ᐦᐃᑉᕉᐗ 11:1 - ᐅᔅᑭ ᑎᔅᑌᒥᓐᑦ

¹ ᑖᐺᔦᓕᑕᒧᐎᓐ ᒫᑲ ᑫᒋᓇᐅᐎᓂᐗᓐ ᐊᓂᐃ ᑫᒀᓇ ᑳ ᐊᔅᐯᓕᒧᒋᑳᑌᑭ, ᐌᒋ ᑫᒋᓈᔦᓕᒋᑳᑌᑭ ᐊᓂᐃ ᐁᑳ ᑳ ᓄᑾᑭ᙮

ᐦᐃᑉᕉᐗ 11:1 ပူးပေါင်းရင်းမြစ်များ

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔓ ᑯᕆᓐᑎᐊᓇ 11:17

ᐊᓂᒪ ᑳ ᐃᑗᔮᓐ, ᓇᒪᐎᓚ ᓂ ᓇᔅᐱᑕᐗᐤ ᐅᑎᐯᓕᒋᑫᐤ, ᒫᑲ ᐱᑯ ᒫᓇ ᑲᑫᐹᑎᓯᐎᓂᒃ ᐃᔑ, ᐁ ᑫᒋᓇᐅᔮᓐ ᐅᒪ ᐁ ᒫᒪᑖᑯᒧᔮᓐ᙮

ᓂᔓ ᑯᕆᓐᑎᐊᓇ 4:18

ᒣᒀᒡ ᐁᑳ ᐁ ᑲᓇᐙᐸᑕᒪᒃ ᐊᓂᐃ ᑳ ᓄᑾᑭ, ᒫᑲ ᐊᓂᐃ ᐁᑳ ᑳ ᓀᑾᑭ: ᐌᓴ ᐊᓂᐃ ᑳ ᓄᑾᑭ ᐊᒋᓚᐤ ᐃᑕᑾᓋ; ᒫᑲ ᐊᓂᐃ ᐁᑳ ᑳ ᓄᑾᑭ ᑳᑭᑫ ᐃᑕᑾᓋ᙮

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᓂᔓ ᑯᕆᓐᑎᐊᓇ 5:7

ᐌᓴ ᑖᐺᔦᓕᑕᒧᐎᓐ ᑭᑦ ᐅᒋ ᐱᒧᑕᓈᓇᐤ, ᓇᒪᐎᓚ ᐊᓂᐃ ᐅᒋ ᑳ ᐗᐸᑕᒪᒃ:

ᓂᔓ ᑯᕆᓐᑎᐊᓇ 9:4

ᒫᔅᑯᒡ ᒥᔅᑲᐤ, ᑮᔥᐱᓐ ᐊᓂᑭ ᒫᓯᑐᓂᔭᐃᒃ ᑳ ᐅᒋᒋᒃ ᐯᒋ ᐎᒉᐎᑡᐌ, ᓀᔥᑕ ᒥᔅᑳᑕᑾᐌ ᐁᑳ ᐁ ᐋᔦᔅᑲᐎᓯᔦᒃ, ᓂᓚᓈᓐ, ᐁᑳ ᐁ ᐃᑗᔮᒃ ᑭᓚᐗᐤ, ᓂ ᑳ ᓇᓀᐯᐎᓯᑖᓇᓐ, ᐅᒪ ᐁ ᑮ ᐃᔑ ᑫᒋᓇᐅᐎ ᒫᒪᑖᑯᒧᔮᒃ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑕᐃᑕᔅ 1:1

ᐹᓪ, ᐅᑦ ᐊᑑᔅᑫᓚᑲᓂᒪ ᑭᒋᒪᓂᑐ, ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑕᔅᑌᓕᒃ ᐅ ᑖᐺᔦᓕᑕᒧᐎᓂᓕᐤ ᑭᒋᒪᓂᑐ ᐅ ᐙᐌᓛᐸᒫᑲᓇ, ᓀᔥᑕ ᐁ ᐎᒋᑳᑌᒃ ᐊᓂᒪ ᑖᐺᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ;

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 10:39

ᒫᑲ ᑭᓚᓈᓇᐤ ᓇᒪᐎᓚ ᑭᑦ ᐅ ᐎᒉᐙᑲᓂᓇᐤ ᐊᓂᑭ ᓂᔑᐗᓈᑎᓯᐎᓂᒃ ᑳ ᐃᔑ ᐊᔐᑳᐸᐎᒋᒃ, ᒫᑲ ᐊᓂᑭ ᑳ ᑖᐺᔦᓕᑕᑭᒃ ᑭᒋ ᐅᒋ ᐱᒫᒋᐋᒋᒃ ᐅᑦ ᐊᒑᑯᐗᐗ᙮

ᐦᐃᑉᕉᐗ 11:13

ᒥᓯᐌ ᐅᑯ ᑮ ᓂᐱᐗᒃ ᑖᐺᔦᓕᑕᒧᐎᓂᒃ, ᐁᑳ ᐁ ᑮ ᐅᑎᓇᑭᒃ ᐊᔓᑕᒫᑫᐎᓇ, ᒫᑲ ᐁ ᑮ ᓚᐙᐸᑕᑭᒃ, ᓀᔥᑕ ᑮ ᑫᒋᓀᓕᑕᒶᒃ, ᓀᔥᑕ ᑮ ᒥᒋᒥᓇᒶᒃ, ᑮ ᐎᑕᒶᒃ ᒫᑲ ᐁ ᒫᓐᑌᐎᒋᒃ ᓀᔥᑕ ᐁ ᐱᒥᐱᒋᒋᒃ ᐅᑕ ᐊᔅᑮᒃ᙮

ᐦᐃᑉᕉᐗ 11:27

ᑖᐺᔦᓕᑕᒧᐎᓐ ᐅᒋ ᑮ ᓇᑲᑕᒻ ᐃᒋᑉᑦ, ᐁᑳ ᐁ ᑯᔅᑕᒸᑦ ᑭᒋᐅᑭᒪᐗ ᐅᑦ ᐋᑯᓚᐌᓯᐎᓂᓕᐤ: ᐌᓴ ᑮ ᔑᐯᓕᑕᒻ, ᐁ ᐙᐸᒫᑦ ᐊᓂᐃ ᐁᑳ ᑳ ᓄᑯᓯᓕᒋ᙮

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭: