ᑲᓓᔕᐊᓇ 3:29 - ᐅᔅᑭ ᑎᔅᑌᒥᓐᑦ

²⁹ ᑮᔥᐱᓐ ᒫᑲ ᑎᐯᓕᒥᑯᔦᑭ ᙭, ᐁᑯ ᐌᑕᐗᔑᒥᔑᒥᑖᒃ ᐁᑉᕃᐊᒻ, ᓀᔥᑕ ᑫ ᐊᑎ ᑎᐱᓚᐌᐎᓯᔦᒃ ᐁ ᐃᑕᔅᑌᒃ ᐊᓂᒪ ᐊᔓᑕᒫᑫᐎᓐ᙮

ᑲᓓᔕᐊᓇ 3:29 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 3:9

ᐁᑳᐎᓚ ᒫᑲ ᐃᑌᓕᑕᒧᒃ ᑭᒋ ᐃᑎᑎᓱᔦᒃ, ᓂᑦ ᐋᔮᐙᓈᓐ ᐁᑉᕃᐋᒻ ᐁ ᐅᑖᐎᔮᒃ: ᐌᓴ ᑭᑦ ᐃᑎᓇᐗᐤ, ᑭᒋᒪᓂᑐ ᐁ ᑲᔥᑭᑖᑦ ᐅᐅ ᐊᓯᓂᔭ ᑭᒋ ᐅᒋ ᐅᑕᐙᔑᒥᔑᑲᐙᑦ ᐁᑉᕃᐊᒪ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 15:23

ᒫᑲ ᒥᓯᐌ ᑕᑐ ᐃᓕᓕᐤ ᐃᔅᐱ ᐁ ᐃᑌᓕᑖᑯᓯᑦ: ᙭ ᑳ ᓂᑳᓄᑖᑫᑦ; ᐹᑎᒫ ᒫᑲ ᐊᓂᐃ ᙭ ᑳ ᑎᐱᓚᐌᐎᓯᑦ ᐯᒋ ᑕᑯᔑᑫ᙮

ᓂᔓ ᑯᕆᓐᑎᐊᓇ 10:7

ᑭ ᑲᓇᐙᐸᑌᓇᐗᐤ ᓈ ᑫᒀᓇ ᐁ ᐃᔑᓈᑾᑭ ᐗᔅᑮᒡ? ᑮᔥᐱᓐ ᐊᐌᓇ ᐃᓕᓕᐤ ᒣᒥᔑᑐᑕᓱᒋ ᐁ ᑎᐯᓕᒥᑯᑦ ᙭ᑕ, ᐁᑯᔑ ᐅᒣᓕᐤ ᓀᔥᑕ ᑲᑕ ᐃᑌᓕᑕᒻ, ᑖᐱᔅᑯᒡ ᐁ ᐃᔑ ᑎᐯᓕᒥᑯᑦ ᙭ᑕ, ᐁᑯ ᑖᐱᔅᑯᒡ ᓀᔥᑕ ᓂᓚᓈᓐ ᐁ ᑎᐯᓕᒥᔭᒥᑦ ᙭᙮

ᑲᓓᔕᐊᓇ 3:16

ᐁᑦᕃᐊᒻ ᒫᑲ ᓀᔥᑕ ᐅᑦ ᐊᐙᔑᒥᔕ ᑮ ᒥᓛᑲᓂᐎᐗᒃ ᐊᓂᐃ ᐊᔓᑕᒫᑫᐎᓇ᙮ ᓇᒪᐎᓚ ᐃᑗᐤ, ᓀᔥᑕ ᑭᑦ ᐊᐙᔑᒥᔕᒃ, ᑖᐱᔅᑯᒡ ᒥᒉᑦ ᐁ ᐃᑖᓕᒋ, ᒫᑲ ᑖᐱᔅᑯᒡ ᐯᔭᒃ ᐱᑯ, ᓀᔥᑕ ᑭᑦ ᐊᐙᔑᒥᔥ, ᐁᐗᑯ ᙭᙮

ᑲᓓᔕᐊᓇ 3:18

ᐌᓴ ᑮᔥᐱᓐ ᐊᓂᒪ ᑎᐯᓕᒋᑲᓐ ᐅᓚᔓᐌᐎᓂᒃ ᐌᒋᒪᑲᓄᑴ, ᓇᒪᐎᓚ ᑫᔮᐸᒡ ᐊᔓᑕᒫᑫᐎᓂᒃ ᐅᒋᐸᓕᐤ: ᒫᑲ ᑭᒋᒪᓂᑐ ᑮ ᒥᓓᐤ ᐁᑉᕃᐊᒪ ᐊᔓᑕᒫᑫᐎᓂᒃ ᐅᒋ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑲᓓᔕᐊᓇ 3:7

ᑭᔅᑫᓕᑕᒧᒃ ᒫᑲ, ᐊᓂᑭ ᑖᐺᔦᓕᑕᒧᐎᓂᒃ ᑳ ᑎᐯᓕᑖᑯᓯᒋᒃ, ᐁᐗᒀᓂᑭ ᐅᑦ ᐊᐙᔑᒥᔕ ᐁᑉᕃᐋᒻ᙮

ᑲᓓᔕᐊᓇ 4:1

ᐅᒪ ᒫᑲ ᓂᑦ ᐃᑣᓐ, ᐊᓇ ᑫ ᐋᓂᔅᑫ ᑎᐯᓕᒋᑫᑦ, ᐁᔥᑾ ᐁ ᐊᐙᔑᔑᐎᑦ, ᓇᒪᐎᓚ ᐱᑐᔥ ᐊᑑᔅᑫᓛᑲᓂᒃ ᐃᑌᓕᑖᑯᓯᐤ, ᐁᓕᐌᒃ ᐋᑕ ᐁ ᑎᐱᓚᐌᐎᓯᑦ ᒥᓯᐌ;

ᑲᓓᔕᐊᓇ 4:7

ᐁᐗᑯ ᐌᒋ ᓇᒪᐎᓚ ᑫᔮᐸᒡ ᑭᑦ ᐊᑑᔅᑫᓛᑲᓂᐎᓐ, ᒫᑲ ᑭᑦ ᐅᑯᓯᓯᒪᐎᓐ; ᑮᔥᐱᓐ ᒫᑲ ᐌᑯᓯᓯᒪᐎᐗᓀ, ᐁᑯ ᐅ ᑎᐯᓕᑕᒧᒪᑭᒋᒪᓂᑐ, ᐎᓚ ᐅᒋ ᙭᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᑲᓓᔕᐊᓇ 6:16

ᒥᓯᐌ ᐊᓂᑭ ᒫᑲ ᑳ ᐱᒧᑖᑕᑭᒃ ᐅᒣᓕᐤ ᐅᓚᔓᐌᐎᓂᓕᐤ, ᑲᑕ ᐎ ᐅᑎᑎᑯᐗᒃ ᑳᔮᒣᓕᑕᒧᐎᓂᓕᐤ, ᓀᔥᑕ ᔕᐌᓕᒋᑫᐎᓂᓕᐤ, ᐊᓯᒋ ᓀᔥᑕ ᑭᒋᒪᓂᑐ ᐅᑦ ᐃᔅᕃᐃᓕᒪ᙮

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᐦᐃᑉᕉᐗ 11:18

ᐊᓇ ᑳ ᑮ ᐃᔑ ᐋᓕᒧᒫᑲᓂᐎᑦ, ᐋᐃᓯᒃ ᑲᑕ ᐅᒋ ᐃᔑᓂᑳᑖᑲᓂᐎᐗᒃ ᑭᑦ ᐊᐙᔑᒥᔕᒃ:

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 6:17

ᐃᑕ ᑭᒋᒪᓂᑐ, ᐁ ᓇᑕᐌᓕᑕᒃ ᐊᐙᓯᑌ ᑭᒋ ᐙᐸᑎᓛᑦ ᐊᓂᐃ ᑳ ᐊᑎ ᐋᔮᓕᒋ ᐊᓂᐁᓕᐤ ᐊᔓᑕᒫᑫᐎᓂᓕᐤ ᐁᑳ ᑭᒋ ᑴᔅᑭᐸᓕᓕᒃ ᐅᑦ ᐃᑌᓕᑕᒧᐎᓐ, ᑭᒋᐃᑗᐎᓂᒃ ᑮ ᐅᒋ ᐊᔨᒋᑕᐤ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮