ᑲᓓᔕᐊᓇ 3:17 - ᐅᔅᑭ ᑎᔅᑌᒥᓐᑦ

¹⁷ ᐅᒪ ᓀᔥᑕ ᓂᑦ ᐃᑣᓐ, ᐊᓂᒪ ᓇᔅᑯᒥᑐᐎᓐ, ᓂᑳᓐ ᑳ ᑮ ᐋᔨᒋᑖᑦ ᑭᒋᒪᓂᑐ ᙭ᑎᒃ, ᐅᓚᔓᐌᐎᓐ ᐹᑎᒫ ᓀᐗᐤ ᒥᑖᑐᒥᑕᓇᐤ ᓀᔥᑕ ᓂᔅᑐᒥᑕᓇᐤ ᐱᐴᓋ ᑳ ᒥᓕᐙᓂᐗᒃ, ᓇᒪᐎᓚ ᑮ ᑴᔅᑭᑖᒪᑲᓐ ᑭᒋ ᐅᒋ ᐁᑳ ᐋᐸᑕᒃ ᐊᓂᒪ ᐊᔔᑕᒫᑫᐎᓐ᙮

ᑲᓓᔕᐊᓇ 3:17 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐊᐸᔅᑕᓚᒃ 7:6

ᑭᒋᒪᓂᑐ ᒫᑲ ᐅᒪ ᑮ ᐃᔑ ᐊᔭᒥᐤ, ᐊᓂᐃ ᐅᑦ ᐊᐗᔑᒥᔕ ᑭᒋ ᑕᔑᑫᓕᒋ ᒫᓐᑌᐎ ᐊᔅᑭᒃ; ᓀᔥᑕ ᑭᒋ ᐊᐗᑳᑎᑯᒋᒃ, ᓀᔥᑕ ᑭᒋ ᒪᒋᑐᑖᑯᒋᒃ ᓀᐗᐤ ᒥᑖᑐᒥᑕᓇᐤ ᐱᐳᓋ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:25

ᐊᓇ ᑳ ᑮ ᐸᑭᑎᓂᑯᑦ ᑭᒋᒪᓂᑐᐗ ᑭᒋ ᓇᐃᓚᐌᐃᐌᐎᓂᐎᑦ ᐁ ᑖᐺᔦᓕᒋᑳᑌᓕᒃ ᐅᒥᑯᒻ, ᑭᒋ ᐎᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋ ᐊᔐᓂᑳᑌᑭ ᒪᒋᐃᑎᐎᓇ ᐋᔕᔾ ᑳ ᑮ ᐋᔨᑎᓈᓂᐗᑭ, ᐁᔅᐱᒋ ᐯᑳᑎᓰᑦ ᑭᒋᒪᓂᑐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:3

ᑫᒀᓐ ᒫᑲ ᑮᔥᐱᓐ ᐋᑎᑦ ᐁᑳ ᑮ ᑖᐺᑕᑭᒃ? ᐅᑦ ᐋᓉᑕᒧᐎᓂᐗᐤ ᓈ ᐌᒋ ᐁᑳ ᐙᔦᔥ ᑫ ᐃᑖᐸᑕᓂᓕᒃ ᑭᒋᒪᓂᑐ ᐅ ᑖᐺᔦᓕᑕᒧᐎᓐ?

ᓂᔥᑕᒻ ᑯᕆᓐᑎᐊᓇ 1:12

ᐅᒪ ᒫᑲ ᓂᑦ ᐃᑣᓐ, ᒥᓯᐌ ᑕᑐ ᐁ ᐃᑕᔑᔦᒃ ᐁ ᐃᑗᑦ, ᓂᓚ ᓂ ᓄᔅᐱᓇᑕᐤ ᐹᓪ; ᓀᔥᑕ ᓂᓚ ᐊᐸᓚᔅ; ᓀᔥᑕ ᓂᓚ ᓯᐸᔅ; ᓀᔥᑕ ᓂᓚ ᙭᙮

ᓂᔥᑕᒻ ᑯᕆᓐᑎᐊᓇ 1:17

ᐌᓴ ᙭ ᓇᒪᐎᓚ ᓂ ᑮ ᐃᔑᑎᔕᐅᒃ ᑭᒋ ᓯᑲᐋᑖᑫᔭᓐ, ᒫᑲ ᑭᒋ ᑲᑫᔅᑭᒥᐌᔮᓐ ᒥᓗᐋᒋᒧᐎᓐ: ᓇᒪᐎᓚ ᑲᑫᑕᐌᓕᑕᒧᐎ ᐋᔭᒥᐎᓇ ᐅᒋ, ᐁᑳ ᙭ ᐅᑦ ᐋᔑᑌᐋᑎᑯᒻ ᐁᑳ ᐙᔦᔥ ᑭᒋ ᐃᑖᐸᑕᓂᓕᒃ᙮

ᓂᔥᑕᒻ ᑯᕆᓐᑎᐊᓇ 10:19

ᑖᓂ ᑫ ᐃᑗᔮᓐ ᒫᑲ? ᐙᔦᔥ ᐁ ᐃᑌᓕᑖᑯᓯᑦ ᒪᓂᑐᑳᓐ, ᓀᔥᑕᐱᑯ ᐊᓂᒪ ᑳ ᓵᓵᑭᐎᓕᐌᔅᑕᐙᑲᓂᐎᑦ ᒪᓂᑐᑳᓐ ᐙᔦᔥ ᐁ ᐃᑌᓕᑖᑾᒃ?

ᓂᔥᑕᒻ ᑯᕆᓐᑎᐊᓇ 7:29

ᒫᑲ ᐅᒪ ᓂᑦ ᐃᑣᓐ, ᓂᒋᔖᓂᑐᒃ, ᒐᑲᐙᔑᓋ ᑭᔑᑳᐗ: ᐃᑌᓕᑖᑾᓐ, ᐊᓂᑭ ᑳ ᐎᐎᒋᒃ ᑭᒋ ᐃᔑᓈᑯᓯᒋᒃ ᑖᐱᔅᑯᒡ ᑮᔥᐱᓐ ᐁᑳ ᑮ ᐎᐎᒋᒃ:

ᓂᔓ ᑯᕆᓐᑎᐊᓇ 1:20

ᐌᓴ ᒥᓯᐌ ᐅᑦ ᐊᔓᑕᒫᑫᐎᓇ ᑭᒋᒪᓂᑐ ᐎᓚ ᐅᒋ ᐁᐁ ᐃᑌᓕᑖᑾᓋ, ᓀᔥᑕ ᐎᓚ ᐅᒋ ᐁᒣᓐ, ᑭᒋ ᐃᔑ ᒪᒥᒋᒥᑲᓂᐎᑦ ᑭᒋᒪᓂᑐ ᓂᓚᓈᓐ ᐅᒋ᙮

ᓂᔓ ᑯᕆᓐᑎᐊᓇ 9:6

ᒫᑲ ᐅᒪ ᓂᑦ ᐃᑣᓐ, ᐊᓇ ᐋᐱᔑᔥ ᐱᑯ ᑳ ᐗᓴᓶᐱᓂᑫᑦ ᐋᐱᔑᔥ ᐱᑯ ᑲᑕ ᒪᓂᔑᑯᐤ; ᐊᓇ ᒫᑲ ᒥᔅᑕᐃ ᑳ ᐗᓴᓶᐱᓂᑫᑦ ᒥᔅᑕᐃ ᓀᔥᑕ ᑲᑕ ᒪᓂᔑᑫᐤ᙮

ᑲᓓᔕᐊᓇ 3:15

ᓂᒋᔖᓂᑐᒃ, ᐁ ᐃᔑ ᐋᔭᒥᒋᒃ ᐃᓕᓕᐗᒃ ᓂᑦ ᐃᔑ ᐋᔭᒥᓐ; ᐋᑕ ᐃᓕᓕᐤ ᐅ ᓇᔅᑯᒥᑐᐎᓐ ᐱᑯ, ᐁᓕᐌᒃ ᒫᑲ ᑮᔥᐱᓐ ᐋᔨᒋᑖᓂᐗᒃ, ᓇᒪᐎᓚ ᐊᐌᓇ ᐃᓕᓕᐤ ᓄᑌᐸᓕᑕᐤ, ᓇᒪ ᓀᔥᑕ ᐊᓯᒋᐸᓕᑕᐤ ᐁᑯᑕ᙮

ᑲᓓᔕᐊᓇ 3:21

ᐅᓚᔓᐌᐎᓐ ᓈ ᒫᑲ ᓇᔅᑯᔅᑕᒫᑫᒪᑲᓐ ᑭᒋᒪᓂᑐ ᐅᑦ ᐊᔓᑕᒫᑫᐎᓇ? ᓇᒪᐎᓚ ᑲᑕ ᐎ ᐃᑭᓐ: ᐌᓴ ᑮᔥᐱᓐ ᑮ ᒥᓕᐙᓂᐗᓄᑯᐸᓀ ᐅᓚᔓᐌᐎᓐ ᑫ ᑮ ᒥᓕᐌᒪᑲᑭᐸᓐ ᐱᒪᑎᓯᐎᓐ, ᑖᐺ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑲᑕ ᑮ ᐅᒋ ᑕᑾᓄᐸᓐ᙮

ᑲᓓᔕᐊᓇ 5:16

ᐅᒪ ᒫᑲ ᓂᑦ ᐃᑣᓐ, ᐊᒑᑯᒃ ᐱᒧᑌᒃ, ᐁᑯ ᐁᑳ ᑫ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᐎᓐ᙮

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᐃᐱᓯᔭᓇ 2:12

ᐁᑯᔅᐱ ᒫᑲ ᓇᒪᐎᓚ ᑭ ᑮ ᓴᑭ ᐋᔭᐗᐤ ᙭, ᐁ ᑮ ᐋᔭᒡ ᐃᓕᓕᐎᔦᒃ ᐃᔅᕃᐃᓪ ᑎᐯᓕᒋᑫᐎᓐ ᐅᒋ, ᓀᔥᑕ ᐁ ᑮ ᒫᓐᑌᐎᔦᒃ ᐊᔓᑕᒫᑫᐎᓂ ᓇᔅᑯᒥᑐᐎᓇ ᐅᒋ, ᐁᑳ ᐁ ᑮ ᐅᑦ ᐊᔅᐯᓕᒧᐎᓂᔦᒃ, ᓀᔥᑕ ᐁᑳ ᐁ ᑮ ᐅ ᑭᒋᒪᓂᑐᒥᔦᒃ ᐅᑕ ᐊᔅᑮᒃ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᑯᓚᔑᔭᓇ 2:4

ᐅᒪ ᒫᑲ ᓂᑦ ᐃᑣᓐ, ᐁᑳ ᐊᐌᓇ ᐃᓕᓕᐤ ᑭᒋ ᐙᔦᔑᒥᑖᒃ ᔓᔅᒀᒋᐋᔭᒥᐎᓇ ᐅᒋ᙮

ᐦᐃᑉᕉᐗ 11:13

ᒥᓯᐌ ᐅᑯ ᑮ ᓂᐱᐗᒃ ᑖᐺᔦᓕᑕᒧᐎᓂᒃ, ᐁᑳ ᐁ ᑮ ᐅᑎᓇᑭᒃ ᐊᔓᑕᒫᑫᐎᓇ, ᒫᑲ ᐁ ᑮ ᓚᐙᐸᑕᑭᒃ, ᓀᔥᑕ ᑮ ᑫᒋᓀᓕᑕᒶᒃ, ᓀᔥᑕ ᑮ ᒥᒋᒥᓇᒶᒃ, ᑮ ᐎᑕᒶᒃ ᒫᑲ ᐁ ᒫᓐᑌᐎᒋᒃ ᓀᔥᑕ ᐁ ᐱᒥᐱᒋᒋᒃ ᐅᑕ ᐊᔅᑮᒃ᙮

ᐦᐃᑉᕉᐗ 7:18

ᐌᓴ ᑖᐺ ᑮ ᓂᑳᓂᐸᓕᐤ ᑭᒋ ᐃᑲᑌᓂᑳᑌᒃ ᑲᑫᔅᑴᐎᓐ, ᐁ ᓕᓚᒥᓯᒪᑲᒃ ᓀᔥᑕ ᐁᑳ ᓈᓐᑕᐤ ᐁ ᐃᑖᐸᑕᒃ᙮

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;