ᑯᓚᔑᔭᓇ 3:5 - ᐅᔅᑭ ᑎᔅᑌᒥᓐᑦ

⁵ ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᑯᓚᔑᔭᓇ 3:5 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 15:19

ᐌᓴ ᒥᑌᐃᒃ ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᓂᐹᔨᐌᐎᓇ, ᒫᒪᐎᐃᑐᐎᓇ, ᐱᔑᒀᑎᓯᐎᓇ, ᑭᒧᑎᐎᓇ, ᑭᓛᔅᑭᐎᓐ, ᐹᔅᑕᒧᐎᓇ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:26

ᐁᐗᑯ ᐅᒋ ᒫᑲ ᑭᒋᒪᓂᑐ ᑮ ᐸᑭᑎᓀᐤ ᑭᒋ ᐎᓂᓯᐎ ᐸᑯᓭᓕᒧᓕᒋ: ᐊᐳᒋᑲ ᐅᑦ ᐃᔅᑴᒥᐗᐗ ᑮ ᐃᔑ ᑴᔅᑭᐊᐸᒋᑖᓕᐗ ᐃᑌ ᐁᑳ ᐁ ᐃᔑ ᓂᐃᐸᓕᓕᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:29

ᐁ ᑮ ᓵᑲᔅᑭᓀᔅᑳᑯᒋᒃ ᒥᓯᐌ ᒪᒑᑎᓯᐎᓂᓕᐤ, ᐱᔑᒀᑎᓯᐎᓂᓕᐤ, ᒪᒋᑣᐎᓂᓕᐤ, ᒧᔅᑌᓇᒫᑫᐎᓂᓕᐤ, ᑭᒧᒋᐸᒀᑎᑐᐎᓂᓕᐤ; ᐁ ᓵᑲᔅᑭᓀᔅᑳᑯᒋᒃ ᐅᑌᓕᑕᒧᐎᓂᓕᐤ, ᓂᐸᔨᐌᐎᓂᓕᐤ, ᑲᑴᔕᑯᒋᒥᑐᐎᓂᓕᐤ, ᑲᑳᔦᓕᓯᐎᓂᓕᐤ, ᒪᒉᓕᒥᐌᐎᓂᓕᐤ; ᐁ ᑭᒧᑐᐌᔅᑭᒋᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:23

ᒫᑲ ᓂ ᐙᐸᑌᓐ ᑯᑕᒃ ᐅᓚᔓᐌᐎᓐ ᓂ ᐸᔅᑫᓯᐎᓂᒃ, ᐁ ᓄᑎᓇᒧᒪᑲᒃ ᐊᓂᒪ ᐅᓚᔓᐌᐎᓐ ᑳ ᐃᑕᑾᒃ ᓂ ᒥᑐᓂᓕᒋᑲᓂᒃ, ᓀᔥᑕ ᐁ ᐯᔑᑯᔮᓐ ᑭᒋ ᐊᐗᑳᑎᑯᔮᓐ ᐊᓂᒪ ᒪᒋᑣᐎᓂ ᐅᓚᔓᐌᐎᐤ ᑳ ᐃᑕᑾᒃ ᓂ ᐸᔅᑫᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:5

ᐌᓴ ᒣᒀᒡ ᐎᔮᓯᐎᓂᒃ ᐁᑖᔭᒃ, ᒪᒋᑣᐎᓂ ᓱᑫᓕᑕᒧᐎᓇ, ᑳ ᐃᑕᑾᑭ ᐅᓚᔓᐌᐎᓐ ᐅᒋ, ᑮ ᐃᔑᒋᑫᒪᑲᓋ ᑭ ᐸᔅᑫᓯᐎᓂᓈᒃ ᑭᒋ ᓂᑕᐎᑭᑖᔨᒃ ᒥᓂᔕ ᓂᐱᐎᓂᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:13

ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮

ᓂᔥᑕᒻ ᑯᕆᓐᑎᐊᓇ 5:1

ᐃᑖᒋᒧᓋᓂᐗᓐ ᐁ ᐃᑕᑾᒃ ᐱᔑᒀᑎᓯᐎᓐ ᐃᑕ ᐁ ᐃᑖᔦᒃ, ᓀᔥᑕ ᑐᐎ ᐱᔑᒀᑎᓯᐎᓐ ᐁᑳ ᐃᔥᐱᔥ ᑳ ᐋᓕᒧᒋᑳᑌᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᐊᐌᓇ ᑭᒋ ᐋᔮᐄᒫᑦ ᐅᑖᐎᔭ ᐎᐎᓕᐗ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᓂᔥᑕᒻ ᑯᕆᓐᑎᐊᓇ 6:13

ᒥᒋᒪ ᒥᔅᑕᑖᔾ ᐅᒋ, ᓀᔥᑕ ᒥᔅᑕᑖᔾ ᒥᒋᒪ ᐅᒋ: ᒫᑲ ᑭᒋᒪᓂᑐ ᑖᐱᔅᑯᒡ ᑲᑕ ᓂᔑᐗᓈᒋᑕᐤ᙮ ᒥᔭᐤ ᒫᑲ ᓇᒪᐎᓚ ᑲᑕ ᐋᐸᒋᑖᓂᐗᓄᐸᓐ ᐱᔑᒀᑎᓯᐎᓂᒃ, ᒫᑲ ᑭᒋ ᐅᒋ ᐊᑑᔅᑫᔅᑕᐙᑲᓂᐎᑦ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓀᔥᑕ ᑭᒋ ᑎᐯᓕᑕᒃ ᒥᔭᐎᓕᐤ᙮

ᓂᔥᑕᒻ ᑯᕆᓐᑎᐊᓇ 6:18

ᐅᔑᑕᒧᒃ ᐱᔑᒀᑎᓯᐎᓐ, ᑕᑐ ᒪᒋᑐᑕᒧᐎᓐ ᐃᓕᓕᐤ ᑳ ᑐᑕᒃ ᐗᓚᐎᑎᒥᒃ ᐎᔭᐎᒃ ᐃᑐᑕᒻ; ᒫᑲ ᐊᓇ ᑳ ᑐᑕᒃ ᐱᔑᒀᑎᓯᐎᓂᓕᐤ ᒪᒋᑐᑕᒻ ᑎᐱᓚᐌ ᐎᔭᐤ᙮

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᐃᐱᓯᔭᓇ 4:19

ᐅᑯ, ᐁ ᑮ ᐳᓂ ᓂᓯᑐᒪᒋᐅᒋᒃ ᑮ ᐸᑭᑎᓂᑎᓱᐗᒃ ᐱᔑᒀᑎᓯᐎᓂᒃ, ᑭᒋ ᑐᑕᑭᒃ ᒥᓯᐌ ᐎᓂᓯᐎᓂᓕᐤ ᐁ ᐎᓴᓶᓕᒧᒋᒃ᙮

ᑯᓚᔑᔭᓇ 2:11

ᐊᓇ ᑭᓚᐗᐤ ᓀᔥᑕ ᑳ ᐅᒋ ᑭᔅᑭᓄᐙᒋᔓᑲᐎᔦᒃ ᐊᓂᒪ ᑭᔅᑭᓄᐙᒋᔓᐎᓐ ᐅᒋ ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁ ᐃᑲᑌᔅᑖᔦᒃ ᐁ ᐎᔭᐎᒪᑲᑭ ᐎᔮᓯᐎᓂ ᒪᒋᑣᐎᓇ, ᐅ ᑭᔅᑭᓄᐙᒋᔔᐃᓐ ᙭ ᐅᒋ:

ᓂᔥᑕᒻ ᑌᓴᓗᓂᔭᓇ 4:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮

ᓂᔥᑕᒻ ᑎᒧᑎ 6:10

ᐌᓴ ᐁ ᓵᑭᐊᑲᓂᐎᑦ ᔔᓕᐋᓐ ᐁᐗᑯ ᑳ ᐅᒉᐱᑭᐎᒃ ᒥᓯᐌ ᑳ ᒫᓚᑕᒃ: ᐊᓂᒪ ᒣᒀᒡ ᐋᑎᑦ ᐁ ᑮ ᒧᔅᑌᓇᑭᒃ, ᑮ ᐗᓂᔑᓋᒃ ᑖᐺᔦᓕᑕᒧᐎᓂᒃ ᐅᒋ, ᓀᔥᑕ ᑮ ᔖᐳᔅᑕᐅᓱᐗᒃ ᒥᒉᑦ ᒥᒋᓚᐌᓯᐎᓇ ᐅᒋ᙮

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᐦᐃᑉᕉᐗ 13:5

ᐁᑯᔑ ᑭᑦ ᐃᔑᐱᒫᑎᓯᐎᓂᐗᐤ ᐁᑳᐎᓚ ᒧᔅᑌᓇᒫᑫᐎᓐ ᑲᑕ ᐊᓯᒋᐸᓕᐤ; ᑌᐯᓕᑕᒧᒃ ᒫᑲ ᐊᓂᐃ ᐁ ᐃᔑ ᐋᔮᔦᒃ: ᐌᓴ ᑮ ᐃᑗᐤ, ᓇᒪᐎᔅᑳᑦ ᑭ ᑳ ᓇᑲᑎᑎᓐ, ᓇᒪᐎᔅᑳᑦ ᑭ ᑳ ᐌᐱᓂᑎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:1

ᑖᓐᑌ ᐌᒋᐸᓕᑭ ᓇᑐᐸᓕᐎᓇ ᓀᔥᑕ ᓄᑎᓂᑐᐎᓇ ᐃᑕ ᐁ ᐃᑖᔦᒃ; ᓇᒪ ᓈ ᐅᑕ ᐅᒋᐸᓕᐗ, ᑭ ᒪᒋ ᓇᑕᐌᓕᑕᒧᐎᓇ ᑳ ᓇᑐᐸᓕᑭ ᑮ ᐸᔅᑫᓯᐎᓂᐙᒃ?

ᓂᔥᑕᒻ ᐱᑕᕐ 2:11

ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮