ᐦᐃᑉᕉᐗ 11:25 - ᐅᔅᑭ ᑎᔅᑌᒥᓐᑦ

²⁵ ᐊᐙᓯᑌ ᐁ ᐙᐌᓛᐸᑕᒃ ᑭᒋ ᐎᒋᑲᒀᑕᑭᓰᒪᑦ ᐅᑦ ᐃᓕᓕᒪ ᑭᒋᒪᓂᑐ, ᐃᔥᐱᔥ ᐊᒋᓚᐤ ᐱᑯ ᑭᒋ ᒥᓚᐙᑎᑯᑖᑦ ᐁ ᐃᔑ ᒥᓜᓕᒋᑳᑌᒃ ᒪᒋᑐᑕᒧᐎᓐ;

ᐦᐃᑉᕉᐗ 11:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:21

ᓇᒪᐎᓚ ᒫᑲ ᐅᑕᐱᐎᐤ ᐱᒋᓛᒃ, ᒫᑲ ᐊᒋᓚᐤ ᐱᑯ ᓂᐸᐎᐤ: ᐌᓴ ᐃᔅᐱ ᐊᓕᒥᓯᐎᓂᓕᐤ ᓀᔥᑕ ᑲᒀᑕᑭᓯᐎᓂᓕᐤ ᒥᐋᒋ ᑕᑾᓂᓕᑭ ᐋᔭᒥᐎᓐ ᐅᒋ, ᑭᑭᑳ ᓈᔦᑕᐌᓕᑕᒻ᙮

ᐅᐸᓓᑭᔅ ᓘᒃ 16:25

ᒫᑲ ᐁᑉᕃᐋᒻ ᑮ ᐃᑗᐤ, ᓂᑯᓯᔅ, ᑭᔅᑭᓯ, ᑭᓚ ᒣᒀᒡ ᑳ ᐱᒫᑎᓯᔭᓐ ᑭ ᑮ ᒥᓕᑳᐎᓐ ᒥᓗ ᑫᒀᓇ, ᓀᔥᑕ ᓛᓴᕋᔅ ᒪᒋ ᑫᒀᓇ: ᐊᓄᒡ ᒫᑲ ᐎᓚ ᒥᓜᓕᒧᐋᑲᓂᐎᐤ, ᑭᓚ ᒫᑲ ᑭ ᐎᓴᑫᓕᑕᒥᐃᑲᐎᓐ᙮

ᐊᐸᔅᑕᓚᒃ 7:34

ᓂ ᑮ ᐙᐸᑌᓐ, ᓂ ᑮ ᐙᐸᑌᓐ ᐅ ᑲᒀᑕᑭᓯᐎᓂᐙᐤ ᓂᑦ ᐃᓕᓕᒪᒃ ᑳ ᐃᑖᒋᒃ ᐃᒋᑉᑎᒃ, ᓀᔥᑕ ᓂ ᑮ ᐯᑕᒸᓐ ᐅ ᒫᒫᑗᐎᓂᐙᐤ; ᓂ ᐯᒋ ᓛᔑᓐ ᒫᑲ ᑭᒋ ᐱᒫᒋᐊᑭᒃ᙮ ᐊᓄᒡ ᒫᑲ ᐋᔅᑕᒻ ᑭ ᑳ ᐃᔑᑎᔖᐅᑎᓐ ᐃᒋᑉᑎᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:3

ᓇᒪᐎᓚ ᓀᔥᑕ ᐅᒪ ᐱᑯ, ᒫᑲ ᑭ ᒥᓚᐙᓈᓇᐤ ᓀᔥᑕ ᐊᓕᒥᓯᐎᓂᒃ; ᐁ ᑭᔅᑫᓕᑕᒪᒃ ᐊᓕᒥᓯᐎᓐ ᐁ ᐃᔅᐸᓕᒃ ᔑᐱᓚᐌᓯᐎᓂᒃ;

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᐦᐃᑉᕉᐗ 10:32

ᒫᑲ ᑭᔅᑭᓯᒃ ᐊᓂᐃ ᑳᔮᔥ ᑭᔑᑳᐗ, ᐁᑯᔅᐱ, ᐹᑎᒫ ᐁ ᑮ ᐙᔅᑌᓇᒫᑲᐎᔦᒃ, ᑭ ᑮ ᒧᔑᑖᓇᐗᐤ ᑭᒋ ᐊᓕᒥᓯᐎᓂ ᓄᑎᓂᑫᐎᓐ;

ᐦᐃᑉᕉᐗ 11:37

ᑮ ᐱᒶᓯᓈᑕᐗᐗᒃ, ᑮ ᑌᑖᐎᑖᔅᑭᐳᓇᐗᒃ, ᑮ ᑲᑴᒋᐋᐗᒃ, ᑮ ᓂᐸᐊᐗᒃ ᔑᒫᑲᓐ ᐅᒋ: ᑮ ᑭᑎᒫᑭᐹᐹᐃᑐᑌᐗᒃ ᐁ ᐎᓛᑕᑭᒃ ᒫᓂᔥᒑᓂᔣᔮᓂᓕᐤ ᓀᔥᑕ ᑯᑕᐙᔮᓂᓕᐤ; ᐁ ᑭᑎᒫᑭᓯᒋᒃ, ᐁ ᐊᓕᒥᓯᒋᒃ, ᐁ ᑲᒀᑕᑭᓯᒋᒃ;

ᐦᐃᑉᕉᐗ 4:9

ᐁᐗᑯ ᐅᒋ ᐃᑕᑾᓐ ᐋᓜᓯᐎᓐ ᑫ ᐋᔮᓕᒋ ᐅᑦ ᐃᓕᓕᒪ ᑭᒋᒪᓂᑐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:20

ᐌᓴ ᐃᓕᓕᐤ ᐅ ᑭᓯᐙᓯᐎᓐ ᓇᒪᐎᓚ ᓂᑕᐎᑭᑖᒪᑲᓂᓕᐤ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:5

ᑭ ᑮ ᐱᒫᑎᓯᓇᐗᐤ ᒥᓜᓕᒧᐎᓂᒃ ᐅᑕ ᐊᔅᑮᒃ, ᓀᔥᑕ ᑭ ᑮ ᑮᔥᑴᐙᑎᓯᓇᐗᐤ; ᑭ ᑮ ᑖᒋᐳᑖᓇᐗᐤ ᑭᑌᐃᐙᐗ, ᑖᐱᔅᑯᒡ ᒣᒀᒡ ᐁ ᓂᐹᔨᐌᐎ ᑭᔑᑳᒃ᙮

ᓂᔥᑕᒻ ᐱᑕᕐ 2:10

ᑭᓚᐗᐤ ᑳᔮᔥ ᐁᑳ ᑳ ᑮ ᐃᑕᔅᑳᓀᓯᔦᒃ ᐁ ᐃᓕᓕᐎᔦᒃ, ᒫᑲ ᐊᓄᒡ ᑯᑎᓕᓕᒥᒥᑯᐗᐤ ᑭᒋᒪᓂᑐ: ᐁᑳ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ, ᐊᓄᒡ ᒫᑲ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ᙮

ᑭᔅᑫᓕᑖᑯᑖᑫᐎᓐ 18:7

ᐃᓕᑯᒃ ᑳ ᑮ ᑭᔅᑌᓕᑖᑯᐃᑎᓱᑦ, ᓀᔥᑕ ᒥᓗᐳᑦ, ᐁᑯ ᐃᔥᐱᔥ ᑲᒀᑕᑭᓯᐎᐤ ᓀᔥᑕ ᒥᔕᒣᓕᑕᒧᐎᓐ ᒥᓕᒃ; ᐌᓴ ᐃᑗᐤ ᐅᑌᐃᒃ, ᓂᑦ ᐊᐱᓐ ᐁ ᑭᒋᐅᑭᒫᔅᑴᐎᔮᓐ, ᐁᑳ ᓀᔥᑕ ᐁ ᑭᑎᒫᑭᔅᑴᐎᔮᓐ, ᓇᒪ ᓀᔥᑕ ᓂ ᑳ ᐙᐸᑌᓐ ᒥᔕᒣᓕᑕᒧᐎᓐ᙮