ᐦᐃᑉᕉᐗ 11:6 - ᐅᔅᑭ ᑎᔅᑌᒥᓐᑦ

⁶ ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᐦᐃᑉᕉᐗ 11:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:26

ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮

ᐅᐸᓓᑭᔅ ᒫᑎᐤ 5:12

ᒪᓚᐙᑕᒧᒃ, ᓈᔅᐱᒡ ᒫᑲ ᓯᑭᓓᓯᒃ; ᐌᓴ ᒥᔕᐤ ᑭ ᑎᐸᐊᒫᑯᓯᐎᓂᐗᐤ ᑭᒋᑭᔑᑯᒃ: ᐌᓴ ᐁᑯ ᑳ ᑮ ᐃᔑ ᑲᒀᑕᑭᐋᒋᒃ ᐅᑭᔅᑭᐙᐃᑫᐗ ᑳ ᐯᒋ ᓂᑳᓂᔅᑳᑖᑾᒃ

ᐅᐸᓓᑭᔅ ᒫᑎᐤ 6:16

ᓀᔥᑕ ᒫᑲ ᐃᔅᐱ ᓀᑲᓸᔦᑯ, ᐁᑳᐎᓚ ᓇᔅᐱᑖᑯᒃ ᐅᑖᔭᒥᐁᑳᓱᔅᑲᒃ, ᐁ ᒪᒋᑴᒋᒃ: ᐌᓴ ᐎᓚᐗᐤ ᒪᒋᑴᐃᑎᓯᐗᒃ ᑭᒋ ᐙᐸᒥᑯᒋᒃ ᐃᓕᓕᐗ ᐁ ᓂᑲᓯᒋᒃ᙮ ᑖᐺ ᑭᑦ ᐃᑎᓇᐗᐤ, ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 6:33

ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 6:5

ᐃᔅᐱ ᒫᑲ ᐃᐋᔭᒥᐋᔭᓂ, ᐁᑳᐎᓚ ᑭ ᑲ ᓇᔅᐱᑕᐙᐗᒃ ᐅᑖᔭᒥᐁᑳᓱᔅᑲᒃ: ᐌᓴ ᐎᓚᐗᐤ ᓵᑭᑖᐗᒃ ᐁ ᐋᔭᒥᐋᒋᒃ ᐁ ᓂᐸᐎᒋᒃ ᐋᔭᒥᐁᐎᑲᒥᑯᒃ, ᓀᔥᑕ ᐁ ᓕᑭᑕᐗᒧᑭ ᐱᒥᑌᔅᑲᓇᐗ, ᑭᒋ ᐙᐸᒥᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓇᐗᐤ ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᕐᒃ 16:17

ᐅᐅ ᑭᒋᑭᓄᐙᒋ ᐙᐸᑎᓕᐌᐎᓇ ᒫᑲ ᑲᑕ ᐎᒉᐎᑯᐗᒃ ᐊᓂᑭ ᑫ ᑖᐺᑕᑭᒃ: ᓂᑦ ᐃᔑᓂᑳᓱᐎᓂᒃ ᑲᑕ ᐗᓕᐎᐌᐱᓀᐗᒃ ᒪᒋ ᐊᒑᑾ; ᐅᔥᑭ ᐃᔑ ᑭᔗᐎᓇ ᑲᑕ ᐋᔭᒥᐗᒃ;

ᐅᐸᓓᑭᔅ ᓘᒃ 12:31

ᒫᑲ ᐊᐙᓯᑌ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᓘᒃ 6:35

ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 8:24

ᐁᐗᑯ ᐌᒋ ᐃᑎᑕᑾᒃ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ: ᐌᓴ ᑮᔥᐱᓐ ᐁᑳ ᑖᐺᑕᒣᑴ ᓂᓚ ᐁᐗᑯ ᐁ ᐋᐎᔮᓐ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:14

ᑖᓐᑌ ᒫᑲ ᑫ ᑮ ᓇᓈᑐᒫᒋᒃ ᐊᓂᐃ ᐁᑳ ᑳ ᐅᒋ ᑖᐺᔦᓕᒫᒋᒃ? ᑖᓐᑌ ᒫᑲ ᑫ ᑮ ᑖᐺᔦᓕᒫᒋᒃ ᐊᓂᐃ ᐁᑳ ᑳ ᐅᒋ ᐯᑕᑭᒃ? ᑖᓐᑌ ᒫᑲ ᑫ ᑮ ᐯᑕᑭᒃ ᐁᑳ ᐁ ᐯᒋ ᓈᑎᓇᒋᒃ ᐅᑲᑫᔅᑭᒥᐌᐗ?

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐦᐃᑉᕉᐗ 11:26

ᐅ ᒫᓓᓕᒥᑯᓯᐎᓐ ᙭ ᐁ ᐃᑌᓕᑕᒃ ᐊᐙᓯᑌ ᐁ ᒥᔕᑭᓯᐎᓂᐗᓂᓕᒃ ᐃᔥᐱᔥ ᐊᓂᐃ ᐌᓗᑎᓯᐎᓇ ᑳ ᐃᑕᑾᓂᓕᑭ ᐃᒋᑉᑎᒃ: ᐌᓴ ᑮ ᒫᒥᑐᓀᓕᑕᒻ ᐁ ᐃᔑᓈᑾᓂᓕᒃ ᑎᐸᐊᒫᑯᓯᐎᓂᓕᐤ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᐦᐃᑉᕉᐗ 4:2

ᐌᓴ ᑭᓚᓈᓇᐤ ᓀᔥᑕ ᑭ ᑮ ᐎᑕᒫᑲᐎᓈᓇᐤ ᒥᓗᐋᒋᒧᐎᓐ, ᑖᐱᔅᑯᒡ ᐎᓚᐗᐤ: ᒫᑲ ᐊᓂᐁᓕᐤ ᐋᔭᒥᐎᓂᓕᐤ ᑳ ᑮ ᐯᑕᑭᒃ ᓇᒪᐎᓚ ᐙᔦᔥ ᑮ ᐃᑖᐸᒋᐃᑯᐗᒃ, ᐁᑳ ᐊᓯᒋ ᐁ ᑮ ᑖᐺᔦᓕᑕᑭᒃ ᐊᓂᑭ ᑳ ᑮ ᐯᑕᑭᒃ᙮

ᐦᐃᑉᕉᐗ 4:6

ᐁ ᓄᑾᒃ ᒫᑲ, ᐁ ᐃᑭᒃ ᐋᑎᑦ ᐁᑯᑕ ᑭᒋ ᐱᑐᑫᒋᒃ, ᓀᔥᑕ ᐊᓂᑭ ᓃᔥᑕᒻ ᑳ ᑮ ᐎᑕᒪᐙᑲᓂᐎᒋᒃ ᒥᓗᐋᒋᒧᐎᓂᓕᐤ ᐁᑳ ᐁ ᑮ ᐱᑐᑫᒋᒃ ᐁᑳ ᐁ ᑮ ᑕᐺᑕᑭᒃ:

ᐦᐃᑉᕉᐗ 7:19

ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔓ ᐱᑕᕐ 1:10

ᐁᐗᑯ ᒫᑲ ᐅᒋ ᐊᐙᓯᑌ, ᓂᒋᔖᓂᑐᒃ, ᑭᓯᓴᐎᓯᒃ ᑭᒋ ᑫᒋᓈᔦᓕᑖᑯᑖᔦᒃ ᑭ ᓇᑐᒥᑯᓯᐎᓂᐗᐤ ᓀᔥᑕ ᑭ ᐙᐌᓛᐸᒥᑯᓯᐎᓂᐗᐤ: ᐌᓴ ᑮᔥᐱᓐ ᐅᐅ ᑐᑕᒣᑴ ᓇᒪᐎᔅᑳᑦ ᑭ ᑳ ᐸᑭᔑᓂᓇᐗᐤ:

ᓂᔓ ᐱᑕᕐ 1:5

ᐊᓯᒋ ᐅᒪ ᓀᔥᑕ, ᓈᔅᐱᒡ ᐁ ᑭᓯᓴᐎᓯᔦᒃ, ᑕᑯᑖᒃ ᑭ ᑖᐺᔦᓕᑕᒧᐎᓂᐙᒃ, ᒥᓨᑎᓯᐎᓐ, ᓀᔥᑕ ᒥᓨᑎᓯᐎᓂᒃ, ᑭᔅᑫᓕᑕᒧᐎᓐ;

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮