ᑲᓓᔕᐊᓇ 4:8 - ᐅᔅᑭ ᑎᔅᑌᒥᓐᑦ

⁸ ᐁᓕᐌᒃ ᒫᑲ, ᐃᔅᐱ ᐁᑳ ᑳ ᑮ ᑭᔅᑫᓕᒣᒃ ᑭᒋᒪᓂᑐ, ᑭ ᑮ ᐊᑐᔅᑫᔅᑕᐗᐗᐗᒃ ᐊᓂᑭ ᐅᒋᑕᐤ ᐁᑳ ᑳ ᒪᓂᑐᐎᒋᒃ᙮

ᑲᓓᔕᐊᓇ 4:8 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:10

ᑮ ᐃᑖᐤ ᐊᔅᑮᒃ, ᐊᔅᑭᓕᐤ ᓀᔥᑕ ᐎᓚ ᑮ ᐅᔑᑕᐤ, ᐊᔅᑭᓕᐤ ᒫᑲ ᓇᒪᐎᓚ ᐅᒋ ᑭᔅᑫᓕᒥᑯ᙮

ᐊᐸᔅᑕᓚᒃ 14:12

ᐹᕐᓇᐸᔅ ᒫᑲ ᑮ ᐃᔑᓂᑳᑌᐗᒃ ᒎᐱᑕᕐ; ᓀᔥᑕ ᐹᓪ, ᒪᕐᑰᕆᐊᔅ, ᐌᓴ ᐎᓚ ᒫᐗᒡ ᑮ ᓂᑖ ᐋᔭᒥᐤ

ᐊᐸᔅᑕᓚᒃ 17:23

ᐌᓴ ᒣᒀᒡ ᐁ ᐱᒧᑌᔮᓐ, ᐁ ᑲᓇᐗᐸᑕᒫᓐ ᒫᑲ ᑭᑦ ᐋᔭᒥᐋᐎᓂᐙᐗ, ᓂ ᑮ ᒥᔅᑫᓐ ᐯᔭᒃ ᐸᑭᒋᑲᓈᐱᔉ ᐅᒪ ᐁ ᐃᑕᓯᓇᐃᑳᑌᒃ, ᐊᓇ ᐁᑳ ᑳ ᑭᔅᑫᓕᒥᑦ ᒪᓂᑐ, ᐊᓇ ᒫᑲ ᐁᑳ ᑳ ᑭᔅᑫᓕᒣᒃ ᑳ ᐅᒋᒋᒀᓇᐱᔅᑕᐌᒃ, ᐁᐗᑯ ᑳ ᐊᓕᒧᑕᒪᑕᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:23

ᓀᔥᑕ ᑮ ᑴᔅᑭᓇᒬᐗᒃ ᐅ ᑭᔅᑌᓕᑖᑯᓯᐎᓂᓕᐤ ᐊᓂᐃ ᐁᑳ ᑫ ᓂᔑᐗᓈᑎᓯᓕᒋ ᑭᒋᒪᓂᑐᐗ ᑭᒋ ᐃᔑᓈᑾᓂᓕᒃ ᑖᐱᔅᑯᒡ ᑫ ᓂᔑᐗᓋᑎᓯᓕᒋ ᐃᓕᓕᐗ, ᓀᔥᑕ ᐱᓓᓯᒃ ᐃᔑ, ᓀᔥᑕ ᐁ ᓀᐅᓯᑌᐎ ᐊᐌᓯᓯᒃ ᐃᔑ, ᓀᔥᑕ ᑳ ᐸᐸᒥᑕᒋᒧᓕᒋ ᐊᐗᑳᓇ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 12:2

ᑭ ᑭᔅᑫᓕᑌᓇᐗᐤ ᐁ ᑮ ᒉᓐᑖᐃᓕᐎᔦᒃ, ᐁ ᐗᓂᐎᓕᑲᐎᔦᒃ ᑭᒋ ᐊᑑᔅᑲᐌᑾᒃ ᐅᑯ ᐁᑳ ᑳ ᓂᑕᐌᒋᒃ ᒪᓂᑐᑳᓇᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᑕᐃᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 8:4

ᒫᑲ ᐁ ᒥᒋᓈᓂᐗᒃ ᐊᓂᐃ ᑳ ᑮ ᐸᑭᑎᓇᒫᒋᒃ ᐁ ᓵᓴᑭᐎᓕᐌᔅᑕᐙᑲᓂᐎᒋᒃ ᒪᓂᑐᑳᓇᒃ ᑭ ᑭᔅᑫᓕᑌᓈᓇᐤ ᒫᓂᑐᑳᓐ ᐁᑳ ᐙᔦᔥ ᐁ ᐃᑌᓕᑖᑯᓯᑦ ᐅᑕ ᐊᔅᑮᒃ, ᓀᔥᑕ ᐁᑳ ᐙᐙᒡ ᐁ ᐃᑖᑦ ᑯᑕᑳ ᑭᒋᒪᓇᑐ, ᐱᑯ ᐯᔭᒃ᙮

ᑲᓓᔕᐊᓇ 4:3

ᐁᑯ ᑖᐱᔅᑯᒡ ᑭᓚᓈᓇᐤ, ᐃᔅᐱ ᑳ ᑮ ᐊᐙᔑᔑᐎᔭᒃ ᑭ ᑮ ᐊᐗᑳᑎᑯᓈᓇᐤ ᐊᓂᐃ ᐊᔅᑭᐎ ᓃᔥᑕᒻ ᑭᔅᑭᓄᐊᒫᑫᐎᓇ:

ᐃᐱᓯᔭᓇ 4:18

ᐁ ᑎᐱᔅᑭᓯᒪᑲᓂᓕᒃ ᐅ ᓂᓯᑐᑕᒧᐎᓂᐗᐤ, ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅᑦ ᐃᔑᐱᒫᑎᓯᐎᓂᓕᐤ ᑲᑫᐹᑎᓯᐎᓂᓕᐤ ᐅᒋ ᑳ ᐱᒋᔅᑳᑯᒋᒃ, ᐁ ᒪᔥᑲᐎᑌᐁᒋᒃ:

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮

ᓂᔓ ᑌᓴᓗᓂᔭᓇ 1:8

ᐁ ᐙᓚᑌᒃ ᐃᔥᑯᑌᒃ, ᐁ ᐊᑯᓚᐌᓰᔅᑕᐙᑦ ᐊᓂᐃ ᐁᑳ ᑳ ᑭᔅᑫᓕᒫᓕᒋ ᑭᒋᒪᓂᑐᐗ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᐅ ᒥᓗᐋᒋᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᐱᑕᕐ 4:3

ᐌᓴ ᐃᔥᐱᔥ ᑳ ᒫᔭᐎᐸᓕᒃ ᑭ ᐱᒫᑎᓯᐎᓂᓇᐤ ᐁᒀᓂ ᑭᒋ ᑮ ᑐᑐᒶᒃ ᐅᑦ ᐃᑌᓕᑕᒧᐎᓂᐗᐤ ᒉᓐᑖᐃᓚᒃ, ᐃᔅᐱ ᐁ ᑮ ᐱᒧᑌᔭᒃ ᑭᔥᑴᔮᑎᓯᐎᓂᒃ, ᒪᒋᓇᑕᐌᓕᑕᒧᐎᓂᒃ, ᐁ ᐅᓵᒥᓂᑾᓂᐙᒃ ᔓᒥᓇᐳ, ᑭᔥᑴᐯᐎᓂᒃ, ᐎᑯᑐᐎᓂᒃ, ᓀᔥᑕ ᐁ ᒪᒋ ᓇᐗᑭᔅᑕᐗᑭᒃ ᒪᓂᑐᑳᓇᒃ:

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮