ᑲᓓᔕᐊᓇ 5:6 - ᐅᔅᑭ ᑎᔅᑌᒥᓐᑦ

⁶ ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑲᓓᔕᐊᓇ 5:6 ပူးပေါင်းရင်းမြစ်များ

ᐅᐸᓓᑭᔅ ᓘᒃ 7:5

ᐌᓴ ᓵᑭᐁᐤ ᓂᑦ ᐃᓕᓕᒥᓈᓇ, ᓀᔥᑕ ᓂ ᑮ ᐅᔑᑣᑯᓈᓐ ᐋᔭᒥᐁᐎᑲᒥᑯᓕᐤ᙮

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔥᑕᒻ ᑯᕆᓐᑎᐊᓇ 7:19

ᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᓀᔥᑕ ᓇᒪᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᒫᑲ ᐁ ᑲᓇᐌᓕᒋᑳᑌᓕᑭ ᐅ ᑲᑫᔅᑴᐎᓇ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑲᓓᔕᐊᓇ 6:15

ᐌᓴ ᙭ ᒋᓴᓯᒃ ᑭᔅᑭᓄᐙᒋᔓᑲᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᑲᐎᓐ, ᒫᑲ ᐅᔥᑭ ᐅᔑᐋᑲᓐ᙮

ᐃᐱᓯᔭᓇ 6:23

ᑳᔮᒣᓕᑕᒧᐎᓂᓕᐤ ᑲᑕ ᐎ ᐋᔭᐗᒃ ᐎᒋᔖᓂᒪᐗᒃ, ᓀᔥᑕ ᓵᑭᐃᐌᐎᓂᓕᐤ ᐊᓯᒋ ᑖᐺᔦᓕᑕᒧᐎᓂᓕᐤ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᑯᓚᔑᔭᓇ 1:4

ᐊᔅᐱᓐ ᐁ ᑮ ᐯᑐᒫᒃ ᐁ ᐃᔑ ᑖᐺᔦᓕᒣᒃ ᒋᓴᔅ ᙭, ᓀᔥᑕ ᐁᔅᐱᒋ ᓵᑭᐁᒀᒃ ᒥᓯᐌ ᐅᐸᓓᑭᓴᒃ;

ᑯᓚᔑᔭᓇ 3:11

ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮

ᓂᔥᑕᒻ ᑌᓴᓗᓂᔭᓇ 1:3

ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᐦᐃᑉᕉᐗ 11:8

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᓀᑐᒫᑲᓂᐎᑦ ᑭᒋ ᐃᑐᑌᑦ ᐃᑕ ᐁᔥᑾ ᑫ ᒥᓛᑲᓂᐎᑦ ᑭᒋ ᑎᐱᓚᐌᐎᓯᑦ, ᑮ ᑖᐺᑕᒻ; ᑮ ᐗᓚᐎᐃᑐᑌᐤ ᒫᑲ, ᐁᑳ ᐁ ᑭᔅᑫᓕᑕᒃ ᑖᓐᑌ ᐁ ᐃᑐᑌᑦ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ: