ᑯᓚᔑᔭᓇ 3:17 - ᐅᔅᑭ ᑎᔅᑌᒥᓐᑦ

¹⁷ ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᑯᓚᔑᔭᓇ 3:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐊᐸᔅᑕᓚᒃ 19:17

ᐅᒣᓕᐤ ᒫᑲ ᑮ ᑭᔅᑫᓕᑕᒶᒃ ᒥᓯᐌ ᐊᓂᑭ ᒎᐗᒃ ᓀᔥᑕ ᒃᕆᑲᒃ ᐊᓯᒋ ᑳ ᑖᔑᑫᒋᒃ ᐃᐱᓴᓯᒃ; ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐁ ᐃᑕᓯᒋᒃ, ᓀᔥᑕ ᐅᑦ ᐃᔑᓂᑲᓱᐎᓐ ᐅᑎᐯᓕᒋᑫᐤ ᒋᓴᔅ ᑮ ᑭᔅᑌᓕᑕᑯᑕᓂᐗᓂᓕᐤ᙮

ᐊᐸᔅᑕᓚᒃ 4:30

ᐁ ᔓᐎᓂᔅᑫᓕᔭᓐ ᑭᒋ ᒥᓇᐙᒋᐃᐌᔭᓐ; ᑭᔅᑭᓄᐗᒋᒋᑲᓇ ᒫᑲ ᓀᔥᑕ ᒫᒪᑖᐎ ᐙᐸᑎᓕᐌᐎᓇ ᑭᒋ ᑮ ᑑᒋᑳᑌᑭ ᐅᑦ ᐃᔑᓂᑳᓱᐎᓐ ᐅᒋ ᑭ ᐸᓓᑭ ᐊᐙᔑᔑᒻ ᒋᓴᔅ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:8

ᓂᔥᑕᒻ, ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᐎᓚ ᐅᒋ ᒋᓴᔅ ᙭ ᒥᓯᐌ ᑳ ᐃᑕᔑᔦᒃ ᐅᒋ, ᑭ ᑖᐺᔦᓕᑕᒧᐎᓂᐗᐤ ᐁ ᐋᓕᒧᒋᑳᑌᒃ ᒥᓯᐌ ᐊᔅᑮᒃ᙮

ᓂᔥᑕᒻ ᑯᕆᓐᑎᐊᓇ 10:31

ᑮᔥᐱᓐ ᒫᑲ ᒥᒋᓱᔦᑴ, ᓀᔥᑕᐱᑯ ᒥᓂᑴᔦᑴ, ᓀᔥᑕᐱᑯ ᑯᑕᒃ ᑫᒀᓐ ᑐᑕᒣᑴ, ᒥᓯᐌ ᐃᑐᑕᒧᒃ ᑭᒋ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ᙮

ᐃᐱᓯᔭᓇ 1:17

ᐅ ᑭᒋᒪᓂᑐᒪ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᐅᑖᐎᒥᑯᑦ ᑭᔅᑌᓕᑖᑯᓯᐎᓂᓕᐤ, ᑭᒋ ᒥᓕᑕᒃ ᑲᑫᑕᐌᓕᑕᒧᐎᓂ ᓀᔥᑕ ᑭᔅᑌᓕᑖᑯᑖᑫᐎᓂ ᐊᒑᑾ ᑭᒋ ᑭᔅᑫᓕᒣᒃ:

ᐃᐱᓯᔭᓇ 5:20

ᒧᔕᒃ ᒥᓯᐌ ᑫᒀᓇ ᐁ ᐅᒋ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 2:11

ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᑯᓚᔑᔭᓇ 1:12

ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᑯᓚᔑᔭᓇ 2:7

ᐎᓚ ᐃᔑ ᐁ ᐅᒉᐱᑭᐎᔦᒃ ᓀᔥᑕ ᐁ ᐋᔨᒋᑳᐸᐎᔦᒃ, ᐁ ᒪᔥᑳᐎᑳᐸᐎᔦᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᐊᒫᑲᐎᔦᒃ, ᐁᑯᑕ ᐁ ᒥᔕᑭᓯᔦᒃ ᐁ ᓇᓈᔅᑯᒧᔦᒃ ᓀᔥᑕ᙮

ᑯᓚᔑᔭᓇ 3:15

ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᑯᓚᔑᔭᓇ 3:23

ᑫᒀᓐ ᒫᑲ ᑫ ᑐᑕᒣᑴ, ᑭᑌᐃᐙᒃ ᐅᒋ ᑐᑕᒧᒃ, ᑖᐱᔅᑯᒡ ᐅᑎᐯᓕᒋᑫᐤ ᐁ ᑐᑕᒪᐌᒃ, ᓇᒪᐎᓚ ᒫᑲ ᐃᓕᓕᐗᒃ ᐱᑯ;

ᓂᔥᑕᒻ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᓈᒃ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒲᐎᓐ, ᑭᒋᒪᓂᑐ ᐅᒋ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔥᑕᒻ ᑌᓴᓗᓂᔭᓇ 5:18

ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮

ᐦᐃᑉᕉᐗ 1:5

ᐌᓴ ᑫᑯ ᐁᓐᒐᓚ ᐎᔅᑳᑦ ᑳ ᐃᑖᑦ, ᑭᓚ, ᓂᑯᓯᔅ, ᐊᓄᒡ ᐁ ᑭᔑᑳᒃ ᑯᑯᓯᓯᒥᑎᓐ? ᒥᓇ ᒫᑲ, ᓂ ᑳ ᐅᑖᐎᒥᒃ, ᐎᓚ ᓀᔥᑕ ᓂ ᑳ ᐅᑯᓯᓯᒪᐤ?

ᐦᐃᑉᕉᐗ 13:15

ᐎᓚ ᐅᒋ ᒫᑲ ᐁᑯᔑ ᐸᑭᑎᓂᑫᔅᑖᑕᐤ ᑭᒋᒪᓂᑐ ᒫᒥᒋᒥᐌᐎ ᓵᓵᑭᐎᓕᐌᐎᓐ ᒧᔕᒃ, ᐁᐗᑯ, ᑳ ᐅᒋᐸᓕᒃ ᑭᑐᓂᓈᒃ, ᐁ ᓇᓈᔅᑯᑕᒶᒃ ᐅᑦ ᐃᔑᓂᑳᓱᐎᓐ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᒑᓐ 2:23

ᐊᐌᓇ ᐃᐋᓉᑕᐙᑴ ᐅᑯᓯᓯᒪᐗ, ᐁᐗᑯ ᓇᒪᐎᓚ ᐋᔭᐌᐤ ᐅᑖᐎᒪᐗ: ᒫᑲ ᐊᓇ ᑳ ᐙᐎᑕᒫᑫᑦ ᐅᑯᓯᓯᒪᐗ, ᐊᔭᐌᐤ ᐅᑖᐎᒪᐗ ᐊᓯᒋ᙮

ᓂᔥᑕᒻ ᒑᓐ 3:18

ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮