ᐃᐱᓯᔭᓇ 4:29 - ᐅᔅᑭ ᑎᔅᑌᒥᓐᑦ

²⁹ ᐁᑳᐎᓚ ᒪᒋ ᐋᔭᒥᐎᓐ ᑲᑕ ᐅᒋᐸᓕᐤ ᑭᑐᓂᐙᒃ, ᒫᑲ ᐊᓂᒪ ᑳ ᒥᓨᔑᒃ ᐁ ᐃᑖᐸᑕᒃ ᑭᒋ ᑭᔅᑭᓄᐊᒫᑫᒪᑲᒃ, ᑭᒋ ᑮ ᒥᓗᑐᑖᑯᒋᒃ ᐊᓂᑭ ᑳ ᐯᑕᑭᒃ᙮

ᐃᐱᓯᔭᓇ 4:29 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᓘᒃ 4:22

ᒥᓯᐌ ᒫᑲ ᑮ ᑎᐹᒋᒣᐗᒃ, ᓀᔥᑕ ᑮ ᒫᒪᔅᑳᑕᒬᐗᒃ ᐊᓂᐃ ᔕᐌᓕᒋᑫᐎ ᐋᔭᒥᐎᓇ ᑳ ᐅᒋᐸᓕᓕᑭ ᐅᑐᓂᓕᒃ᙮ ᑮ ᐃᑗᐗᒃ ᒫᑲ, ᓇᒪ ᓈ ᐊᐗ ᒍᓯᑉ ᐅᑯᓯᓴ?

ᐅᐸᓓᑭᔅ ᒑᓐ 1:37

ᐊᓂᑭ ᓂᔓ ᑭᔅᑭᓄᐊᒪᐙᑲᓇᒃ ᒫᑲ ᑮ ᐯᑕᐌᐗᒃ ᐁ ᐋᔭᒥᓕᒋ; ᑮ ᓄᔅᐱᓇᑌᐗᒃ ᒫᑲ ᒋᓴᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:2

ᐁᑯᔑ ᒥᓯᐌ ᑕᑐ ᐊᐌᓇ ᐁ ᐃᑕᔑᔭᒃ ᑲᑕ ᓂᐃᓚᐌᐁᐤ ᐎᒋᐃᓕᓕᐗ ᑭᒋ ᐃᔑ ᒥᓗᑭᔅᑭᓄᐊᒫᑯᐎᓯᓕᒋ᙮

ᓂᔥᑕᒻ ᑯᕆᓐᑎᐊᓇ 14:19

ᐁᓕᐌᒃ ᒫᑲ ᐋᔭᒥᐁᐎᑲᒥᑯᒃ ᐊᐙᓯᑌ ᓂ ᑳ ᓇᒪᓕᑌᑖᔾ ᓂᔮᓚᓐ ᐋᔭᒥᐎᓇ ᑭᒋ ᐃᑗᔮᓐ ᑳ ᓂᓯᑐᑕᒫᒃ, ᐁ ᐯᑖᑯᓯᔮᓐ ᑯᑕᑭᔭᒃ ᓀᔥᑕ ᑭᒋ ᑭᔅᑭᓄᐊᒪᐗᑭᒃ, ᐃᔥᐱᔥ ᒥᑖᑡᐤ ᑭᒋᒥᑖᑐᒥᑕᓇᐤ ᐋᔭᒥᐎᓇ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ᙮

ᐃᐱᓯᔭᓇ 4:12

ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᑯᓚᔑᔭᓇ 4:6

ᐁᑯᔑ ᑭᑦ ᐋᔭᒥᐎᓂᐗᐤ ᒧᔕᒃ ᑲᑕ ᔕᐌᓕᑖᑾᓐ, ᔑᐎᑖᑲᓐ ᐁ ᐅᒋ ᔑᐎᑖᓂᐗᒃ, ᑭᒋ ᑭᔅᑫᓕᑕᒣᒃ ᑫ ᐃᔑ ᓇᔥᑴᐗᔑᒣᒃ ᒥᓯᐌ ᑕᑐ ᐃᓕᓕᐤ᙮

ᓂᔥᑕᒻ ᑌᓴᓗᓂᔭᓇ 5:11

ᐁᐗᑯ ᐅᒋ, ᒫᒪᐎ ᑳᑭᒋᐃᑐᒃ, ᓀᔥᑕ ᑭᔅᑭᓄᐊᒫᑐᒃ, ᑖᐱᔅᑯᒡ ᓀᔥᑕ ᑳ ᐃᔑ ᑐᑕᒣᒃ᙮

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 3:1

ᑖᐱᔅᑯᒡ ᓀᔥᑕ ᑭᓚᐗᐤ ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗᒃ; ᑮᔥᐱᓐ ᐊᐌᓇ ᐁᑳ ᑎᐋᐺᑕᒧᐙᑴ ᐋᔭᒥᐎᓂᓕᐤ, ᐁᑳ ᐁ ᐋᐸᒋᑖᓂᐗᓂᓕᒃ ᐋᔭᒥᐎᓂᓕᐤ, ᑭᒋ ᑲᔥᑭᐃᑯᒋᒃ ᐅᑦ ᐃᔑᐱᒫᑎᓯᐎᓂᓕᐤ ᐎᐎᐙᐗ:

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮