ᐃᐱᓯᔭᓇ 6:19 - ᐅᔅᑭ ᑎᔅᑌᒥᓐᑦ

¹⁹ ᓀᔥᑕ ᓂᓚ ᐊᓯᒋ, ᑭᒋ ᒥᓕᑲᐎᔮᓐ ᑭᒋ ᐹᔅᑭᑐᓀᓕᔮᓐ, ᑭᒋ ᑭᔅᑫᓕᑖᑯᑖᔮᓐ ᐁ ᐃᔑ ᒫᒪᔅᑳᑌᓕᑖᑾᒃ ᒥᓗᐋᒋᒧᐎᓐ:

ᐃᐱᓯᔭᓇ 6:19 ပူးပေါင်းရင်းမြစ်များ

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 14:3

ᐁᐗᑯ ᐅᒋ ᑭᓉᔥ ᑭ ᑕᔑᑫᐗᒃ ᐁ ᓱᑭᑌᐁᐎ ᐋᔭᒥᒋᒃ ᐅᑎᐯᓕᒋᑫᒃ, ᑳ ᑮ ᐋᑐᑕᒃ ᐅ ᔕᐌᓕᒋᑫᐎᓂ ᐋᔭᒥᐎᓐ, ᐁ ᑮ ᒥᓕᐌᑦ ᒫᑲ ᑭᔅᑭᓄᐗᒋᒋᑲᓇ ᓀᔥᑕ ᒫᒪᔅᑲᒋᐃᓯᒋᑫᐎᓇ ᑭᒋ ᑐᒋᑲᑌᓕᒋ ᐅᒋᒋᓕᒃ ᐅᒋ᙮

ᐊᐸᔅᑕᓚᒃ 18:26

ᑮ ᒫᒋ ᓱᑭᑌᐁᐎ ᐋᔭᒥᐤ ᒫᑲ ᐋᔭᒥᐁᐎᑲᒥᑯᒃ: ᐊᓇ ᐃᔅᐱ ᐊᓂᐃ ᐊᑶᓚ ᓀᔥᑕ ᑉᕆᓯᓚ ᑳ ᑮ ᐯᑖᑯᑦ, ᑮ ᐅᑎᓂᑯ, ᓀᔥᑕ ᐊᐙᓯᑌ ᐯᔭᑕᒃ ᑮ ᑭᔅᑭᓄᐊᒫᑯ ᑭᒋᒪᓂᑐ ᐅᑦ ᐃᔑᑣᐎᓂᓕᐤ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐊᐸᔅᑕᓚᒃ 28:31

ᐁ ᐙᐎᑕᒸᑦ ᐅᑦ ᐅᑭᒫᐎᐎᓂᓕᐤ ᑭᒋᒪᓂᑐᐗ, ᓀᔥᑕ ᐁ ᑭᔅᑭᓄᐊᒫᑫᑦ ᐊᓂᐃ ᑫᒀᓇ ᐁ ᐃᔑ ᐋᓕᒧᒥᒥᒋ ᐅᑎᐯᓕᒋᑫᐗ ᒋᓴᔅ ᙭, ᒥᓯᐌ ᓱᑭᑌᐁᐎ ᐋᔭᒥᐎᓂᒃ, ᐁᑳ ᐁ ᑭᑕᐊᒫᑯᑦ ᐊᐌᓕᐗ᙮

ᐊᐸᔅᑕᓚᒃ 4:13

ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮

ᐊᐸᔅᑕᓚᒃ 4:29

ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 9:27

ᒫᑲ ᐹᕐᓇᐸᔅ ᑮ ᐅᑎᓀᐤ ᓀᔥᑕ ᑮ ᐯᑐᐌᐤ ᐊᓂᐃ ᐊᐸᔅᑎᓚ, ᑮ ᐎᑕᒪᐌᐤ ᒫᑲ ᑖᓂ ᑳ ᐃᔑ ᐙᐸᒫᑦ ᐅᑎᐯᓕᒋᑫᐗ ᐊᓐᑕ ᒣᔅᑲᓈᒃ, ᐁ ᑮ ᐋᔭᒥᐃᑯᑦ ᒫᑲ, ᓀᔥᑕ ᑳ ᑮ ᐃᔑ ᓱᑫᓕᒧᐎ ᐙᐎᑕᒸᓕᒋᑦ ᐊᓐᑕ ᑕᒫᔅᑲᓯᒃ ᒋᓴᓴ ᐅᑦ ᐃᔑᓂᑳᓱᐎᓂᓕᒃ᙮

ᐊᐸᔅᑕᓚᒃ 9:29

ᑮ ᓱᑫᓕᒧᐎ ᐋᔭᒥᐤ ᒫᑲ ᐅᑎᐯᓕᒋᑫᐗ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᐁ ᑮ ᐊᔮᔑᑌᒫᑦ ᐊᓂᐃ ᒃᕆᔑᔭᓇ; ᒫᑲ ᑮ ᐸᐹᐃᑐᑌᐗᒃ ᑭᒋ ᓂᐸᐋᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:30

ᑭ ᐸᑯᓭᓕᒥᑎᓇᐗᐤ ᒫᑲ, ᓂᒋᔖᓂᑐᒃ, ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᐅᒋ ᐊᒑᒃ, ᓱᑲ ᑭᒋ ᒫᒪᐎ ᐎᒋᐃᔦᒃ ᐁ ᐋᔭᒥᐁᔅᑕᐌᒃ ᑭᒋᒪᓂᑐ ᓂᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᓂᔥᑕᒻ ᑯᕆᓐᑎᐊᓇ 1:5

ᒥᓯᐌ ᑫᒀᓐ ᐁ ᑮ ᒥᔕᑭᐃᑖᒃ, ᒥᓯᐌ ᐋᔭᒥᐎᓂᒃ, ᓀᔥᑕ ᒥᓯᐌ ᑭᔅᑫᓕᑕᒧᐎᓂᒃ;

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔥᑕᒻ ᑯᕆᓐᑎᐊᓇ 4:1

ᐁᑯᔑ ᐊᐌᓇ ᓂ ᑳ ᐃᑕᑭᒥᑯᓈᓐ ᐁ ᐅᑦ ᐋᔭᒥᐋᐎᐊᑑᔅᑫᓚᑲᓂᒥᔭᒥᑦ ᙭, ᓀᔥᑕ ᐁ ᑲᓇᐌᓕᑎᓕᑲᐎᔮᒃ ᑭᒋᒪᓂᑐ ᐅ ᑳᒋ ᑫᒀᓇ᙮

ᓂᔓ ᑯᕆᓐᑎᐊᓇ 1:11

ᑭᓚᐗᐤ ᓀᔥᑕ ᐁ ᓂᔓᑲᒫᑯᔦᒃ ᐁ ᐋᔭᒥᐁᔅᑕᒪᐎᔮᒃ, ᐊᓂᒪ ᒥᓕᐌᐎᓐ ᑳ ᑮ ᒥᓕᑲᐎᔮᒃ ᒥᒉᑦ ᐊᐌᓂᑭ ᐁ ᑮ ᓇᑐᑕᒫᑫᔅᑕᒪᐎᔭᒥᒋᒃ, ᒥᒉᑦ ᑭᒋ ᓇᓈᔅᑯᒧᔅᑕᒪᐎᔭᒥᒋᒃ᙮

ᓂᔓ ᑯᕆᓐᑎᐊᓇ 3:12

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ:

ᓂᔓ ᑯᕆᓐᑎᐊᓇ 6:11

ᐊ ᑯᕆᔅᑎᔮᓂᑐᒃ, ᑭ ᐹᔅᑭᑌᓇᒫᑎᓈᓐ ᓂᑐᓂᓈᓐ, ᓂᑌᐃᓈᓐ ᑮ ᐊᑎ ᒥᔕᐤ᙮

ᓂᔓ ᑯᕆᓐᑎᐊᓇ 7:4

ᓈᔅᐱᒡ ᑭ ᓱᑭᑌᐁᐎ ᐋᔭᒥᐃᑎᓇᐗᐤ, ᓈᔅᐱᒡ ᓂ ᒫᒪᑖᑯᒧᓐ ᑭᓚᐗᐤ ᐅᒋ: ᓂ ᓴᑲᔅᑭᓀᔅᑳᑯᓐ ᒥᓜᓕᑕᒧᐎᓐ, ᓈᔅᐱᒡ ᓂ ᒧᒋᑫᓕᑌᓐ ᒥᓯᐌ ᓂᑦ ᐊᓕᒥᓯᐎᓂᓈᒃ᙮

ᓂᔓ ᑯᕆᓐᑎᐊᓇ 8:7

ᐁᐗᑯ ᒫᑲ ᐅᒋ, ᐁ ᐃᔑ ᐌᓗᑎᓯᔦᒃ ᒥᓯᐌ ᑫᒀᓐ, ᑖᐺᔦᓕᑕᒧᐎᓂᒃ, ᓀᔥᑕ ᐋᔭᒥᐎᓂᒃ, ᓀᔥᑕ ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑭᓯᓴᐎᓯᐎᓂᒃ, ᓀᔥᑕ ᐁ ᐃᔑ ᓵᑭᐃᔮᒃ, ᐁᑯᔑ ᐅᒪ ᐃᔑ ᔕᐌᓕᒋᑫᐎᓂᒃ ᐌᓗᑎᓰᒃ ᓀᔥᑕ᙮

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐃᐱᓯᔭᓇ 3:9

ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔥᑕᒻ ᑌᓴᓗᓂᔭᓇ 5:25

ᓂᒋᔖᓂᑐᒃ, ᐋᔭᒥᐁᔅᑕᒫᑯᒃ᙮

ᓂᔓ ᑌᓴᓗᓂᔭᓇ 3:1

ᒫᒋᒡ, ᓂᒋᔖᓂᑐᒃ, ᐋᔭᒥᐁᔅᑕᒪᐎᓈᓐ, ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᑭᒋ ᐱᒥᐸᑖᒪᑲᓂᓕᒃ, ᓀᔥᑕ ᑭᒋ ᑭᔅᑌᓕᒋᑳᑌᓕᒃ, ᑖᐱᔅᑯᒡ ᑭᓚᐗᐤ ᑳ ᐃᔑ ᐎᒉᐎᑯᐌᒃ;

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᐹᐃᓕᒪᓐ 1:22

ᒫᑲ ᐊᓯᒋ ᐋᔦᔅᑲᐎᑕᒪᐎᓐ ᐃᑕ ᑫ ᐎᑭᔮᓐ; ᐌᓴ ᓂᑦ ᐃᔑ ᐸᑯᓭᓕᒧᓐ ᑭᑦ ᐋᔭᒥᐋᐎᓂᐗᐗ ᐅᒋ, ᓂᓚ ᑭᒋ ᐸᑭᑎᓇᒫᑲᐎᔦᒃ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮