ᐦᐃᑉᕉᐗ 11:3 - ᐅᔅᑭ ᑎᔅᑌᒥᓐᑦ

³ ᑖᐺᔦᓕᑕᒧᐎᓐ ᑭᑦ ᐅᒋ ᓇᓯᑐᑌᓈᓇᐤ ᐊᔅᑭᐊ ᐁ ᑮ ᐅᔑᑖᓂᐗᑭ ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᐁᑯᔑ ᒫᑲ ᐊᓂᐃ ᑳ ᓄᑾᑭ ᓇᒪᐎᓚ ᑮ ᐅᒋ ᐅᔑᑖᓂᐗᓋ ᐊᓂᐃ ᑳ ᓄᑾᑭ᙮

ᐦᐃᑉᕉᐗ 11:3 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:3

ᒥᓯᐌ ᑫᒀᓇ ᑮ ᐅᔑᑕᐤ; ᓀᔥᑕ ᓇᒪᐎᓚ ᑫᒀᓐ ᐅᒋ ᐅᔑᑖᓂᐗᓐ ᐎᓚ ᐁᑳ ᐁ ᐅᒋ ᐅᔑᑖᑦ᙮

ᐊᐸᔅᑕᓚᒃ 14:15

ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᐊᐸᔅᑕᓚᒃ 17:24

ᑭᒋᒪᓂᑐ ᑳ ᑮ ᐅᔑᑖᑦ ᐊᔅᑭᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓕᓕᑭ ᐁ ᐗᐸᒋᑳᑌᒃ ᐎᓚ ᐁ ᑎᐯᓕᒋᑫᑦ ᑭᒋᑭᔑᑯᒃ ᓀᔥᑕ ᐊᔅᑭᒃ, ᓇᒪᐎᓚ ᑕᔑᑫᐤ ᐱᒋ ᐋᔭᒥᐁᐎᑲᒥᑾ ᑳ ᐅᔑᒋᑳᑌᑭ ᒥᒋᒋᔭ ᐅᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:17

ᐁ ᐃᑕᓯᓇᐃᑳᑌᒃ, ᑭ ᑮ ᐃᔑᐃᑎᓐ ᑭᒋ ᐅᑖᐎᒪᔅᑭᒃ ᒥᒉᑦ ᑳ ᐃᑕᔅᑳᓀᓯᒋᒃ ᐃᓕᓕᐗᒃ, ᐅᑎᔥᑲᐤ ᐊᓂᐃ ᑳ ᑮ ᑖᐺᑕᐙᑦ, ᑭᒋᒪᓂᑐᐗ ᐅᑎ, ᐊᓇ ᑳ ᐱᒫᒋᐋᑦ ᐊᓂᐃ ᑳ ᓂᐱᓕᒋ, ᓀᔥᑕ ᑳ ᐃᔑᓂᑳᑕᒃ ᐊᓂᐃ ᐁᑳ ᑳ ᐃᑕᑾᓂᓕᑭ ᑖᐱᔅᑯᒡ ᐊᓂᐃ ᑳ ᐃᑕᑾᓂᓕᑭ᙮

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔥᑕᒻ ᑎᒧᑎ 4:5

ᐌᓴ ᐹᔦᑭᑖᓂᐗᓐ ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᓀᔥᑕ ᐋᔭᒥᐋᐎᓐ᙮

ᐦᐃᑉᕉᐗ 1:2

ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;

ᐦᐃᑉᕉᐗ 6:5

ᓀᔥᑕ ᑳ ᑮ ᑯᒋᔅᑕᒸᒋᒃ ᐅ ᒥᓗ ᐋᔭᒥᐎᓂᓂᐤ ᑭᒋᒪᓂᑐᐗ, ᓀᔥᑕ ᐁ ᐃᔑ ᓱᑳᑎᓯᒪᑲᒃ ᐊᓂᒪ ᐊᔅᑭ ᑫ ᐹᐸᓕᓕᒃ,

ᓂᔓ ᐱᑕᕐ 3:5

ᐌᓴ ᐅᒣᓕᐤ ᐅᒋᑕᐤ ᓇᒪᐎᓚ ᐎ ᑭᔅᑫᓕᑕᒶᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐅᒋ ᐃᑕᑾᑭ ᑭᔑᑾ ᐌᔅᑲᒡ, ᓀᔥᑕ ᐊᔅᑭ ᐗᑭᑎᐯᒃ ᐁ ᓂᐸᐎᒪᑲᒃ ᓀᔥᑕ ᓂᐲᒃ:

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮