ᑲᓓᔕᐊᓇ 3:16 - ᐅᔅᑭ ᑎᔅᑌᒥᓐᑦ

¹⁶ ᐁᑦᕃᐊᒻ ᒫᑲ ᓀᔥᑕ ᐅᑦ ᐊᐙᔑᒥᔕ ᑮ ᒥᓛᑲᓂᐎᐗᒃ ᐊᓂᐃ ᐊᔓᑕᒫᑫᐎᓇ᙮ ᓇᒪᐎᓚ ᐃᑗᐤ, ᓀᔥᑕ ᑭᑦ ᐊᐙᔑᒥᔕᒃ, ᑖᐱᔅᑯᒡ ᒥᒉᑦ ᐁ ᐃᑖᓕᒋ, ᒫᑲ ᑖᐱᔅᑯᒡ ᐯᔭᒃ ᐱᑯ, ᓀᔥᑕ ᑭᑦ ᐊᐙᔑᒥᔥ, ᐁᐗᑯ ᙭᙮

ᑲᓓᔕᐊᓇ 3:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:1

ᒪᓯᓇᐃᑲᓐ ᐃᑕ ᐁ ᐎᑖᑲᓂᐗᓂᓕᒃ ᐅᑦ ᐋᔮᓂᔅᑫᓂᑖᐎᑭᐎᓐ ᒋᓴᔅ ᙭, ᑌᐱᑦ ᐅᑯᓯᓴ, ᐁᑉᕃᐋᒻ ᐅᑯᓯᓴ᙮

ᐅᐸᓓᑭᔅ ᓘᒃ 1:55

ᒬᒋ ᑳ ᑮ ᐃᑖᑦ ᑯᑖᐎᓇᐗ, ᐁᑉᕃᐊᒪ, ᓀᔥᑕ ᐅᑦ ᐊᐙᔑᒥᔑᓕᐗ ᑳᑭᑫ᙮

ᐊᐸᔅᑕᓚᒃ 3:25

ᑭᓚᐗᐤ ᐌᑕᐙᔑᒥᔑᒥᑖᑾᒃ ᐅᑭᔅᑭᐗᐃᑫᐗᒃ, ᓀᔥᑕ ᐊᓂᒪ ᓇᔅᑯᒥᑐᐎᓐ ᑭᒋᒪᓂᑐ ᑳ ᑮ ᐎᑕᒪᐙᑦ ᐊᓂᐃ ᑯᑕᐎᓇᐗ, ᐁ ᐃᑖᑦ ᐁᑉᕃᐊᒪ, ᑭᓚ ᑭᑦ ᐊᐙᔑᒥᔕᒃ ᐅᒋ ᑲᑕ ᒥᓦᑭᒪᑲᓂᐎᐗᒃ ᒥᓯᐌ ᑳ ᐱᒪᑎᓯᒋᒃ ᐅᑕ ᐊᔅᑭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:5

ᐁᑯ ᑖᐱᔅᑯᒡ ᑭᓚᓈᓇᐤ ᐁ ᒥᒉᑎᔭᒃ ᑭ ᐯᔭᑯ ᒥᔭᐎᐎᓈᓇᐤ ᙭ᑎᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᐁ ᐸᔅᑫᓯᐎᓂᔅᑖᑐᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:13

ᐌᓴ ᐊᓂᐁᓕᐤ ᐎᑕᒫᑯᓯᐎᓂᓕᐤ, ᑭᒋ ᐋᓂᔅᑫ ᐋᔮᑦ ᐊᔅᑭᓕᒃ, ᓇᒪᐎᓚ ᑮ ᐅᒋ ᒥᓛᑲᓂᐎᐤ ᐁᑉᕃᐊᒻ, ᓀᔥᑕᐱᑯ ᐅᑦ ᐊᐙᔑᒥᔕ ᐅᓚᔓᐌᐎᓂᒃ ᐅᒋ, ᒫᑲ ᐁ ᒀᔭᔅᑲᑎᓱᒪᑲᓂᓕᒃ, ᑖᐺᔦᓕᑕᒧᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:16

ᑖᐺᔦᓕᑕᒧᐎᓂᒃ ᒫᑲ ᐅᒋ, ᔕᐌᓕᒋᑫᐎᓂᒃ ᑭᒋ ᐅᒋᐸᓕᒃ: ᐊᓂᐁᓕᐤ ᐊᔓᑕᒫᑫᐎᓂᓕᐤ ᑫᒋᓈᔥ ᑭᒋ ᐃᔅᐸᓕᐃᑯᒋᒃ ᒥᓯᐌ ᐊᓂᑭ ᐊᐙᔑᔕᒃ: ᓇᒪᐎᓚ ᐱᑯ ᐊᓂᑭ ᑳ ᑎᐯᓕᒥᑯᒋᒃ ᐅᓚᔓᐌᐎᓂᓕᐤ, ᒫᑲ ᐊᓂᑭ ᐅᒋ ᑳ ᐃᑖᒋᒃ ᐁᑉᕃᐋᒻ ᐅ ᑖᐺᔦᓕᑕᒧᐎᓂᒃ; ᐊᓇ ᒥᓯᐌ ᑳ ᐃᑕᔑᔭᒃ ᑳ ᐅᑖᐎᔭᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:4

ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ;

ᓂᔥᑕᒻ ᑯᕆᓐᑎᐊᓇ 12:12

ᐌᓴ ᑖᐱᔅᑯᒡ ᐁ ᐃᔑ ᐯᔭᑾᒃ ᒥᔭᐤ, ᓀᔥᑕ ᐁ ᐋᔮᒪᑲᒃ ᒥᒉᑦ ᐸᔅᑫᓯᐎᓇ, ᓀᔥᑕ ᒥᓯᐌ ᐸᔅᑫᓯᐎᓇ ᐊᓂᒪ ᐯᔭᒃ ᒥᔭᐎᒃ, ᐁ ᒥᒉᑎᑭ, ᐯᔭᑯ ᒥᔭᐎᐗᓐ; ᐁᑯ ᓀᔥᑕ ᑖᐱᔅᑯᒡ ᙭᙮

ᓂᔥᑕᒻ ᑯᕆᓐᑎᐊᓇ 12:27

ᑭᓚᐗᐤ ᒫᑲ ᐁᐗᑯ ᙭ ᐎᔭᐤ, ᓀᔥᑕ ᐯᐯᔭᒃ ᐁ ᐸᔅᑫᓯᐎᓂᐎᔦᒃ᙮

ᓂᔓ ᑯᕆᓐᑎᐊᓇ 11:22

ᐦᐃᑉᕉᐎᐗᒃ ᓈ? ᐁᑯ ᓀᔥᑕ ᓂᓚ᙮ ᐃᔅᕃᐃᓚᐃᑕᒃ ᓈ? ᐁᑯ ᓀᔥᑕ ᓂᓚ᙮ ᐎᓚᐗᐤ ᓈ ᐁᑉᕃᐋᒻ ᐅᑦ ᐊᐙᔑᒥᔕ? ᐁᑯ ᓀᔥᑕ ᓂᓚ᙮

ᑲᓓᔕᐊᓇ 3:19

ᑖᓂ ᒫᑲ ᐁᑖᐸᑕᒃ ᐅᓚᔓᐌᐎᓐ? ᑮ ᑕᑯᑖᑲᓂᐗᓐ ᒪᒋ ᐋᔨᑎᐎᓇ ᐅᒋ, ᐹᑎᒪ ᑕᑯᔑᒃ ᐅᑯᓯᓯᒪᐤ ᑳ ᑮ ᒥᓛᑲᓂᐎᑦ ᐊᓂᐁᓕᐤ ᐊᔓᑕᒫᑫᐎᓂᓕᐤ: ᑮ ᐙᐌᓚᔅᑕᐗᒃ ᒫᑲ ᐁᓐᒐᓚᒃ ᐅᒋᒋᓕᒃ ᐅᑖᔭᒥᔅᑕᒫᑫᐗ᙮

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᐃᐱᓯᔭᓇ 5:32

ᐅᒪ ᓈᔅᐱᒡ ᒫᒫᑕᐌᓕᑖᑾᓐ: ᒫᑲ ᓂᑦ ᐊᓕᒧᒪᐗᒃ ᙭ ᓀᔥᑕ ᐅ ᒪᒪᐎᐋᔭᒥᐋᒪ᙮

ᑯᓚᔑᔭᓇ 2:19

ᐁᑳ ᒫᑲ ᐁ ᒥᒋᒥᓇᒃ ᒥᔅᑎᒀᓐ, ᐊᓂᒪ ᐅᒋ ᒥᓯᐌ ᒥᔭᐤ ᐋᓂᔅᑲᐎᑲᓇᓇ ᐅᒋ ᓀᔥᑕ ᐸᔅᑫᓯᐎᓇ ᐁ ᐊᓯᒋᑳᑌᒃ, ᓀᔥᑕ ᐁ ᒪᒪᐎᐱᒋᑳᑌᒃ, ᓚᑭᐸᓕᐤ ᑭᒋᒪᓂᑐ ᐅ ᓚᑭᐃᐌᐎᓐ ᐅᒋ᙮

ᑯᓚᔑᔭᓇ 3:11

ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮