ᑲᓓᔕᐊᓇ 5:20 - ᐅᔅᑭ ᑎᔅᑌᒥᓐᑦ

²⁰ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ, ᑯᓵᐱᒋᑫᐎᓐ, ᐸᒀᔑᐌᐎᓐ, ᑭᑳᒥᑐᐎᓐ, ᑲᑴᓕᑕᒧᐎᓇ, ᐋᑯᓚᐌᓯᐎᓐ, ᒀᓗᑕᑐᐎᓐ, ᐸᑳᓂᐃᓱᐎᓇ, ᓇᓈᓂᔑᐃᓱᐎᓇ,

ᑲᓓᔕᐊᓇ 5:20 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:8

ᒫᑲ ᐊᓂᐃ ᑳ ᐗᑴᓕᑖᑯᓯᓕᒋ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᑖᐺᐎᓂᓕᐤ, ᒫᑲ ᑳ ᓇᓇᐃᑕᒥᓕᒋ ᒪᒑᑎᓯᐎᓂᓕᐤ, ᑎᐸᐊᒪᐌᐤ ᑭᒋᑭᓯᐙᓯᐎᓂᓕᐤ ᓀᔥᑕ ᐗᑯᓚᐌᓯᐎᓂᓕᐤ,

ᓂᔥᑕᒻ ᑯᕆᓐᑎᐊᓇ 11:19

ᐌᓴ ᓇᓈᓂᔑᐃᓱᐎᓇ ᐅᒋᑕᐤ ᑲᑕ ᐃᑕᑾᓋ ᐃᑕ ᐁ ᐃᑖᔦᒃ, ᐊᓂᑭ ᑳ ᓇᐁᓕᑖᑯᓯᒋᒃ ᑭᒋ ᑭᔅᑫᓕᑖᑯᓯᒋᒃ ᐃᑕ ᐁ ᐃᑖᔦᒃ᙮

ᓂᔓ ᑯᕆᓐᑎᐊᓇ 11:19

ᐌᓴ ᑮ ᓯᑭᓓᓯᐎ ᐃᓕᓇᐗᐗᒃ ᑭᔥᑴᑳᓇᒃ, ᑭᓚᐗᐤ ᐁ ᑲᑫᑕᐌᓕᑕᒣᒃ᙮

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᑲᓓᔕᐊᓇ 5:15

ᒫᑲ ᑮᔥᐱᓐ ᒫᑯᒥᑐᔦᒃ ᓀᔥᑕ ᒧᐎᑐᔦᒃ, ᔮᒀᒥᓯᒃ ᐁᑳ ᒣᒥᔅᑯᒡ ᑭᒋ ᑭᑕᒧᑐᔦᒃ᙮

ᑕᐃᑕᔅ 3:10

ᐃᓕᓕᐤ ᑳ ᐋᓉᑕᒧᔅᑭᑦ, ᐯᔭᑾᐤ ᓀᔥᑕ ᓂᔡᐤ ᑮ ᓇᑭᒪᑌ, ᑭ ᑳ ᐌᐱᓇᐤ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:14

ᒫᑲ ᑮᔥᐱᓐ ᐋᔭᔦᒃ ᒪᒋ ᐅᑌᓕᒥᑐᐎᓐ ᓀᔥᑕ ᒀᓗᑐᑖᑐᐎᓐ ᑭᑌᐃᐙᒃ, ᐁᑳ ᐎᓚ ᒫᒪᑖᑯᒧᒃ, ᐁᑳᐎᓚ ᓀᔥᑕ ᑭᓛᔅᑭᑕᒧᒃ ᑖᐺᐎᓐ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᓂᔥᑕᒻ ᒑᓐ 3:15

ᐊᐌᓇ ᐯᒀᑖᑴ ᐎᒋᔕᓇ ᐅᓂᐹᔨᐌᐎᐤ: ᑭ ᑭᔅᑫᓕᑌᓇᐗᐤ ᒫᑲ ᐅᓂᐹᔨᐌᐤ ᐁᑳ ᐁ ᐱᒋᔅᑳᑯᑦ ᑳᑭᑫ ᐱᒫᑎᓯᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮