ᐦᐃᑉᕉᐗ 10:34 - ᐅᔅᑭ ᑎᔅᑌᒥᓐᑦ

³⁴ ᐌᓴ ᑭ ᑮ ᑭᑎᒫᑫᓕᒥᓇᐗᐤ ᐁ ᑮ ᒫᒫᒋᒀᐱᓱᔮᓐ, ᓀᔥᑕ ᑭ ᑮ ᒥᓜᓕᑌᓇᐗᐤ ᐁ ᑮ ᒪᔅᑲᒥᑲᐎᔦᒃ ᑭᑦ ᐋᔮᓂᐗᐗ, ᐁ ᑭᔅᑫᓕᑕᒣᒃ ᐁ ᐋᔮᔦᒃ ᑭᔑᑭᔑᑯᒃ ᐊᐙᓯᑌ ᐁ ᒥᓨᔑᒃ ᓀᔥᑕ ᑳᑭᑫ ᐌᓗᑎᓯᐎᓐ᙮

ᐦᐃᑉᕉᐗ 10:34 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 19:21

ᒋᓴᔅ ᑮ ᐃᑌᐤ, ᑮᔥᐱᓐ ᐙ ᒥᑐᓂᐎᓯᐗᓀ, ᓇᑕᐎ ᐊᑖᐗᑫ ᐊᓂᒪ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ; ᐯᒋ ᐃᑐᑌ ᒫᑲ ᑭᒋ ᓄᔅᐱᓇᔑᔭᓐ᙮

ᐅᐸᓓᑭᔅ ᓘᒃ 10:42

ᒫᑲ ᐯᔭᒃ ᑫᒀᓐ ᓇᑕᐌᓕᑖᑾᓐ: ᒣᕆ ᒫᑲ ᑮ ᐙᐌᓛᐸᑕᒫᓱ ᐊᓂᐁᓕᐤ ᑳ ᒥᓨᔑᓂᓕᒃ ᐁᑳ ᑫ ᒪᔅᑲᒫᑲᓂᐎᑦ᙮

ᐅᐸᓓᑭᔅ ᓘᒃ 12:33

ᐊᑖᐙᑫᒃ ᐊᓂᒪ ᑳ ᐋᔮᔦᒃ, ᒥᓕᐌᒃ ᒫᑲ; ᐅᑎᓇᒫᓱᒃ ᒫᑲ ᒥᐗᑕ ᐁᑳ ᑳ ᐊᑎ ᑳᔮᔑᐗᑭ, ᒥᔕᑭᓯᐎᓐ ᑭᒋᑭᔑᑯᒃ ᐁᑳ ᑫ ᑮ ᒣᔅᑎᓂᑳᑌᒃ, ᐃᑕ ᑭᒧᑎᔉ ᐁᑳ ᐁ ᐯᔣᐸᑕᒃ, ᐁᑳ ᓀᔥᑕ ᒪᓂᒍᔥ ᐁ ᓂᔑᐗᓈᒋᑖᑦ᙮

ᐅᐸᓓᑭᔅ ᓘᒃ 9:25

ᐌᓴ ᑫᒀᓕᐤ ᑫ ᐅᑎᓰᑦ ᐃᓕᓕᐤ ᐋᑕ ᒥᓯᐌ ᐊᔅᑭᓕᐤ ᑫ ᑲᔥᑭᑖᑴ, ᐗᓂᐃᑎᓱᑌ ᒫᑲ, ᓀᔥᑕᐱᑯ ᐌᐱᓈᑲᓂᐎᑌ᙮

ᐊᐸᔅᑕᓚᒃ 21:33

ᐁᑯ ᑭᒋ ᓇᑐᐸᓕᐎᑭᒪᐤ ᐱᐁᒋ ᐃᑐᑌᑦ, ᓀᔥᑕ ᑮ ᐅᑎᓀᐤ, ᓀᔥᑕ ᑮ ᐃᑕᔓᐌᐤ ᓂᔓ ᐱᐙᐱᔅᑴᔮᐱᔭ ᑭᒋ ᐅᒋ ᒫᒪᒋᒀᐱᓱᓕᒋ; ᑮ ᑲᑴᒋᑫᒧ ᒫᑲ ᐊᐌᓇ ᐁ ᐋᐎᓕᒋ ᓀᔥᑕ ᑫᒀᓕᐤ ᑳ ᑮ ᑐᑕᒥᓕᒋ᙮

ᐊᐸᔅᑕᓚᒃ 28:20

ᐁᐗᑯ ᒫᑲ ᐅᒪ ᐅᒋ ᑭ ᑮ ᓇᑐᒥᑎᓇᐗᐤ, ᑭᒋ ᐙᐸᒥᑕᑾᒃ, ᓀᔥᑕ ᑭᒋ ᐎᒋᐋᔭᒥᒥᑕᑾᒃ: ᐌᓴ ᐅᑦ ᐊᔅᐯᓕᒧᐎᓐ ᐃᔅᕃᐃᓪ ᓂᑦ ᐅᒋ ᒫᒫᒋᒀᐱᓱᓐ ᐅᒪ ᐱᐙᐱᔅᑴᔮᐱ ᐅᒋ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᓂᔓ ᑯᕆᓐᑎᐊᓇ 5:1

ᐌᓴ ᑭ ᑭᔅᑫᓕᑌᓋᓇᐤ ᑮᔥᐱᓐ ᑭᑦ ᐊᔅᑭᐎ ᑭᑭᓇᐤ ᐅᒪ ᒥᑭᐙᒻ ᑮ ᐱᑯᐸᓕᒃ, ᑭᑦ ᐋᔮᓈᓇᐤ ᐅ ᐙᔅᑳᔨᑫᐎᓐ ᑭᒋᒪᓂᑐ, ᐙᔅᑳᔨᑲᓐ ᐁᑳ ᒥᒋᒋᒃ ᑳ ᐅᒋ ᐅᔑᒋᑳᑌᒃ, ᑳᑭᑫ ᑭᒋᑭᔑᑯᒃ ᑳ ᐃᑌᑾᒃ᙮

ᐃᐱᓯᔭᓇ 3:1

ᐁᐗᑯ ᐅᒪ ᐅᒋ ᓂᓚ ᐹᓪ, ᒋᓴᔅ ᙭ ᐅ ᑭᐸᐙᑲᓇ ᑭᓚᐗᐤ ᒉᓐᑖᐃᓚᒃ ᐅᒋ;

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐃᐱᓯᔭᓇ 6:20

ᐊᓂᒪ ᑳ ᐅᒋ ᐃᔑᑎᔕᐗᑲᓂᔮᓐ ᐁ ᒫᒫᒋᒀᐱᔅᑳᐅᑲᐎᔮᓐ: ᐁᐗᑯ ᑭᒋ ᑮ ᑎᐹᑐᑕᒫᓐ ᐁ ᓱᑭᑌᐁᔮᓐ ᑫ ᐃᔑ ᑎᐹᑐᑕᒫᐸᓐ᙮

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᓂᔥᑕᒻ ᑎᒧᑎ 6:19

ᐁ ᒥᓗ ᐊᔅᑖᒋᑫᔅᑕᒫᓱᒋᒃ ᒥᓗ ᐊᔅᑕᒋᑲᓂᓕᐤ ᐊᓂᒪ ᐁ ᑭᔑᑳᒃ ᐅᒋ ᑫ ᐅᑎᒋᐸᓕᒃ, ᑭᒋ ᑮ ᒫᒋᑯᓇᑭᒃ ᑳᑭᑫ ᐱᒫᑎᓯᐎᓂᓕᐤ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᓂᔓ ᑎᒧᑎ 2:9

ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐦᐃᑉᕉᐗ 13:14

ᐌᓴ ᐅᑕ ᓇᒪᐎᓚ ᑭᑦ ᐋᔮᓈᓇᐤ ᑳᑭᑫ ᐃᑖᐎᓐ, ᒫᑲ ᑭ ᓈᓇᑕᐌᓕᑌᓈᓇᐤ ᐯᔭᒃ ᑫ ᐹᐸᓕᒃ᙮

ᐦᐃᑉᕉᐗ 13:3

ᑭᔅᑭᓯᑐᑕᑯᒃ ᐊᓂᑭ ᑳ ᒫᒫᒋᒀᐱᓱᒋᒃ, ᑖᐱᔅᑯᒡ ᐁ ᐎᒋ ᒫᒫᒋᒀᐱᓱᒣᑾᒃ; ᐊᓂᑭ ᓀᔥᑕ ᑲᒀᑕᑭᐃᑯᒋᒃ ᐊᓕᒥᓯᐎᓂᓕᐤ, ᑭᓚᐙᐤ ᑫᒋᐙᒃ ᓀᔥᑕ ᐁ ᐃᑖᔦᒃ ᒥᔭᐎᒃ᙮

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:2

ᓂᒋᔖᓂᑐᒃ, ᒥᓯᐌ ᒧᒋᑫᓕᑕᒧᐎᓐ ᐃᑕᑭᑕᒧᒃ ᐯᑭᔑᓂᔦᑯ ᓇᓈᑲᐤ ᑲᑴᒋᐃᐌᐎᓂᒃ:

ᓂᔥᑕᒻ ᐱᑕᕐ 1:4

ᑭᒋ ᐅ ᑎᐯᓕᒋᑲᓂᔭᒃ ᐁᑳ ᑫ ᓂᔑᐗᓈᑕᒃ, ᐁᑳ ᑳ ᐎᓕᐹᒃ, ᐁᑳ ᓀᔥᑕ ᑳ ᐊᑎ ᐌᐱᐸᓕᒃ, ᐁ ᐊᔅᑖᒫᑲᐎᔦᒃ ᑭᒋᑭᔑᑯᒃ,

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮