ᑲᓓᔕᐊᓇ 1:14 - ᐅᔅᑭ ᑎᔅᑌᒥᓐᑦ

¹⁴ ᓀᔥᑕ ᐊᐙᓯᑌ ᓂ ᑮ ᑲᔥᑭᑕᒫᓱᓐ ᒎᐗᒃ ᐅᑦ ᐋᔭᒥᐋᐎᓂᐙᒃ ᐃᔥᐱᔥ ᒥᒉᑦ ᓂ ᐎᒋᐃᔅᐱᑎᓯᒫᑲᓇᒃ ᑎᐱᓚᐌ ᓂ ᐎᑕᔅᑭᒫᑲᓇᒃ, ᐊᓕᐙᒃ ᐁ ᑮ ᑲᑴ ᑭᔅᑫᓕᑕᒶᑭᒃ ᐅ ᑎᐹᒋᒧᐎᓂᐗᐗ ᓄᑕᐎᔭᒃ᙮

ᑲᓓᔕᐊᓇ 1:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 15:6

ᐁᑳ ᒫᑲ ᑫᔅᑌᓕᒫᑴ ᐅᑖᐎᔭ ᓀᔥᑕᐱᑯ ᐅᑳᐎᔭ, ᓇᒪᐎᓚ ᑲᑕ ᐋᓉᓕᑖᑯᓯᐤ᙮ ᐁᐗᑯ ᐅᒋ ᑭ ᑐᑌᓇᐗᐤ ᑭᒋᒪᓂᑐ ᐅ ᑲᑫᔅᑴᐎᓐ ᐸᑾᓐᑕᐤ ᑭᒋ ᐃᑌᓕᑖᑾᓂᓕᒃ ᑭ ᑭᔅᑭᓄᐊᒫᑫᐎᓂᐗᐤ ᐅᒋ᙮

ᐊᐸᔅᑕᓚᒃ 21:20

ᐃᔅᐱ ᒫᑲ ᐱᐁᑕᑭᒃ, ᑮ ᑭᔅᑖᒋᒣᐗᒃ ᐅᑎᐯᓕᒋᑫᐗ, ᓀᔥᑕ ᑮ ᐃᑌᐗᒃ, ᑭ ᐙᐸᑌᓐ, ᓂᒋᔖᓂᓈᓐ, ᐁᔅᐱᒋ ᒥᒉᑡᐤ ᒥᑖᑐᒥᑖᓇᐤ ᐁ ᐃᑕᓯᒋᒃ ᒎᐗᒃ ᑳ ᑖᐺᑕᑭᒃ; ᒥᓯᐌ ᐁ ᐃᑕᓯᒋᒃ ᒫᑲ ᒪᔥᑲᐌᓕᑕᒶᒃ ᐅᓚᔓᐌᐎᓂᓕᐤ:

ᐊᐸᔅᑕᓚᒃ 22:3

ᓂᓚ ᑖᐺ ᓂᑦ ᐃᓕᓕᐎᓐ ᐁ ᒎᐎᔮᓐ, ᑳ ᓂᑖᐎᑭᔮᓐ ᑖᕐᓴᓯᒃ, ᐃᑖᐎᓐ ᓯᓕᓯᔭᐃᒃ, ᒫᑲ ᐅᒪ ᐃᑖᐎᓂᒃ ᐁ ᑮ ᐅᐱᑭᐃᑳᐎᔮᓐ, ᐅᓯᑎᒃ ᑲᒣᓕᔭᓪ, ᓀᔥᑕ ᐁ ᑮ ᑭᔅᑭᓄᐊᒫᑲᐎᔮᓐ ᒬᒋ ᑳ ᐃᑕᔅᑌᓕᒃ ᐅᑦ ᐅᓚᔓᐌᐎᓂᐗᐤ ᐅᑖᐎᒫᐗᒃ, ᓀᔥᑕ ᓂ ᑮ ᒪᔥᑲᐌᓕᒪᐤ ᑭᒋᒪᓂᑐ, ᑖᐱᔅᑯᒡ ᐁ ᐃᑎᔦᒃ ᒥᓯᐌ ᐁ ᐃᑕᔑᔦᒃ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 26:5

ᐊᓂᑭ ᐌᔅᑲᒡ ᑳ ᑮ ᐅᒋ ᑭᔅᑫᓕᒥᒋᒃ, ᑮᔥᐱᓐ ᑫ ᐎ ᑎᐹᒋᒧᒀᐌ, ᑖᐱᔅᑯᒡ ᐁ ᐃᑎᒋᒃ ᑳ ᒫᐗᒋ ᔮᒀᒥᓯᒋᒃ ᓂᑦ ᐋᔭᒥᐋᐎᓂᓈᒃ ᓂ ᑮ ᐹᕋᓯᐎ ᐃᑖᑎᓰᓐ᙮

ᐊᐸᔅᑕᓚᒃ 26:9

ᑖᐺ ᓂᓚ ᓂ ᑮ ᐃᑌᓕᑕᒫᓱᓐ ᒥᒉᑦ ᑫᒀᓐ ᑭᒋ ᑐᑕᒫᓐ ᐁ ᐋᓉᑕᒶᒃ ᐅᑦ ᐃᔑᓂᑳᓱᐎᓐ ᒋᓴᔅ ᓈᓴᕆᑎᒃ ᑳ ᐅᒌᑦ᙮

ᑯᓚᔑᔭᓇ 2:8

ᔮᒀᒥᓯᒃ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᐗᑳᓂᐃᑖᒃ ᒥᔅᑲᐙᑕᐎᓐ ᐅᒋ ᓀᔥᑕ ᐸᑾᓐᑕᐤ ᑲᑳᔦᓕᓯᐎᓐ, ᐁ ᐃᔑ ᑭᔅᑭᓄᐊᒫᑫᒋᒃ ᐃᓕᓕᐗᒃ, ᑳ ᐃᑕᔅᑌᑭ ᓂᔥᑕᒻ ᑭᔅᑭᓄᐊᒫᑫᐎᓇ ᐅᑕ ᐊᔅᑮᒃ, ᓇᒪᐎᓚ ᒫᑲ ᑳ ᐃᔑ ᑭᔅᑭᓄᐊᒫᑫᑦ ᙭᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ: