ᑯᓚᔑᔭᓇ 4:6 - ᐅᔅᑭ ᑎᔅᑌᒥᓐᑦ

⁶ ᐁᑯᔑ ᑭᑦ ᐋᔭᒥᐎᓂᐗᐤ ᒧᔕᒃ ᑲᑕ ᔕᐌᓕᑖᑾᓐ, ᔑᐎᑖᑲᓐ ᐁ ᐅᒋ ᔑᐎᑖᓂᐗᒃ, ᑭᒋ ᑭᔅᑫᓕᑕᒣᒃ ᑫ ᐃᔑ ᓇᔥᑴᐗᔑᒣᒃ ᒥᓯᐌ ᑕᑐ ᐃᓕᓕᐤ᙮

ᑯᓚᔑᔭᓇ 4:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:13

ᑭᓚᐗᐤ ᐁᐗᑯ ᑳ ᐅᒋ ᔑᐎᑖᑲᓂᐗᒃ ᐊᔅᑭ; ᑮᔥᐱᓐ ᒫᑲ ᔑᐎᑖᑲᓐ ᐱᐃᓵᑫ, ᑖᓐᑌ ᑫ ᐅᒋ ᔑᐎᑖᑲᓂᐗᒃ? ᐁᑯᔅᐱ ᐅᒋ ᓇᒪᐎᓚ ᐙᔦᔥ ᐃᑖᐸᑕᓐ, ᐱᑯ ᑭᒋ ᐗᓚᐎᐌᐱᓂᑳᑌᒃ, ᓀᔥᑕ ᑭᒋ ᑕᑕᑯᔥᑳᑕᑭᒃ ᐃᓕᓕᐗᒃ᙮

ᐅᐸᓓᑭᔅ ᒫᕐᒃ 9:50

ᔑᐎᑖᑲᓐ ᒥᓨᔑᓐ: ᒫᑲ ᑮᔥᐱᓐ ᔑᐎᑖᑲᓐ ᐱᐃᓵᑭ, ᑫᒀᓐ ᑫ ᐅᒋ ᔑᐎᑖᑲᓇᐊᒣᒃ? ᐋᔮᒃ ᔑᐎᑖᑲᓐ ᑭᒋ ᐱᒋᔅᑳᑯᔦᒃ, ᓀᔥᑕ ᒥᓗ ᐅᑐᑌᒥᒥᑐᒃ᙮

ᐅᐸᓓᑭᔅ ᓘᒃ 4:22

ᒥᓯᐌ ᒫᑲ ᑮ ᑎᐹᒋᒣᐗᒃ, ᓀᔥᑕ ᑮ ᒫᒪᔅᑳᑕᒬᐗᒃ ᐊᓂᐃ ᔕᐌᓕᒋᑫᐎ ᐋᔭᒥᐎᓇ ᑳ ᐅᒋᐸᓕᓕᑭ ᐅᑐᓂᓕᒃ᙮ ᑮ ᐃᑗᐗᒃ ᒫᑲ, ᓇᒪ ᓈ ᐊᐗ ᒍᓯᑉ ᐅᑯᓯᓴ?

ᐃᐱᓯᔭᓇ 4:29

ᐁᑳᐎᓚ ᒪᒋ ᐋᔭᒥᐎᓐ ᑲᑕ ᐅᒋᐸᓕᐤ ᑭᑐᓂᐙᒃ, ᒫᑲ ᐊᓂᒪ ᑳ ᒥᓨᔑᒃ ᐁ ᐃᑖᐸᑕᒃ ᑭᒋ ᑭᔅᑭᓄᐊᒫᑫᒪᑲᒃ, ᑭᒋ ᑮ ᒥᓗᑐᑖᑯᒋᒃ ᐊᓂᑭ ᑳ ᐯᑕᑭᒃ᙮

ᑯᓚᔑᔭᓇ 3:16

ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮

ᓂᔥᑕᒻ ᐱᑕᕐ 3:15

ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ: