ᐦᐃᑉᕉᐗ 1:9 - ᐅᔅᑭ ᑎᔅᑌᒥᓐᑦ

⁹ ᑭ ᑮ ᓵᑭᑖᓐ ᒀᔭᔅᑭᑖᑎᓯᐎᓐ, ᓀᔥᑕ ᑭ ᑮ ᐸᒀᑌᓐ ᒪᒑᑎᓯᐎᓐ; ᐁᐗᑯ ᐌᒋ ᑭᒋᒪᓂᑐ, ᑭᓚ ᑭ ᑭᒋᒪᓂᑐᒻ, ᑭ ᑮ ᐅᒋ ᑕᒪᔅᑯᓂᒃ ᓯᑭᓓᓯᐎ ᐱᒥᓕᐤ ᐊᐙᓯᑌ ᑭᒋ ᐃᔅᐯᓕᑖᑯᓯᔭᓐ ᐃᔥᐱᔥ ᑭ ᐎᒉᐙᑲᓇᒃ᙮

ᐦᐃᑉᕉᐗ 1:9 ပူးပေါင်းရင်းမြစ်များ

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐅᐸᓓᑭᔅ ᒑᓐ 1:41

ᐎᓚ ᓃᔥᑕᒻ ᒥᔅᑲᐌᐤ ᑎᐱᓚᐌ ᐎᒋᔖᓇ ᓵᐃᒪᓐ, ᐃᑌᐤ ᒫᑲ, ᓂ ᑮ ᒥᔅᑲᐙᓈᓐ ᒥᓵᔭᔅ, ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᙭᙮

ᐅᐸᓓᑭᔅ ᒑᓐ 10:17

ᐁᐗᑯ ᐌᒋ ᓄᑖᐎ ᓵᑭᐃᑦ, ᐁ ᐱᒥᑎᑖᔮᓐ ᓂ ᐱᒫᑎᓯᐎᓐ, ᒥᓇ ᑭᒋ ᑮ ᐅᑎᓇᒫᓐ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 4:26

ᑭᒋᐅᑭᒫᐗᒃ ᐅᑕ ᐊᔅᑭᒃ ᑮ ᓂᐸᐎᐗᒃ, ᓀᔥᑕ ᐅᑎᐯᓕᒋᑫᐗᒃ ᑮ ᒫᐗᒋᐃᑐᐗᒃ ᐁ ᐎ ᓄᑎᓈᒋᒃ ᑌᐯᓕᒋᑫᓕᒋ, ᓀᔥᑕ ᐅ ᙭ᑎᒥᓕᐗ᙮

ᐊᐸᔅᑕᓚᒃ 4:27

ᐌᓴ ᑖᐺ ᐁ ᐎ ᓄᑎᓈᒋᒃ ᑳ ᐸᓓᑭᓯᓕᒋ ᑭᑦ ᐊᐙᔑᒥᔕ ᒋᓴᔅ, ᑳ ᑮ ᑕᒪᔅᑯᓇᑦ, ᑖᐱᔅᑯᒡ ᐦᐁᕋᑦ, ᓀᔥᑕ ᐸᓐᑎᔭᔅ ᐹᐃᓚᑦ ᐊᓯᒋ ᒉᓐᑖᐃᓚᒃ, ᓀᔥᑕ ᐃᔅᕃᐃᓕᐎᓕᓕᐗᒃ ᑮ ᒫᐗᒋᐃᑐᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:9

ᐁᑯᔑ ᓵᑭᐃᐌᐎᓐ ᐁᑳᐎᓚ ᑲᑕ ᑭᓕᑳᐎᓂᑳᑌᐤ ᑲᑳᔦᓕᓯᐎᓂᒃ᙮ ᐸᒀᑕᒧᒃ ᐊᓂᒪ ᑳ ᒫᓛᑕᒃ; ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᓂᔥᑕᒻ ᑯᕆᓐᑎᐊᓇ 1:9

ᑭᒋᒪᓂᑐ ᒀᔭᔅᑭᑎᐤ, ᐊᓇ ᑳ ᑮ ᓇᑐᒥᑖᒃ ᑭᒋ ᐅ ᐎᒉᐙᑲᓂᒥᒣᒃ ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔓ ᑯᕆᓐᑎᐊᓇ 11:31

ᑭᒋᒪᓂᑐ, ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑖᐎᔭ ᑳᑭᑫ ᑫᔅᑌᓕᑖᑯᓯᑦ ᑭᔅᑫᓕᑕᒻ ᐁᑳ ᐁ ᑭᓛᔅᑭᔮᓐ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐃᐱᓯᔭᓇ 1:3

ᑲᑕ ᐎ ᒥᓦᑭᑖᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑳ ᑮ ᐸᑭᑎᓇᒫᑕᒃ ᒥᓯᐌ ᐊᒑᑯᐎ ᔕᐌᓕᑖᑯᓯᐎᓇ ᑭᒋᑭᔑᑳᐎ ᑫᒀᓇ ᐃᔑ ᙭ᑎᒃ:

ᐱᓕᐱᔭᓇ 2:9

ᐁᐗᑯ ᐌᒋ ᓈᔅᐱᒡ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᑭ ᒥᓕᑯ ᒫᑲ ᐃᔑᓂᑳᓱᐎᓂᓕᐤ ᐊᐙᓯᑌ ᑳ ᑭᔅᑌᓕᑖᑾᓂᓕᒃ ᐃᔥᐱᔥ ᒥᓯᐌ ᐃᔑᓂᑳᓱᐎᓇ:

ᐦᐃᑉᕉᐗ 2:11

ᐌᓴ ᐊᓇ ᑳ ᐸᓓᑭᐃᐌᑦ, ᐊᓂᑭ ᓀᔥᑕ ᑳ ᐸᓓᑭᐋᑲᓂᐎᒋᒃ ᐯᔭᑯᔭᑭᓯᐗᒃ: ᐁᐗᑯ ᐅᒋ ᓇᒪᐎᓚ ᓇᓀᐯᐎᓯᐤ ᓂᒋᔖᓇᒃ ᑭᒋ ᐃᔑᓂᑳᑖᑦ,

ᐦᐃᑉᕉᐗ 2:9

ᒫᑲ ᑭ ᐙᐸᒫᓇᐤ ᒋᓴᔅ, ᐊᓇ ᐋᐱᔑᔥ ᑳ ᑮ ᑖᐸᑌᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ ᑭᒋ ᐎᓴᑫᓕᑕᒃ ᓂᐱᐎᓂᓕᐤ, ᐁ ᐳᔅᑕᔅᑐᑎᓂᐋᑲᓂᐎᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ; ᐎᓚ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ ᑭᒋ ᑯᒋᔅᑕᒪᐙᑦ ᓂᐱᐎᓂᓕᐤ ᒥᓯᐌ ᑕᑐ ᐃᓕᓕᐗ᙮

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 2:15

ᐊᓯᒋ ᓀᔥᑕ ᑭᑦ ᐋᔭᐙᐗᒃ ᐊᓂᑭ ᑳ ᑲᓇᐌᓕᑕᒸᒋᒃ ᐊᓂᐃ ᓂᑯᓛᐃᑌᓈ ᐅ ᑭᔅᑭᓄᐊᒫᑫᐎᓂᓕᐗ, ᐊᓂᒪ ᑳ ᐸᒀᑕᒫᓐ᙮