ᐃᐱᓯᔭᓇ 4:31 - ᐅᔅᑭ ᑎᔅᑌᒥᓐᑦ

³¹ ᐌᐱᓇᒧᒃ ᒥᓯᐌ ᐊᒀᑎᓯᐎᓐ, ᓀᔥᑕ ᐋᑯᓚᐌᓯᐎᓐ, ᓀᔥᑕ ᑭᓯᐙᓯᐎᓐ, ᓀᔥᑕ ᑭᓯᐙᓯᐎ ᐋᔭᒥᐎᓐ, ᓀᔥᑕ ᒪᒋ ᐋᔭᒥᐎᓐ, ᓀᔥᑕ ᒥᓯᐌ ᑭᒧᒋᐸᒀᑎᑐᐎᓐ:

ᐃᐱᓯᔭᓇ 4:31 ပူးပေါင်းရင်းမြစ်များ

ᐊᐸᔅᑕᓚᒃ 21:30

ᒥᓯᐌ ᒫᑲ ᐃᑖᐎᓐ ᑮ ᒥᑯᔥᑳᒋᐸᓕᐤ, ᒥᓯᐌ ᒫᑲ ᐃᓕᓕᐗᒃ ᑮ ᒫᒪᐎᐃᔅᐸᑖᐗᒃ: ᑮ ᐅᑎᓀᐗᒃ ᒫᑲ ᐹᓚ, ᓀᔥᑕ ᑭᒋᐋᔭᒥᐁᐎᑭᒥᑯᒃ ᑮ ᐅᒋ ᐗᓚᐎᐃᑌᐗᒃ: ᑮᔖᒡ ᒫᑲ ᐃᔥᒀᑌᒪ ᑮ ᑭᐸᐃᑳᑌᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:14

ᓵᑲᔅᑭᓀᓕᐤ ᐅᑐᓂᐙᒃ ᒪᒐᑭᒥᐌᐎᓐ ᓀᔥᑕ ᐎᓴᑲᐅᐌᐎᓐ:

ᓂᔥᑕᒻ ᑯᕆᓐᑎᐊᓇ 14:20

ᓂᒋᔖᓂᑐᒃ, ᐁᑳᐎᓚ ᐊᐙᔑᔑᐎᒃ ᓂᓯᑐᑕᒧᐎᓂᒃ: ᒫᑲ ᐎᓚ ᑭᓰᔅᑖᑐᐎᓂᒃ ᐊᐙᔑᔑᐎᒃ, ᒫᑲ ᓂᓯᑐᑕᒧᐎᓂᒃ ᑭᔖᐯᐎᒃ᙮

ᓂᔥᑕᒻ ᑯᕆᓐᑎᐊᓇ 5:8

ᐁᐗᑯ ᐅᒋ ᑲᓇᐌᓕᑖᑕᐤ ᒪᑯᔐᐎᓐ, ᐁᑳ ᐁ ᐋᐸᒋᐋᒃ ᑳᔮᔥ ᐅᐱᓯᑲᓐ, ᐁᑳ ᓀᔥᑕ ᐅᐱᓯᑲᓐ ᑭᓯᔅᑖᑐᐎᓂᒃ ᓀᔥᑕ ᒪᒑᑎᓯᐎᓂᒃ ᑳ ᐅᒋᐸᓕᒃ; ᒫᑲ ᐁᑳ ᐁ ᐅᐱᓱᑦ ᐊᓚᑯᓇᐤ ᒀᔭᔉ ᐃᑌᓕᑕᒧᐎᓐ ᓀᔥᑕ ᑖᐺᐎᓐ᙮

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᑲᓓᔕᐊᓇ 5:20

ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ, ᑯᓵᐱᒋᑫᐎᓐ, ᐸᒀᔑᐌᐎᓐ, ᑭᑳᒥᑐᐎᓐ, ᑲᑴᓕᑕᒧᐎᓇ, ᐋᑯᓚᐌᓯᐎᓐ, ᒀᓗᑕᑐᐎᓐ, ᐸᑳᓂᐃᓱᐎᓇ, ᓇᓈᓂᔑᐃᓱᐎᓇ,

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐃᐱᓯᔭᓇ 4:25

ᐁᐗᑯ ᐅᒋ, ᐁ ᐌᐱᓇᒣᒃ ᑭᓛᔅᑭᐎᓐ, ᐁᑯᔑ ᒥᓯᐌ ᐊᐌᓇ ᑲᑕ ᑖᐺᒣᐤ ᐎᒋᐃᓕᓕᐗ: ᐌᓴ ᑭ ᐯᔭᑯᑌᐎᓯᓈᓇᐤ᙮

ᐃᐱᓯᔭᓇ 4:26

ᑭᓯᐙᓯᒃ, ᐁᑳ ᒫᑲ ᒪᒋᑐᑕᒧᒃ: ᐁᑳᐎᓚ ᑲᑕ ᐸᑭᔑᒧ ᑫᔮᐸᒡ ᐁ ᐋᑯᓚᐌᓯᔦᒃ:

ᑯᓚᔑᔭᓇ 3:19

ᓇᐯᑐᒃ, ᓵᑭᐃᑯᒃ ᑭᐎᐙᐗᒃ, ᐁᑳᐎᓚ ᓀᔥᑕ ᒪᒋᑐᑖᑯᒃ᙮

ᑯᓚᔑᔭᓇ 3:8

ᒫᑲ ᐊᓄᒡ ᐅᐅ ᓀᔥᑕ ᑭ ᑫᒋᑾᓀᓇᐗᐤ; ᑭᓯᐙᓯᐎᓐ, ᐊᑯᓚᐌᓯᐎᓐ, ᑭᒧᒋᐸᒀᑎᑐᐎᓐ, ᐹᔅᑕᒧᐎᓐ, ᒪᒋ ᐋᔭᒥᐎᓐ ᑭᑐᓂᐙᒃ ᐅᒋ᙮

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 5:13

ᐊᓯᒋ ᓀᔥᑕ ᑲᑕ ᐎ ᑭᑎᒥᐗᒃ, ᐹᐱᑐᔥ ᐙᔅᑲᔨᑲᓂᒃ ᐁ ᐸᐹᐃᑐᑌᒋᒃ; ᓇᒪᐎᓚ ᓀᔥᑕ ᐁ ᑭᑎᒥᒋᒃ ᐱᑯ, ᒫᑲ ᐁ ᐅᓵᒥᑐᓂᒋᒃ ᐊᓯᒋ, ᓀᔥᑕ ᐁ ᑭᐅᑫᔅᑭᒋᒃ, ᐁ ᐋᓕᒧᑕᑭᒃ ᐊᓂᐃ ᑫᒀᓇ ᐁᑳ ᑫ ᑮ ᐋᓕᒧᑕᒧᐙᔅᐸᓐ᙮

ᓂᔓ ᑎᒧᑎ 2:23

ᒫᑲ ᑲᑫᐹᑎᓯᐎ ᓀᔥᑕ ᐁᑳᑭᔅᑫᓕᑖᑯᓯᐎ ᑲᑫᒋᑫᒧᐎᓇ ᐋᑕᐌᓕᑕ, ᐁ ᑭᔅᑫᓕᑕᒪᓐ ᐁ ᓂᑕᐎᑭᑖᒪᑲᑭ ᒀᓗᑐᑖᑐᐎᓇ;

ᓂᔓ ᑎᒧᑎ 3:3

ᐁᑳ ᐁ ᐃᓕᓕᐎ ᓵᑭᐃᐌᒋᒃ, ᐁ ᐸᒀᔑᐃᐌᔅᑭᒋᒃ ᐁ ᑭᓛᔅᑭᐎ ᒪᒥᔑᒥᐌᒋᒃ, ᐁ ᐎᓂᓯᒋᒃ, ᐁ ᐊᒀᑎᓯᒋᒃ, ᐁ ᐋᑕᐌᓕᒫᒋᒃ ᐊᓂᓂ ᑳ ᒥᓨᑎᓯᓕᒋ,

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᑕᐃᑕᔅ 2:3

ᑖᐱᔅᑯᒡ ᓀᔥᑕ ᑭᔐᐃᔅᑴᐗᒃ, ᐅᑦ ᐃᑖᑎᓯᐎᓂᐙᒃ ᑭᒋ ᓄᑯᑖᒋᒃ ᐸᓓᑭᓯᐎᓂᓕᐤ, ᐁᑳ ᑭᒋ ᑭᓛᔅᑭᐎ ᒪᒥᔑᒥᐌᒋᒃ, ᐁᑳ ᒥᔅᑕᐃ ᑭᒋ ᒥᓂᑴᒋᒃ ᔓᒥᓈᐳᓕᐤ, ᑭᒋ ᑭᔅᑭᓄᐊᒫᑫᒋᒃ ᒥᓗ ᑫᒀᓇ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:19

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐁᑯᔑ ᒥᓯᐌ ᑕᑐ ᐊᐌᓇ ᑲᑕ ᑭᓕᐱᐤ ᐁ ᐱᔑᒋᑕᒃ, ᑲᑕ ᐯᑭᑳᑎᓯᐤ ᐁ ᐋᔭᒥᑦ, ᑲᑕ ᐯᑭᑳᑎᓯᐤ ᐁ ᑭᓯᐙᓯᑦ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:14

ᒫᑲ ᑮᔥᐱᓐ ᐋᔭᔦᒃ ᒪᒋ ᐅᑌᓕᒥᑐᐎᓐ ᓀᔥᑕ ᒀᓗᑐᑖᑐᐎᓐ ᑭᑌᐃᐙᒃ, ᐁᑳ ᐎᓚ ᒫᒪᑖᑯᒧᒃ, ᐁᑳᐎᓚ ᓀᔥᑕ ᑭᓛᔅᑭᑕᒧᒃ ᑖᐺᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:11

ᐁᑳᐎᓚ ᒪᒋ ᐋᓕᒧᒥᑐᒃ, ᓂᒋᔖᓂᑐᒃ᙮ ᐊᓇ ᑳ ᒪᒋ ᐋᓕᒧᒫᑦ ᐎᒋᔖᓇ, ᓀᔥᑕ ᑳ ᑎᐹᔅᑯᓈᑦ ᐎᒋᔖᓇ ᒪᒋ ᐋᓕᒧᑕᒻ ᐅᓚᔔᐌᐎᓂᓕᐤ, ᓀᔥᑕ ᑎᐹᔅᑯᓓᓕᑕᒻ ᐅᓚᔓᐌᐎᓂᓕᐤ: ᒫᑲ ᑮᔥᐱᓐ ᑌᐹᔅᑯᓀᓕᑕᒪᓂ ᐅᓚᔔᐌᐎᓐ, ᓇᒪᐎᓚ ᑭᑦ ᐃᑐᑌᓐ ᐅᓚᔓᐌᐎᓐ, ᒫᑲ ᑭ ᑎᐹᔅᑯᓀᓕᑌᓐ᙮

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᓂᔥᑕᒻ ᒑᓐ 3:15

ᐊᐌᓇ ᐯᒀᑖᑴ ᐎᒋᔕᓇ ᐅᓂᐹᔨᐌᐎᐤ: ᑭ ᑭᔅᑫᓕᑌᓇᐗᐤ ᒫᑲ ᐅᓂᐹᔨᐌᐤ ᐁᑳ ᐁ ᐱᒋᔅᑳᑯᑦ ᑳᑭᑫ ᐱᒫᑎᓯᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 12:10

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐁ ᑭᔗᐌᒪᑲᒃ, ᐁ ᐃᑗᒪᑲᒃ ᑭᒋᑭᔑᑯᒃ, ᐁᑯ ᐌᑎᒋᐸᓕᒃ ᐱᒫᒋᐃᐌᐎᓐ, ᓀᔥᑕ ᒪᔥᑲᐎᓯᐎᓐ, ᓀᔥᑕ ᑭ ᑭᒋᒪᓂᑐᒥᓇᐤ ᐅᑦ ᐅᑭᒫᐎᐎᓐ, ᓀᔥᑕ ᐅ ᙭ᑎᒪ ᐅ ᑲᔥᑭᐅᐎᓂᓕᐤ; ᐌᓴ ᐊᓇ ᑳ ᒪᒥᔑᒫᑦ ᑭᒋᔖᓂᓇᐗ ᓂᒋ ᐌᐱᓈᑲᓂᐎᐤ ᐅᑎᔥᑲᐤ ᑭ ᑭᒋᒪᓂᑐᒥᓇᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ᙮