ᑲᓓᔕᐊᓇ 2:20 - ᐅᔅᑭ ᑎᔅᑌᒥᓐᑦ

²⁰ ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 2:20 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᑎᐤ 4:3

ᐃᔅᐱ ᒫᑲ ᐅᑲᑴᒋᐃᐌᐗ ᐱᐁᒋ ᓈᑎᑯᑦ, ᑮ ᐃᑎᑯ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᐃᑕᔓᐌ ᐅᑯ ᐊᓯᓂᔭᒃ ᑭᒋ ᐊᓚᑯᓇᐎᒋᒃ᙮

ᐅᐸᓓᑭᔅ ᒑᓐ 1:49

ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮

ᐅᐸᓓᑭᔅ ᒑᓐ 10:11

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮

ᐅᐸᓓᑭᔅ ᒑᓐ 15:13

ᓇᒪᐎᓚ ᐊᐌᓇ ᐋᔭᐤ ᓵᑭᐃᐌᐎᓂᓕᐤ ᐊᐙᓯᑌ ᐁ ᐃᑌᓕᑖᑾᓂᓕᒃ ᐃᔥᐱᔥ ᐅᒪ, ᐃᓕᓕᐤ ᑭᒋ ᐱᒥᑎᑖᑦ ᐅ ᐱᒫᑎᓯᐎᓐ ᐅᑐᑌᒪ ᐅᒋ᙮

ᐅᐸᓓᑭᔅ ᒑᓐ 17:21

ᒥᓯᐌ ᑭᒋ ᐯᔭᑯᒋᒃ: ᑖᐱᔅᑯᒡ ᑭᓚ, ᐅᑖᐎᒪᐤ, ᐁ ᐱᒋᔅᑲᐎᔭᓐ, ᓀᔥᑕ ᓂᓚ ᐁ ᐱᒋᔅᑳᑖᓐ ᐎᓚᐗᐤ ᐊᓯᒋ ᑭᒋ ᐯᔭᑯᒋᒃ ᐁ ᐱᒋᔅᑳᑕᑯᒃ: ᐊᔅᑭ ᑭᒋ ᑖᐺᑕᒧᒪᑲᒃ ᐁ ᑮ ᐯᒋᑎᔕᐅᔭᓐ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:35

ᐅᑖᐎᒪᐤ ᓵᑭᐁᐤ ᐅᑯᓯᓯᒫᐗ, ᓀᔥᑕ ᑮ ᐸᑭᑎᓇᒻ ᒥᓯᐌ ᑫᒀᓇ ᐅᒋᒌᓕᒃ᙮

ᐅᐸᓓᑭᔅ ᒑᓐ 6:57

ᑖᐱᔅᑯᒡ ᑳ ᐃᔑ ᐯᒋᑎᔕᐅᑦ ᐯᒫᑎᓰᑦ ᐅᑖᐎᒪᐤ, ᓀᔥᑕ ᐁ ᐱᒫᑎᓯᔮᓐ ᐅᑖᐎᒪᐤ ᐅᒋ ᐁᑯ ᑖᐱᔅᑯᒡ ᐊᓇ ᑳ ᒧᐎᑦ, ᐎᓚ ᓀᔥᑕ ᑲᑕ ᐱᒫᑎᓯᐤ ᓂᓚ ᐅᒋ᙮

ᐅᐸᓓᑭᔅ ᒑᓐ 6:69

ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:17

ᐌᓴ ᐁᑯᑕ ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᐁ ᓄᑯᑖᓂᐗᓂᓕᒃ ᑖᐺᔦᓕᑕᒧᐎᓂᒃ ᐅᒋ ᓀᔥᑕ ᑖᐺᔦᓕᑕᒧᐎᓂᒃ ᐃᔑ: ᒬᒋ ᐁ ᐃᑕᓯᓇᐃᑳᑌᒃ, ᐅᒀᔭᔅᑭᑎᐤ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:7

ᐌᓴ ᓇᒪᐎᓚ ᐊᐌᓇ ᐁ ᐃᑕᔑᔭᒃ ᐱᒫᑎᓰᔅᑖᓱ, ᓇᒪ ᓀᔥᑕ ᐊᐌᓇ ᓂᐳᔅᑖᓱ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:22

ᐋᐳᒋᑲ ᐅᒀᔭᔅᑭᑖᑎᓯᐎᓐ ᑭᒋᒪᓂᑐ ᐁ ᑖᐺᔦᓕᒫᑲᓂᐎᑦ ᒋᓴᔅ ᙭ ᒥᓯᐌ ᑫ ᐋᔮᒋᒃ ᓀᔥᑕ ᑫ ᓛᔑᐸᓕᔅᑖᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᐌᓴ ᓇᒪᐎᓚ ᐊᐌᓇ ᐱᑐᔐᓕᒪᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:25

ᐊᓇ ᑳ ᑮ ᐸᑭᑎᓈᑲᓂᐎᑦ ᑭ ᐗᓂᐊᔨᑎᐎᓂᓇᐗ ᐅᒋ, ᓀᔥᑕ ᑳ ᑮ ᐗᓂᔥᑳᓈᑲᓂᐎᑦ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:6

ᐌᓴ ᒣᒀᒡ ᑫᔮᐸᒡ ᐁᑳ ᐁ ᒪᔥᑲᐎᓯᐎᓂᔭᒃ, ᐃᔅᐱ ᐁᑎ ᐅᑎᒋᐸᓕᒃ, ᙭ ᑮ ᓂᐳᔅᑐᒪᐌᐤ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:8

ᑮᔥᐱᓐ ᒫᑲ ᑭ ᐎᒋᓂᐱᒪᒃ ᙭, ᑭ ᑖᐺᑌᓈᓇᐤ ᐊᓯᒋ ᓀᔥᑕ ᑭᒋ ᐎᒋᐱᒫᑎᓯᒪᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:10

ᑮᔥᐱᓐ ᒫᑲ ᙭ ᐱᐃᒋᔅᑳᑖᑴ, ᒥᔭᐤ ᑮ ᓂᐱᒪᑲᓐ ᒪᒋᑣᐎᓐ ᐅᒋ; ᒫᑲ ᐊᒑᒃ ᐱᒫᑎᓯᐎᓂᐎᐤ ᒀᔭᔅᑭᑖᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:37

ᓇᒪ ᒫᑲ, ᒥᓯᐌ ᐅᐅ ᑫᒀᓇ ᐅᒋ ᐊᐙᓯᑌ ᑭᑦ ᐃᑌᓕᑖᑯᓯᓈᓇᐤ ᐃᔥᐱᔥ ᐅᐸᔅᑭᓛᑫᐗᒃ, ᐎᓚ ᐅᒋ ᑳ ᑮ ᓵᑭᐃᑕᒃ᙮

ᓂᔥᑕᒻ ᑯᕆᓐᑎᐊᓇ 6:17

ᒫᑲ ᐊᓇ ᑳ ᐎᒉᐙᑦ ᐅᑎᐯᓕᑭᑫᐗ ᐯᔭᑯ ᐊᒑᑯᐎᐤ᙮

ᓂᔓ ᑯᕆᓐᑎᐊᓇ 1:24

ᓇᒪᐎᓚ ᐁ ᑎᐯᓕᑕᒫᒃ ᑭ ᑖᐺᔦᓕᑕᒧᐎᓂᐗᐤ, ᒫᑲ ᐁ ᐎᒋᑖᔦᒃ ᑭ ᒧᒋᑫᓕᑕᒧᐎᓂᐗᐤ: ᐌᓴ ᑖᐺᔦᓕᑖᒧᐎᓐ ᑭᑦ ᐅᒋ ᓂᐸᐎᓇᐗᐤ᙮

ᓂᔓ ᑯᕆᓐᑎᐊᓇ 10:3

ᐌᓴ ᐋᑕ ᐁ ᐱᒧᑌᔮᒃ ᐎᔮᓯᐎᓂᒃ, ᓇᒪᐎᓚ ᐎᔮᓯᐎᓂᒃ ᓂᑦ ᐃᔑ ᓄᑎᓂᑳᓈᓐ;

ᓂᔓ ᑯᕆᓐᑎᐊᓇ 11:10

ᑖᐱᔅᑯᒡ ᐁ ᐃᔑ ᐱᒋᔅᑳᑯᐗᒃ ᙭ ᐅ ᑖᐺᐎᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑳ ᑭᐱᒋᐃᒃ ᐅᒪ ᐁ ᐃᔑ ᒫᒪᑖᑯᒧᔮᓐ ᐊᑳᔭ ᐊᔅᑮᒃ᙮

ᓂᔓ ᑯᕆᓐᑎᐊᓇ 13:3

ᐁ ᓇᑕᐌᓕᑕᒪᐎᔮᒃ ᑫᒋᓇᐅᐎᓐ ᐁ ᐋᔭᒥᑦ ᙭ ᓂᓚ ᐅᒋ, ᑭᓚᐗᐤ ᐃᔑ ᐁᑳ ᑳ ᓕᓚᒪᒃ, ᒫᑲ ᑳ ᓱᑳᑎᓯᒪᑲᒃ ᐁ ᐱᒋᔅᑳᑯᔦᒃ᙮

ᓂᔓ ᑯᕆᓐᑎᐊᓇ 13:5

ᓇᓇᑕᐎᑭᔅᑫᓕᒥᑎᓱᒃ, ᑮᔥᐱᓐ ᑖᐺ ᑖᐺᔦᓕᑕᒧᐎᓂᒃ ᐁᑖᐌᑴ; ᑲᑴᒋᐃᑎᓱᒃ᙮ ᓇᒪ ᓈ ᑭ ᑭᔅᑫᓕᑌᓇᐗᐤ ᑭᓚᐗᐤ ᑫᒋᐙᒃ ᐁ ᐱᒋᔅᑳᑖᒃ ᒋᓴᔅ ᙭, ᑮᔥᐱᓐ ᐁᑳ ᐎᐁᐱᓂᑲᓂᐎᐌᑴ?

ᓂᔓ ᑯᕆᓐᑎᐊᓇ 5:14

ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᓂᔓ ᑯᕆᓐᑎᐊᓇ 5:15

ᓀᔥᑕ ᐁ ᑮ ᓂᐳᔅᑕᒪᐙᑦ ᒥᓯᐌ, ᐊᓂᑭ ᑳ ᐱᒫᑎᓯᒋᒃ ᐁᑳ ᐊᓄᒡ ᐅᒋ ᑭᒋ ᐱᒫᑎᓰᒻ ᑖᓯᒋᒃ, ᒫᑲ ᐊᓂᐃ ᑳ ᓂᐳᔅᑕᒫᑯᒋᒃ, ᓀᔥᑕ ᒥᓇ ᑳ ᑮ ᐗᓂᔥᑳᓕᒋ᙮

ᓂᔓ ᑯᕆᓐᑎᐊᓇ 5:7

ᐌᓴ ᑖᐺᔦᓕᑕᒧᐎᓐ ᑭᑦ ᐅᒋ ᐱᒧᑕᓈᓇᐤ, ᓇᒪᐎᓚ ᐊᓂᐃ ᐅᒋ ᑳ ᐗᐸᑕᒪᒃ:

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 2:16

ᐁ ᑭᔅᑫᓕᑕᒪᒃ ᐃᓕᓕᐤ ᐁᑳ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᒫᑲ ᐅ ᑖᐺᔦᓕᒥᑯᓯᐎᓐ ᐅᒋ ᒋᓴᔅ ᙭, ᑭ ᑭ ᑖᐺᔦᓕᒫᓇᐤ ᒋᓴᔅ ᙭; ᑭᒋ ᑮ ᒀᔭᔅᑭᑖᑎᓯᐃᑲᐎᔭᒃ ᐅ ᑖᐺᔦᓕᒥᑯᓯᐎᓐ ᙭ ᐅᒋ, ᓇᒪ ᒫᑲ ᐅᓚᔓᐌᐎᓂ ᐃᔑᒋᑫᐎᓇ ᐅᒋ: ᐌᓴ ᐅᓚᔓᐌᐎᓂ ᐃᔑᒋᑫᐎᓇ ᐅᒋ ᓇᒪᐎᓚ ᐊᐌᓇ ᑲᑕ ᒀᔭᔅᑭᑖᑎᓯᐊᐤ᙮

ᑲᓓᔕᐊᓇ 3:11

ᒫᑲ ᐁᑳ ᐊᐌᓇ ᐃᓕᓕᐤ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓐ ᐅᒋ ᐁ ᑖᔅᑕᒪᐱᑦ ᑭᒋᒪᓂᑐ, ᒥᑐᓂ ᓄᑾᓐ: ᐌᓴ, ᐅᑾᔭᔅᑭᑎᐤ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐤ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 5:25

ᓈᐯᑐᒃ, ᓵᑭᐃᑯᒃ ᑭ ᐎᐙᐗᒃ, ᑖᐱᔅᑯᒡ ᙭ ᑳ ᑮ ᐃᔑ ᓵᑭᐋᑦ ᒫᒪᐎᐋᔭᒥᐊᐗ ᓀᔥᑕ ᑳ ᑮ ᐸᑭᑎᓂᑎᓱᔅᑕᒪᐙᑦ;

ᐱᓕᐱᔭᓇ 1:21

ᐌᓴ ᓂᓚ ᑭᒋ ᐱᒫᑎᓯᔮᓐ ᐁᐗᑯ ᙭, ᓀᔥᑕ ᑭᒋ ᓂᐱᔮᓐ ᐁᐗᑯ ᐅᑎᓯᐎᓐ᙮

ᐱᓕᐱᔭᓇ 4:13

ᒥᓯᐌ ᑫᒀᓇ ᓂ ᑳ ᑮ ᑐᑌᓐ ᐎᓚ ᐅᒋ ᙭ ᑳ ᒪᔥᑲᐎᓯᐃᑦ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔥᑕᒻ ᑌᓴᓗᓂᔭᓇ 5:10

ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 8:3

ᐌᓴ ᒥᓯᐌ ᑕᑐ ᑭᒋ ᓵᓵᑭᐎᓕᐌᐎᓕᓕᐤ ᐸᑳᓂᐊᐤ ᑭᒋ ᐸᑭᑎᓂᑫᑦ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ: ᐁᐗᑯ ᐅᒋ ᐅᒋᑕᐤ ᓇᑕᐌᓕᑖᑾᓐ ᐊᐗ ᐃᓕᓕᐤ ᑫᒀᓕᐤ ᑭᒋ ᐋᔮᑦ ᑭᒋ ᐸᑭᑎᓂᑫᑦ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 3:20

ᒫᑎᑲ, ᓂ ᓂᐸᐎᓐ ᐃᔥᒀᑌᒥᒃ ᓂ ᐹᐸᐙᐃᑳᓐ ᒫᑲ: ᑮᔥᐱᓐ ᐊᐌᓇ ᐃᓕᓕᐤ ᐯᑕᑫ ᓂ ᐯᑖᑯᓯᐎᓐ, ᐹᔅᑭᑎᓇᑫ ᒫᑲ, ᓂ ᑳ ᐱᑐᑲᐗᐤ, ᓂ ᑳ ᐎᒋᒥᒋᓱᒪᐤ ᒫᑲ, ᐎᓚ ᓀᔥᑕ ᓂ ᑳ ᐎᒋᒥᒋᓱᒥᒃ᙮