ᑯᓚᔑᔭᓇ 3:25 - ᐅᔅᑭ ᑎᔅᑌᒥᓐᑦ

²⁵ ᒫᑲ ᐊᓇ ᑳ ᓈᔦᑕᐎᑐᑕᒃ ᑲᑕ ᑎᐸᐊᒪᐗᐤ ᑳ ᐃᔑ ᓈᔦᑕᐎᑐᑕᒧᑯᐸᓀ: ᓇᒪ ᓀᔥᑕ ᐹᐱᑐᔥ ᐃᑌᓕᒪᐗᒃ ᐃᓕᓕᐗᒃ᙮

ᑯᓚᔑᔭᓇ 3:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᓘᒃ 20:21

ᑮ ᑲᑴᒋᒣᐗᒃ ᒫᑲ, ᐁ ᐃᑗᒋᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᒀᔭᔉ ᐁ ᐃᑗᔭᓐ, ᓀᔥᑕ ᒀᔭᔉ ᐁ ᑭᔅᑭᓄᐊᒫᑫᔭᓐ, ᐁᑳ ᓀᔥᑕ ᐁ ᑭᔅᑌᓕᑕᒶᑦ ᐊᐌᓇ ᐅᑦ ᐃᔑᓈᑯᓯᐎᓐ, ᒫᑲ ᑖᐺᐎᓂᒃ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ;

ᐊᐸᔅᑕᓚᒃ 10:34

ᐁᑯ ᐱᑕᕋ ᑳ ᐋᐸᐊᒃ ᐅᑐᓐ, ᑮ ᐃᑗᐤ ᒫᑲ, ᑖᐺ ᐃᓴ ᓂ ᐙᐸᑌᓐ ᑭᒋᒪᓂᑐ ᐁᑳ ᐁ ᐹᐱᑐᔥ ᐃᑌᓕᒫᑦ ᐊᐌᓕᐗ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:11

ᐌᓴ ᑭᒋᒪᓂᑐ ᓇᒪᐎᓚ ᐹᐱᑐᔥ ᐃᑕᒋᒣᐤ ᐊᐌᓕᐗ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᐃᐱᓯᔭᓇ 6:8

ᐁ ᑭᔅᑫᓕᑕᒣᒃ ᐱᑯ ᑫᒀᓐ ᐁ ᒥᓨᔑᒃ ᐊᐌᓇ ᐃᓕᓕᐤ ᐁ ᑐᑕᒃ, ᐁᐗᑴᓕᐤ ᑫ ᒥᓕᑯᑦ ᐅᑎᐯᓕᒋᑫᐗ, ᐃᐊᐗᒀᓂᐎᑴ ᓀᔥᑕᐱᑯ ᑌᐯᓕᒥᑎᓱᑴ᙮

ᐃᐱᓯᔭᓇ 6:9

ᓀᔥᑕ, ᑭᓚᐗᐤ ᐅᑭᒫᑐᒃ, ᐁᑯ ᑖᐱᔅᑯᒡ ᐃᑐᑖᑯᒃ, ᐁ ᑆᔅᑕᐎ ᐊᔓᒥᐌᔦᒃ: ᐁ ᑭᔅᑫᓕᑕᒣᒃ ᑭᑦ ᐅᑭᒫᒥᐗᐤ ᓀᔥᑕ ᑭᒋᑭᔑᑯᒃ ᐁ ᐃᑖᑦ: ᐎᓚ ᓀᔥᑕ ᓇᒪᐎᓚ ᐹᐱᑐᔥ ᐃᑌᓕᒣᐤ ᐃᓕᓕᐗ᙮

ᑯᓚᔑᔭᓇ 4:1

ᐅᑭᒫᑐᒃ, ᒥᓕᑯᒃ ᑭᑦ ᐊᑑᔅᑫᓚᑲᓂᐗᐗᒃ, ᐊᓂᒪ ᑳ ᒀᔭᔅᑾᒃ ᓀᔥᑕ ᒥᓗᓈᑾᒃ; ᐁ ᑭᔅᑫᓕᑕᒣᒃ ᑭᓚᐗᐤ ᓀᔥᑕ ᐁ ᐅᑦ ᐅᑭᒫᒥᔦᒃ ᑭᒋᑭᔑᑯᒃ᙮

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᓂᔓ ᑌᓴᓗᓂᔭᓇ 1:6

ᐁ ᐙᐸᒋᑲᑌᒃ ᐁ ᒥᓜᓕᑕᒃ ᑭᒋᒪᓂᑐ ᐊᓕᒥᓯᐎᓂᓕᐤ ᑭᒋ ᑎᐸᐊᒪᐙᑦ ᐊᓂᐃ ᑳ ᒥᑯᔥᑳᒋᐃᑕᑾᒃ;

ᐹᐃᓕᒪᓐ 1:18

ᑮᔥᐱᓐ ᑳ ᓈᔦᑕᐙᑐᑖᔅᑴ, ᓀᔥᑕᐱᑯ ᑫᒀᓐ ᑳ ᒪᓯᓇᐃᑫᔅᑖᔅᑴ, ᐃᑕᔅᑖ ᓂᑦ ᐊᑖᐎᒪᓯᓇᐃᑲᓂᒃ:

ᐦᐃᑉᕉᐗ 2:2

ᐌᓴ ᑮᔥᐱᓐ ᐊᓂᒪ ᐊᔭᒥᐎᓐ ᑳ ᑮ ᐃᑗᒋᒃ ᐁᓐᒐᓚᒃ ᑮ ᒪᔥᑲᐗᔅᑌᒃ, ᓀᔥᑕ ᒥᓯᐌ ᑕᑐ ᐗᓂᑐᑕᒧᐎᓐ ᓀᔥᑕ ᔑᐱᑕᒧᐎᓐ ᑮ ᐅᑎᓇᒧᒪᑲᒃ ᑳ ᐃᔑ ᑲᔥᑭᑕᒫᓱᒪᑲᒃ ᑎᐸᐊᒫᑫᐎᓐ;

ᓂᔥᑕᒻ ᐱᑕᕐ 1:17

ᑮᔥᐱᓐ ᒫᑲ ᓈᓇᑕᒣᑴ ᐌᐅᑕᐎᒪᐎᑦ, ᐊᓇ ᐁᑳ ᐹᐱᑐᔥ ᑳ ᐃᑌᓕᒫᑦ ᐃᓕᓕᐗ ᑳ ᑎᐹᔅᑯᓇᒸᑦ ᐁ ᐃᔑᓈᑾᓂᓕᒃ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᒣᒀᒡ ᐅᑕ ᐁ ᑕᔑᑫᔦᒃ ᐱᒫᑎᓰᒃ ᓇᓂᒋᐎᓂᒃ:

ᒎᑦ 1:16

ᐅᑯ ᐁᐗᒀᓂᑭ ᐅᒥᑕᐌᔅᑲᒃ, ᐅᑕᑖᒥᒥᐌᔅᑲᒃ, ᐁ ᓄᔅᐱᓇᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ; ᐅᑐᓂᐗᐗ ᒫᑲ ᐋᔭᒥᒪᑲᓂᓕᐗ ᑭᒋ ᑭᔅᑌᓕᒧᐎ ᐋᔭᒥᐎᓇ, ᐁ ᒥᓨᐸᒫᒋᒃ ᐃᓕᓕᐗ ᐁ ᐃᔑᓈᑯᓯᓕᒋ ᑭᒋ ᐅᒋ ᐅᑎᓯᒋᒃ᙮