ᑯᓚᔑᔭᓇ 3:15 - ᐅᔅᑭ ᑎᔅᑌᒥᓐᑦ

¹⁵ ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᑯᓚᔑᔭᓇ 3:15 ပူးပေါင်းရင်းမြစ်များ

ᐅᐸᓓᑭᔅ ᒑᓐ 14:27

ᑳᔮᒣᓕᑕᒧᐎᓐ ᑭ ᓇᑲᑕᒫᑎᓇᐗᐤ, ᓂ ᑳᔮᒣᓕᑕᒧᐎᓐ ᑭ ᒥᓕᑎᓇᐗᐤ: ᓇᒪᐎᓚ ᑖᐱᔅᑯᒡ ᐊᔅᑭ ᑳ ᐃᔑ ᒥᓕᐌᒪᑲᒃ, ᑭᑦ ᐃᔑ ᒥᓕᑎᓂᐗᐤ᙮ ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ, ᐁᑳᐎᓚ ᓀᔥᑕ ᑲᑕ ᑯᔅᑖᒋᒪᑲᓐ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:21

ᐌᓴ ᐃᔅᐱ ᑫᔅᑫᓕᒫᒋᒃ ᑭᒋᒪᓂᑐᐗ, ᓇᒪᐎᓚ ᑖᐱᔅᑯᒡ ᑭᒋᒪᓂᑐ ᑮ ᐃᔑ ᑭᔅᑌᓕᑖᑯᐁᐗᒃ, ᓇᒪ ᓀᔥᑕ ᑮ ᓇᓈᔅᑯᒧᐗᒃ; ᒫᑲ ᐸᑾᓐᑕᐤ ᑮ ᐊᑎ ᐃᑎᐗᒃ ᐅ ᒥᑐᓀᓕᒋᑲᓂᐙᒃ, ᓀᔥᑕ ᐅ ᑲᑫᐹᒋᑌᐃᐗᐤ ᑮ ᐗᓂᑎᐱᔅᑳᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:1

ᐁᐗᑯ ᐅᒋ ᒫᑲ ᑖᐺᔦᓕᑕᒧᐎᓐ ᐁ ᑮ ᐅᒋ ᒀᔭᔅᑭᑖᑎᓯᐃᑲᐎᔭᒃ, ᑳᔮᒣᓕᑕᒧᐎᓐ ᑭᑦ ᐋᔮᓈᓇᐤ ᑭᒋᒪᓂᑐ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ:

ᓂᔥᑕᒻ ᑯᕆᓐᑎᐊᓇ 10:17

ᐌᓴ ᑭᓚᓈᓇᐤ ᐁ ᒥᒉᑎᔭᒃ ᑮ ᐯᔭᑯ ᐊᓚᑯᓇᐎᓈᓇᐤ, ᓀᔥᑕ ᑮ ᐯᔭᑯ ᒥᔭᐎᓈᓇᐤ: ᐌᓴ ᒥᓯᐌ ᐁ ᐃᑕᔑᔭᒃ ᑮ ᒫᒪᐎ ᐅᑎᓈᓇᐤ ᐊᓇ ᑳ ᐯᔭᑯᑦ ᐊᓚᑯᓇᐤ᙮

ᓂᔥᑕᒻ ᑯᕆᓐᑎᐊᓇ 7:15

ᒫᑲ ᑮᔥᐱᓐ ᐊᓇ ᐁᑳ ᑳ ᑖᐺᔦᓕᑕᒃ ᑭᑐᑌᑌ, ᐁᑯᔑ ᑲᑕ ᑭᑐᑌᐤ᙮ ᐎᒋᔖᓂᒪᐤ ᓀᔥᑕᐱᑯ ᐎᒋᔖᓂᔅᑴᒥᒪᐤ ᓇᒪᐎᓚ ᒥᒋᒥᓂᑯᐎᓯᐤ ᐅᒪ ᐁ ᐃᑭᒃ; ᒫᑲ ᑭᒋᒪᓂᑐ ᑭ ᑮ ᓇᑐᒥᑯᓇᐤ ᑳᔮᒣᓕᑕᒧᐎᓂᒃ ᐃᔑ᙮

ᓂᔓ ᑯᕆᓐᑎᐊᓇ 4:15

ᐌᓴ ᒥᓯᐌ ᑫᒀᓇ ᑭᓚᐗᐤ ᐅᒋ ᐃᑭᓋ, ᐊᓂᒪ ᐁ ᒥᒉᑎᒃ ᔕᐌᓕᒋᑫᐎᓐ, ᐅ ᓇᓈᔅᑯᒧᐎᓂᐗᐤ ᐁ ᒥᒉᑎᒋᒃ ᐅᒋ, ᑭᒋ ᐃᔅᐸᓕᓕᒃ ᑭᒋ ᐅᒋ ᑭᔅᑌᓕᑖᑯᐋᑲᓂᐎᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 9:11

ᐁ ᒥᔕᑭᐃᑲᐎᔦᒃ ᒥᓯᐌ ᑫᒀᓇ ᒥᓯᐌ ᒥᓕᐌᐎᓯᐎᓂᒃ, ᑳ ᐅᒋ ᓂᓚᓈᓐ ᓈᓈᔅᑯᒧᔅᑕᐗᑭᑦ ᑭᒋᒪᓂᑐ᙮

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᐃᐱᓯᔭᓇ 4:4

ᐯᔭᑾᓐ ᒥᔭᐤ, ᓀᔥᑕ ᐯᔭᑯ ᐊᒑᒃ, ᑖᐱᔅᑯᒡ ᐁ ᐃᔑ ᓇᑐᒥᑲᐎᔦᒃ ᑭᒋ ᐯᔭᑯ ᐊᔅᐯᓕᒧᔦᒃ ᑭ ᓇᑐᒥᑯᓯᐎᓂᐙᒃ;

ᐃᐱᓯᔭᓇ 5:1

ᐁᐗᑯ ᐅᒋ ᒫᑲ ᓇᔅᐱᑖᒃ ᑭᒋᒪᓂᑐ, ᑖᐱᔅᑯᒡ ᐁ ᓵᑭᐋᑲᓂᐎᒋᒃ ᐊᐙᔑᔕᒃ:

ᐃᐱᓯᔭᓇ 5:20

ᒧᔕᒃ ᒥᓯᐌ ᑫᒀᓇ ᐁ ᐅᒋ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᑯᓚᔑᔭᓇ 1:12

ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:

ᑯᓚᔑᔭᓇ 2:7

ᐎᓚ ᐃᔑ ᐁ ᐅᒉᐱᑭᐎᔦᒃ ᓀᔥᑕ ᐁ ᐋᔨᒋᑳᐸᐎᔦᒃ, ᐁ ᒪᔥᑳᐎᑳᐸᐎᔦᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᐊᒫᑲᐎᔦᒃ, ᐁᑯᑕ ᐁ ᒥᔕᑭᓯᔦᒃ ᐁ ᓇᓈᔅᑯᒧᔦᒃ ᓀᔥᑕ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᓂᔥᑕᒻ ᑌᓴᓗᓂᔭᓇ 5:18

ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮

ᓂᔥᑕᒻ ᑎᒧᑎ 2:1

ᐁᐗᑯ ᒫᑲ ᐅᒋ ᒪᐗᒋ ᓃᔥᑕᒻ ᓂ ᔑᑭᑫᒧᓐ, ᓇᑐᑕᒫᑫᐎᓇ, ᐋᔭᒥᐋᐎᓇ, ᐋᔭᒥᐁᔅᑕᒫᑫᐎᓇ ᓀᔥᑕ ᓇᓈᔅᑯᒧᐎᓇ ᑭᒋ ᐅᔑᑕᒫᒋᒃ ᒥᓯᐌ ᐃᓕᓕᐗᒃ;

ᓂᔥᑕᒻ ᑎᒧᑎ 6:12

ᓄᑎᓂᑫ ᒥᓗ ᑖᐺᔦᓕᑕᒧᐎᓂ ᓄᑎᓂᑫᐎᓐ, ᒥᒋᒥᓇ ᑲᑭᑫ ᐱᒫᑎᓯᐎᓐ, ᐃᑕ ᑳ ᑮ ᐃᔑ ᓇᑐᒥᑲᐎᔭᓐ, ᓀᔥᑕ ᐁ ᑮ ᐎᑕᒪᓐ ᒥᓗ ᐎᑕᒫᑫᐎᓐ ᐅᑎᔥᑲᐤ ᒥᒉᑦ ᐅᑎᐹᒋᒧᐗᒃ᙮

ᐦᐃᑉᕉᐗ 13:15

ᐎᓚ ᐅᒋ ᒫᑲ ᐁᑯᔑ ᐸᑭᑎᓂᑫᔅᑖᑕᐤ ᑭᒋᒪᓂᑐ ᒫᒥᒋᒥᐌᐎ ᓵᓵᑭᐎᓕᐌᐎᓐ ᒧᔕᒃ, ᐁᐗᑯ, ᑳ ᐅᒋᐸᓕᒃ ᑭᑐᓂᓈᒃ, ᐁ ᓇᓈᔅᑯᑕᒶᒃ ᐅᑦ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 7:12

ᐁ ᐃᑗᒋᒃ, ᐁᒣᓐ: ᒫᒥᒋᒥᑯᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᑫᑕᐌᓕᑕᒧᐎᓐ, ᓀᔥᑕ ᓈᓈᔅᑯᒥᑯᓯᐎᓐ, ᓀᔥᑕ ᑭᔅᑖᒋᒥᓯᑯᐎᓐ, ᓀᔥᑕ ᑳᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᑲᑕ ᐎ ᐋᔭᐤ ᓂ ᑭᒋᒪᓂᑐᒥᓇᓐ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮