐁ ᐃᔑᓈᑾᒃ ᐅᒪ ᐊᔅᑭ ᐌᐱᐸᓕᐤ᙮

ᐦᐃᑉᕉᐗ 1:10

ᓀᔥᑕ ᒫᑲ, ᑭᓚ, ᑌᐯᓕᒋᑫᔭᓐ, ᒪᐗᒋ ᓃᔥᑕᒻ ᑭ ᑮ ᐅᓚᔅᑲᒥᑭᑎᑖᓐ ᐊᔅᑭ; ᑭᔑᑾ ᓀᔥᑕ ᑭᒋᒋᔭ ᑭ ᐅᔑᑖᒪᑲᓋ᙮

ᐦᐃᑉᕉᐗ 13:14

ᐌᓴ ᐅᑕ ᓇᒪᐎᓚ ᑭᑦ ᐋᔮᓈᓇᐤ ᑳᑭᑫ ᐃᑖᐎᓐ, ᒫᑲ ᑭ ᓈᓇᑕᐌᓕᑌᓈᓇᐤ ᐯᔭᒃ ᑫ ᐹᐸᓕᒃ᙮

ᐦᐃᑉᕉᐗ 9:11

ᒫᑲ ᙭ ᐁ ᑮ ᑕᑯᔑᒃ, ᐊᓇ ᑭᒋ ᓵᓵᑭᐎᓕᐌᐎᓕᓕᐤ ᐊᓂᐃ ᒥᓗ ᑫᒀᓇ ᐅᒋ ᑫ ᐅᑎᒋᐸᓕᑭ, ᐊᐙᓯᑌ ᑫᔅᑌᓕᑖᑾᒃ ᓀᔥᑕ ᐯᔅᑭᓛᑫᒃ ᐋᔭᒥᐋᐎ ᒥᑭᐙᒥᒃ, ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁᐗᑯ, ᐁᑳ ᐅᒪ ᐁ ᐃᔑ ᐅᔑᑖᓂᐗᒃ;

ᑭᔅᑫᓕᑖᑯᑖᑫᐎᓐ 11:15

ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 21:1

ᓂ ᑮ ᐙᐸᑌᓐ ᒫᑲ ᐅᔥᑭ ᑭᔑᒃ ᓀᔥᑕ ᐅᔥᑭ ᐊᔅᑭ: ᐌᓴ ᓃᔥᑕᒻ ᑭᔑᒃ ᓀᔥᑕ ᐊᔅᑭ ᑮ ᐌᐱᐸᓕᐗ; ᓇᒪ ᓀᔥᑕ ᑫᔮᐸᒡ ᑮ ᐃᑕᑾᓐ ᑭᒋᑲᒥ᙮

ᑭᔅᑫᓕᑖᑯᑖᑫᐎᓐ 21:4

ᑭᒋᒪᓂᑐ ᒫᑲ ᑲᑕ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ ᐅᔅᑭᔑᑯᓕᒃ; ᓇᒪᐎᔅᑳᑦ ᒥᓇ ᒫᑲ ᑲᑕ ᐃᑕᑾᓐ ᓂᐱᐎᓐ, ᓇᒪ ᓀᔥᑕ ᒥᔕᒣᓕᑕᒧᐎᓐ, ᓇᒪ ᓀᔥᑕ ᒫᑐᐎᓐ, ᓇᒪ ᓀᔥᑕ ᒥᓇ ᑲᑕ ᐃᑕᑾᓐ ᐎᓴᑫᓕᑕᒧᐎᓐ: ᐌᓴ ᑳᔮᔥ ᑫᒀᓇ ᑮ ᐌᐱᐸᓕᐗ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮