ᐦᐃᑉᕉᐗ 10:36 - ᐅᔅᑭ ᑎᔅᑌᒥᓐᑦ

³⁶ ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮

ᐦᐃᑉᕉᐗ 10:36 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 12:50

ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮

ᐅᐸᓓᑭᔅ ᒫᑎᐤ 21:31

ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᑎᐤ 24:13

ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒫᑎᐤ 7:21

ᓇᒪᐎᓚ ᒥᓯᐌ ᑕᑐ ᐊᐌᓇ ᑳ ᐃᔑᑦ, ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ; ᒫᑲ ᐊᓇ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᕐᒃ 3:35

ᐌᓴ ᐊᐌᓇ ᑫ ᑐᑕᒸᑴ ᐅᑦ ᐃᑌᓕᑕᒧᐎᓂᓕᐤ ᑭᒋᒪᓂᑐᐗ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ, ᓀᔥᑕ ᓂᑳᐎ᙮

ᐅᐸᓓᑭᔅ ᓘᒃ 21:19

ᐁ ᔑᐱᓚᐌᓯᔦᒃ ᑲᓇᐌᓕᒥᑯᒃ ᑭᑦ ᐊᒑᑯᐙᐗᒃ᙮

ᐅᐸᓓᑭᔅ ᓘᒃ 8:15

ᒫᑲ ᐊᓂᒪ ᒥᓗ ᐊᔅᑮᒃ, ᐁᐗᒀᓂᑭ, ᐁ ᒀᔭᔅᑯᑌᐁᒋᒃ ᓀᔥᑕ ᐁ ᒥᓗᑌᐁᒋᒃ, ᑳ ᐯᑕᑾᐎ ᐋᔭᒥᐎᓂᓕᐤ, ᑲᓇᐌᓕᑕᒶᒃ, ᓀᔥᑕ ᔑᐱᓚᐌᓯᐎᓂᒃ ᒥᓂᔑᐎᐗᒃ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐊᐸᔅᑕᓚᒃ 13:22

ᐃᔅᐱ ᒫᑲ ᑳ ᑮ ᐃᑲᑌᓈᑦ ᐊᓂᐃ; ᑮ ᐸᓯᑯᓇᒪᐌᐤ ᑌᐱᑕ ᑭᒋ ᑭᒋᐅᑭᒫᒥᓕᒋ: ᐊᓂᐃ ᓀᔥᑕ ᑳ ᑮ ᑎᐹᒋᒫᑦ, ᐁ ᐃᑗᑦ ᒫᑲ, ᓂ ᑮ ᒥᔅᑲᐙᐤ ᑌᐱᑦ ᐅᑯᓯᓴ ᐊᓇ ᒉᓯ, ᐃᓕᓕᐤ ᑳ ᐎᒋᐃᔑᑌᐁᒥᑦ, ᑫ ᑎᐱᑐᑕᒃ ᒥᓯᐌ ᑳ ᐃᑌᓕᑕᒫᓐ᙮

ᐊᐸᔅᑕᓚᒃ 13:36

ᐌᓴ ᑌᐱᑦ, ᐃᔅᐱ ᑳ ᑮ ᐳᓂ ᐋᑐᔅᑲᐙᑦ ᐊᓂᐃ ᑳ ᑮ ᐎᒋ ᐱᒪᑎᓯᒫᑦ ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ, ᑮ ᑳᐎᑯᔑᐤ, ᓀᔥᑕ ᐁ ᑮ ᐎᒋᔑᓄᒫᑦ ᐅᑖᐎᔭ, ᑮ ᐗᐸᑕᒻ ᒫᑲ ᓂᔑᐗᓈᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:25

ᒫᑲ ᑮᔥᐱᓐ ᐊᔅᐯᓕᒧᑕᒪᒃ ᐊᓂᒪ ᐁᑳ ᑳ ᐙᐸᑕᒪᒃ, ᐁᑯ ᐁ ᔑᐱᓚᐌᓯᔭᒃ ᑭ ᐯᑖᓈᓇᐤ᙮

ᓂᔥᑕᒻ ᑯᕆᓐᑎᐊᓇ 13:7

ᒥᓯᐌ ᑫᒀᓇ ᔑᐱᓚᐌᓯᔅᑕᒧᒪᑲᓐ, ᒥᓯᐌ ᑫᒀᓇ ᑖᐺᑕᒧᒪᑲᓐ, ᒥᓯᐌ ᑫᒀᓇ ᐊᔅᐯᓕᒧᑕᒧᒪᑲᓐ, ᒥᓯᐌ ᑫᒀᓇ ᔕᔑᐯᓕᑕᒧᒪᑲᓐ᙮

ᑲᓓᔕᐊᓇ 6:9

ᐁᑳᐎᓚ ᒫᑲ ᐋᔦᔅᑯᓯᑖᐤ ᐁ ᒥᓗᑐᑖᑫᔭᒃ; ᐌᓴ ᐃᔅᐱ ᓇᐃᐸᓕᑫ ᑭ ᑳ ᒪᐗᒋᒋᑳᓈᓇᐤ, ᐁᑳ ᓄᑌᔑᓂᔮᑫ᙮

ᐃᐱᓯᔭᓇ 6:6

ᓇᒪᐎᓚ ᐙᐸᒥᑯᐎ ᐊᑑᔅᑫᐎᓂᒃ, ᑖᐱᔅᑯᒡ ᐊᓂᑭ ᐃᓕᓕᐗ ᐱᑯ ᐁ ᓇᐃᓚᐌᐋᒋᒃ: ᒫᑲ ᑖᐱᔅᑯᒡ ᙭ ᐅᑦ ᐊᑑᔅᑫᓛᑲᓂᒪ, ᐁ ᑐᑕᒬᒃ ᑭᑌᐃᐙᒃ ᐅᒋ ᑭᒋᒪᓂᑐ ᐅᑦ ᐃᑌᓕᑕᒧᐎᓐ;

ᑯᓚᔑᔭᓇ 1:11

ᐁ ᒪᔥᑲᐎᓯᔅᑳᑯᔦᒃ ᒥᓯᐌ ᓱᑳᑎᓯᐎᓐ, ᑳ ᐃᑕᔅᑌᓕᒃ ᐅ ᑭᒋ ᑲᔥᑭᐅᐎᓐ ᒥᓯᐌ ᔑᐱᓚᐌᓯᐎᓂᒃ ᐃᔑ ᓀᔥᑕ ᔑᐯᓕᑕᒧᐎᓂᒃ ᑭᑭ ᒥᓚᐙᑕᒧᐎᓐ;

ᑯᓚᔑᔭᓇ 3:24

ᐁ ᑭᔅᑫᓕᑕᒣᒃ ᐅᑎᐯᓕᒋᑫᐤ ᑭᒋ ᒥᓕᑖᒃ ᑭᒋ ᐋᔮᔦᒃ ᐊᓂᒪ ᑎᐱᓚᐌᐎᓯᐎᓐ: ᐌᓴ ᑭᑦ ᐊᑐᔅᑫᔅᑕᐗᐗᐤ ᐅᑎᐯᓕᒋᑫᐤ ᙭᙮

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᐦᐃᑉᕉᐗ 11:39

ᒥᓯᐌ ᐅᑯ ᒫᑲ, ᐁ ᑮ ᑲᔥᑭᑖᒋᒃ ᒥᓗ ᐃᑖᒋᒥᑯᓯᐎᓂᓕᐤ ᑖᐺᔦᓕᑕᒧᐎᓐ ᐅᒋ, ᓇᒪᐎᓚ ᑮ ᐅᒋ ᐅᑌᓇᒶᒃ ᐊᓂᐁᓕᐤ ᐊᔓᑕᒫᑫᐎᓂᓕᐤ:

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᐦᐃᑉᕉᐗ 6:15

ᐁᑯᔑ ᒫᑲ, ᐃᔅᐱ ᑳ ᑮ ᔑᐱᓚᐌᓯᐎ ᔑᐯᓕᑕᒃ, ᑮ ᒥᓚᐤ ᐊᔓᑕᒫᑫᐎᓂᓕᐤ᙮

ᐦᐃᑉᕉᐗ 6:17

ᐃᑕ ᑭᒋᒪᓂᑐ, ᐁ ᓇᑕᐌᓕᑕᒃ ᐊᐙᓯᑌ ᑭᒋ ᐙᐸᑎᓛᑦ ᐊᓂᐃ ᑳ ᐊᑎ ᐋᔮᓕᒋ ᐊᓂᐁᓕᐤ ᐊᔓᑕᒫᑫᐎᓂᓕᐤ ᐁᑳ ᑭᒋ ᑴᔅᑭᐸᓕᓕᒃ ᐅᑦ ᐃᑌᓕᑕᒧᐎᓐ, ᑭᒋᐃᑗᐎᓂᒃ ᑮ ᐅᒋ ᐊᔨᒋᑕᐤ;

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᓂᔥᑕᒻ ᐱᑕᕐ 1:9

ᐁ ᒥᓕᑲᐎᔦᒃ ᐁ ᐃᔑ ᑲᔥᑭᑖᒪᑲᒃ ᑭ ᑖᐺᔦᓕᑕᒧᐎᓂᐗᐤ, ᑭᒋ ᐱᒫᒋᐋᑲᓂᐎᒋᒃ ᑭᑦ ᐊᒑᑯᐙᐗᒃ ᐅᑎ᙮

ᓂᔥᑕᒻ ᒑᓐ 2:17

ᐊᔅᑭ ᒫᑲ ᐌᐱᐸᓕᐤ, ᓀᔥᑕ ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ: ᒫᑲ ᐊᓇ ᑳ ᑐᑕᒸᑦ ᑭᒋᒪᓂᑐᐗ ᐅᑦ ᐃᑌᓕᑕᒧᐎᓂᓕᐤ ᑳᑭᑫ ᐃᑖᐤ᙮

ᑭᔅᑫᓕᑖᑯᑖᑫᐎᓐ 13:10

ᐊᓇ ᐊᐗᑳᔑᐌᐎᓂᒃ ᑳ ᐃᑐᑕᐃᐌᑦ, ᐊᐗᑳᔑᐌᐎᓂᒃ ᑲᑕ ᐃᑐᑌᐤ; ᐊᓇ ᔑᒫᑲᓂᓕᐤ ᑳ ᐅᒋ ᓂᐹᔨᐌᑦ ᔑᒫᑳᓂᓕᐤ ᑲᑕ ᐅᒋ ᓂᐸᐋᐤ᙮ ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᓀᔥᑕ ᐅ ᑖᐺᔦᓕᑕᒧᐎᓂᐗᐤ ᐅᐸᓓᑭᓴᒃ᙮

ᑭᔅᑫᓕᑖᑯᑖᑫᐎᓐ 14:12

ᐅᑕ ᐃᑕᑾᓂᓕᐤ ᐅ ᔑᐱᓚᐌᓯᐎᓂᐗᐤ ᐅᐸᓓᑭᓴᒃ: ᐅᑕ ᐃᑖᐗᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑲᑫᔅᑴᐎᓂᓕᐗ ᑭᒋᒪᓂᑐᐗ, ᓀᔥᑕ ᐅ ᑖᐺᔦᓕᑕᒧᐎᓂᓕᐤ ᒋᓴᓴ᙮