ᐦᐃᑉᕉᐗ 12:24 - ᐅᔅᑭ ᑎᔅᑌᒥᓐᑦ

²⁴ ᓀᔥᑕ ᒋᓴᔅ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓀᔥᑕ ᒥᑯ ᐁ ᐸᑭᑲᐎᐌᐱᓂᑳᑌᒃ, ᓇᐗᒡ ᒥᓗ ᑫᒀᓇ ᑳ ᐋᓕᒧᑕᒧᒪᑲᑭ ᐃᔥᐱᔥ ᐅᒥᑯᒻ ᐁᐱᓪ᙮

ᐦᐃᑉᕉᐗ 12:24 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:35

ᑭᒋ ᐅᑎᑎᑯᔦᒃ ᒥᓯᐌ ᒀᔭᔅᑭᑖᑎᓯᐎ ᒥᑯ ᑳ ᑮ ᓯᑲᐃᑳᑌᒃ ᐊᔅᑮᒃ, ᐅᒀᔭᔅᑭᑖᑎᓯᐤ ᐁᐱᓪ ᐅᒥᑯ ᐅᒋ, ᐱᓕᔥ ᐅᒥᑯ ᓵᑲᕌᔭᔅ ᑖᕋᑲᔭᔅ ᐅᑯᓯᓴ, ᑳ ᑮ ᓂᐹᔦᒃ ᑕᔅᑕᐎᒡ ᑭᒋ ᐋᔭᒥᐁᐃᑲᒥᑯᒃ ᓀᔥᑕ ᐸᑭᒋᑲᓈᐱᔅᑯᒃ᙮

ᐅᐸᓓᑭᔅ ᒫᑎᐤ 26:28

ᐌᓴ ᐁᐗᑯ ᐅᒪ ᓂᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ ᑭᒋ ᐌᐯᓕᒋᑳᑌᑭ ᒪᒋᑣᐎᓇ᙮

ᐅᐸᓓᑭᔅ ᒫᕐᒃ 14:24

ᑮ ᐃᑌᐤ ᒫᑲ, ᐁᐗᑯ ᐅᒪ ᓂ ᒥᑯᒻ ᐅᔥᑭ ᓇᔅᑯᒥᑐᐎᓂᒃ, ᒥᒉᑦ ᑳ ᐅᒋ ᓯᑲᐃᑳᑌᒃ᙮

ᐅᐸᓓᑭᔅ ᓘᒃ 11:51

ᐁᐱᓪ ᐅᒥᑯ ᐅᒋ, ᐱᓕᔥ ᐅᒥᑯ ᓵᑲᕌᔭ, ᑳ ᑮ ᓂᐸᐋᑲᓂᐎᑦ ᑕᔅᑕᐎᒡ ᐸᑭᒋᑲᓈᐱᔅᑯᒃ ᓀᔥᑕ ᑭᒋᐋᔭᒥᐁᐎᑲᒥᑯᒃ: ᑖᐺ ᑭᑦ ᐃᑎᓇᐗᐤ, ᐅᑯ ᐊᓄᒡ ᑳ ᐱᒫᑎᓯᒋᒃ ᑲᑕ ᓇᑕᐌᓕᑕᒪᐙᐗᒃ᙮

ᐅᐸᓓᑭᔅ ᓘᒃ 22:20

ᑖᐱᔅᑯᒡ ᓀᔥᑕ ᒥᓂᒀᑲᓂᓕᐤ ᑳ ᓂᐯᑴᒋᒃ, ᐁ ᐃᑗᑦ, ᐅᒪ ᒥᓂᒀᑲᓐ ᐁᐗᑯ ᐅᔥᑭ ᓇᔅᑯᒥᑐᐎᓐ ᓂᒥᑯᒃ, ᑲᓚᐗᐤ ᑳ ᐅᒋ ᓯᑭᓂᑳᑌᒃ᙮

ᑲᓓᔕᐊᓇ 3:20

ᐅᑖᔭᒥᔅᑕᒫᑫᐤ ᒫᑲ ᓇᒪᐎᓚ ᐃᑖᐤ ᐃᑕ ᐁ ᐃᑖᓕᒋ ᐯᔭᒃ ᐊᐌᓕᐗ ᐱᑯ, ᒫᑲ ᑭᒋᒪᓂᑐ ᐯᔭᑯ᙮

ᓂᔥᑕᒻ ᑎᒧᑎ 2:5

ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ;

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 11:28

ᑖᐺᔦᓕᑕᒧᐎᓐ ᐅᒋ ᑮ ᑲᓇᐌᓕᑕᒻ ᒥᔮᔥᑳᑫᐎ ᒪᑯᔐᐎᓐ, ᓀᔥᑕ ᐁ ᐸᑭᑲᐎᐌᐱᓂᑳᑌᓕᒃ ᒥᑯᓕᐤ, ᐊᓇ ᑳ ᑮ ᓂᔑᐗᓈᒋᐋᑦ ᐊᓂᐃ ᓂᔥᑕᒧᔖᓇ ᐁᑳ ᑭᒋ ᓵᒥᓈᑦ ᐃᔅᕃᐃᓪ ᐅᑦ ᐊᐙᔑᒥᔕ᙮

ᐦᐃᑉᕉᐗ 11:4

ᑖᐺᔦᓕᑕᒧᐎᓐ ᐅᒋ ᐁᐱᓪ ᑮ ᐸᑭᑎᓇᒪᐌᐤ ᑭᒋᒪᓂᑐᐗ ᐊᐙᓯᑌ ᒣᓨᔑᓂᓕᒃ ᓵᓵᑭᐎᓕᐌᐎᓂᓕᐤ ᐃᔥᐱᔥ ᑫᓐ, ᑳ ᑮ ᐅᒋ ᑲᔥᑭᑖᑦ ᑭᒋ ᐃᑖᒋᒫᑲᓂᐎᑦ ᐁ ᒀᔭᔅᑭᑖᑎᓰᑦ, ᑭᒋᒪᓂᑐᐗ ᐁ ᐋᓕᒧᑕᒥᓕᒋ ᐅ ᒥᓕᐌᐎᓇ: ᐁᐗᑴᓕᐤ ᐅᒋ ᐋᑕ ᐁ ᓂᐱᑦ ᑫᔮᐸᒡ ᐋᔭᒥᐤ᙮

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᐦᐃᑉᕉᐗ 7:22

ᒫᑲ ᐁᑯ ᐃᔥᐱᔥ ᒋᓴᔅ ᐊᐙᓯᑌ ᑭ ᑫᒋᓇᐅᐎᓂᐊᐤ ᓇᐗᒡ ᑳ ᒥᓨᔑᒃ ᓇᔅᑯᒥᑐᐎᓐ ᐅᒋ᙮

ᐦᐃᑉᕉᐗ 8:13

ᐁ ᐃᑗᑦ ᒫᑲ, ᐅᔥᑭ ᓇᔅᑯᒥᑐᐎᓐ, ᐊᓂᒪ ᓃᔥᑕᒻ ᑮ ᑳᔮᔑᑕᐤ᙮ ᐁᑯ ᐊᓂᒪ ᑳ ᐊᑎ ᓂᔑᐗᓈᑕᒃ ᓀᔥᑕ ᑳ ᐊᑎ ᑳᔮᔑᐗᒃ ᐋᔕᔾ ᐃᑌᓕᑖᑾᓐ ᑭᒋ ᐹᔑᑯᓈᑾᒃ᙮

ᐦᐃᑉᕉᐗ 8:6

ᐊᓄᒡ ᒫᑲ ᐋᔭᐤ ᐊᐙᓯᑌ ᑫᔅᑌᓕᑖᑾᓂᓕᒃ ᐊᑑᔅᑫᐎᓂᓕᐤ, ᑖᐱᔅᑯᒡ ᓀᔥᑕ ᐁ ᐋᔭᒥᐁᔅᑕᒫᑫᑦ ᐊᐙᓯᑌ ᑳ ᒥᓨᔑᒃ ᓇᔅᑯᒥᑐᐎᓂᒃ, ᑳ ᑮ ᒪᔥᑲᐗᔅᑖᓂᐗᒃ ᐊᐙᓯᑌ ᑳ ᒥᓨᔑᑭ ᐊᔓᑕᒫᑫᐎᓂᒃ᙮

ᐦᐃᑉᕉᐗ 8:8

ᐌᓴ ᐁ ᓈᔦᑕᐌᓕᒫᑦ, ᐃᑗᐤ, ᒫᑎᑲ, ᑲᑕ ᐅᑎᒋᐸᓕᐗ ᑭᔑᑳᐗ, ᐃᑗᐤ ᐅᑎᐯᓕᒋᑫᐤ, ᐃᔅᐱ ᑫ ᐅᔑᑕᒪᐗᑭᒃ ᐅᔥᑭ ᓇᔅᑯᒥᑐᐎᓂᓕᐤ ᑳ ᐃᑕᔑᑦ ᐃᔅᕃᐃᓪ, ᓀᔥᑕ ᑳ ᐃᑕᔑᑦ ᒎᑕ;

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᐦᐃᑉᕉᐗ 9:19

ᐌᓴ ᐃᔅᐱ ᒧᓯᔅ ᒥᓯᐌ ᑲᑫᔅᑴᐎᓇ ᑳ ᑮ ᐃᑖᑦ ᒥᓯᐌ ᐃᓕᓕᐗ, ᑳ ᐃᔑ ᐃᑗᒪᑲᒃ ᐅᓚᔓᐌᐎᓐ, ᑮ ᐅᑎᓇᒬᐤ ᒥᔅᑐᔑᔕ ᓀᔥᑕ ᑯᑕ ᐅᒥᑯᓕᐤ, ᐊᓯᒋ ᓂᐱᓕᐤ, ᐁ ᒥᒀᑭ ᒫᓂᔥᒑᓂᔑᐱᐌᔭ, ᓀᔥᑕ ᐁ ᐎᑭᒫᑾᑭ ᓂᑕᐎᑭᑖᑲᓂᔕ, ᓀᔥᑕ ᑮ ᐸᑭᑲᐎᐯᑲᐋᑕᒻ ᒪᓯᓇᐃᑲᓂᓕᐤ ᓀᔥᑕ ᒥᓯᐌ ᐃᓕᓕᐗ,

ᐦᐃᑉᕉᐗ 9:21

ᓀᔥᑕ ᒫᑲ ᒥᑯᓕᐤ ᑮ ᐅᒋ ᐸᑭᑲᐎᐯᑲᐋᑕᒻ ᐋᔭᒥᐋᐎ ᒥᑭᐙᒥᓕᐤ, ᓀᔥᑕ ᒥᓯᐌ ᐊᓱᐗᒋᑲᓇ ᑳ ᐋᔭᒥᐋᐎ ᐋᐸᒋᑖᓂᐗᑭ᙮

ᓂᔥᑕᒻ ᐱᑕᕐ 1:2

ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮