ᑲᓓᔕᐊᓇ 2:16 - ᐅᔅᑭ ᑎᔅᑌᒥᓐᑦ

¹⁶ ᐁ ᑭᔅᑫᓕᑕᒪᒃ ᐃᓕᓕᐤ ᐁᑳ ᐁ ᒀᔭᔅᑭᑖᑎᓯᐋᑲᓂᐎᑦ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᒫᑲ ᐅ ᑖᐺᔦᓕᒥᑯᓯᐎᓐ ᐅᒋ ᒋᓴᔅ ᙭, ᑭ ᑭ ᑖᐺᔦᓕᒫᓇᐤ ᒋᓴᔅ ᙭; ᑭᒋ ᑮ ᒀᔭᔅᑭᑖᑎᓯᐃᑲᐎᔭᒃ ᐅ ᑖᐺᔦᓕᒥᑯᓯᐎᓐ ᙭ ᐅᒋ, ᓇᒪ ᒫᑲ ᐅᓚᔓᐌᐎᓂ ᐃᔑᒋᑫᐎᓇ ᐅᒋ: ᐌᓴ ᐅᓚᔓᐌᐎᓂ ᐃᔑᒋᑫᐎᓇ ᐅᒋ ᓇᒪᐎᓚ ᐊᐌᓇ ᑲᑕ ᒀᔭᔅᑭᑖᑎᓯᐊᐤ᙮

ᑲᓓᔕᐊᓇ 2:16 ပူးပေါင်းရင်းမြစ်များ

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:17

ᐌᓴ ᐁᑯᑕ ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᐁ ᓄᑯᑖᓂᐗᓂᓕᒃ ᑖᐺᔦᓕᑕᒧᐎᓂᒃ ᐅᒋ ᓀᔥᑕ ᑖᐺᔦᓕᑕᒧᐎᓂᒃ ᐃᔑ: ᒬᒋ ᐁ ᐃᑕᓯᓇᐃᑳᑌᒃ, ᐅᒀᔭᔅᑭᑎᐤ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:30

ᐁ ᓄᑾᒃ ᐁ ᐯᔭᑯᑦ ᑭᒋᒪᓂᑐ, ᑫ ᒀᔭᔅᑭᑖᑎᓯᐋᑦ ᑳ ᑭᔅᑭᓄᓅᐙᒋᔣᑲᓂᐎᓕᒋ ᑖᐺᔦᓕᑕᒧᐎᓂᒃ, ᓀᔥᑕ ᐁᑳ ᑳ ᑭᔅᑭᓄᐙᒋᔣᑲᓂᐎᓕᒋ ᑖᐺᔦᓕᑕᒧᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:2

ᐌᓴ ᑮᔥᐱᓐ ᐁᑉᕃᐋᒻ ᐊᑑᔅᑫᐎᓂᒃ ᑮ ᐅᒋ ᒀᔭᔅᑭᑖᑎᓯᒀᓂᐎᑦ, ᐋᔭᐤ ᑫᒀᓕᐤ ᑫ ᐅᒋ ᒫᒪᑖᑯᒧᑦ; ᒫᑲ ᓇᒪᐎᓚ ᐅᑎᔥᑲᐤ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:24

ᒫᑲ ᑭᓚᓈᓇᐤ ᐊᓯᒋ, ᑫ ᐃᑕᑭᑕᒫᑲᐎᔭᒃ, ᑮᔥᐱᓐ ᑖᐺᔦᓕᒪᑫ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᑭ ᑎᐯᓕᒋᑫᒥᓇᐗ ᐅᓂᐱᐗ ᐅᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:30

ᑫᒀᓐ ᒫᑲ ᑫ ᐃᑗᔭᒃ ᐊᓂᑭ ᒉᓐᑖᐃᓚᒃ ᐁᑳ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂᓕᐤ, ᑮ ᐅᑎᑎᒶᒃ ᒀᔭᔅᑭᑖᑎᓯᐎᓂᓕᐤ, ᐊᓂᐁᓕᐤ ᒀᔭᔅᑭᑖᑎᓯᐎᓂᓕᐤ ᐅᑎ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᑲᓓᔕᐊᓇ 4:5

ᑭᒋ ᑎᐸᐊᒫᑫᔅᑕᒪᐙᓕᒋ ᐊᓂᐃ ᑳ ᑎᐯᓕᒥᑯᓕᒋ ᐅᓚᔓᐌᐎᓂᓕᐤ, ᑭᒋ ᒥᓕᑲᐎᔭᒃ ᐅᑯᓯᓯᒪᐎ ᑕᐸᑯᒥᐌᐎᓐ᙮

ᑲᓓᔕᐊᓇ 5:4

᙭ ᓇᒪᐎᓚ ᐙᔦᔥ ᑭᑦ ᐃᑖᐸᒋᐃᑯᐗᐤ, ᐊᐌᓂᑭ ᐁ ᐃᑕᔑᔦᒃ ᐅᓚᔓᐌᐎᓐ ᑳ ᐅᒋ ᑾᔭᔅᑭᑖᑎᓯᐃᑲᐎᔦᒃ: ᔕᐌᓕᒋᑫᐎᓂᒃ ᑭ ᑮ ᐅᒋ ᐸᑭᔑᓂᓇᐗᐤ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔥᑕᒻ ᐱᑕᕐ 1:2

ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;