ᑯᓚᔑᔭᓇ 3:14 - ᐅᔅᑭ ᑎᔅᑌᒥᓐᑦ

¹⁴ ᐗᔅᑭᒡ ᒫᑲ ᒥᓯᐌ ᐅᐅ ᐳᔅᑎᔥᑲᒧᒃ ᓵᑭᐃᐌᐎᓐ, ᑳ ᒫᒪᐗᐱᑕᒧᒪᑲᒃ ᒥᑐᓂ ᐎᓯᐎᓐ᙮

ᑯᓚᔑᔭᓇ 3:14 ပူးပေါင်းရင်းမြစ်များ

ᐅᐸᓓᑭᔅ ᒑᓐ 13:34

ᐅᔥᑭ ᑲᑫᔅᑴᐎᓐ ᑭ ᒥᓕᑎᓇᐗᐤ, ᑭᒋ ᓵᑭᐃᑐᔦᒃ; ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ, ᑭᓚᐗᐤ ᓀᔥᑕ ᑭᒋ ᐃᔑ ᓵᑭᐃᑐᔦᒃ᙮

ᐅᐸᓓᑭᔅ ᒑᓐ 15:12

ᐁᐗᑯ ᐅᒪ ᓂ ᑲᑫᔅᑴᐎᓐ, ᑭᒋ ᓵᑭᐃᑐᔦᒃ, ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ᙮

ᐅᐸᓓᑭᔅ ᒑᓐ 17:23

ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:8

ᐁᑳᐎᓚ ᑫᒀᓕᐤ ᒪᓯᓇᐃᑫᐧᒃ ᐊᐌᓇ, ᐱᑯ ᑭᒋ ᓵᑭᐃᑐᔦᒃ: ᐌᓴ ᐊᓇ ᑳ ᓵᑭᐋᑦ ᑯᑕᑭᔭ ᑮ ᑎᐱᑐᑕᒻ ᐅᓚᔓᐌᐎᓂᓕᐤ᙮

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᐃᐱᓯᔭᓇ 4:3

ᐁ ᓇᒋᑖᔦᒃ ᑭᒋ ᑲᓇᐌᓕᑕᒬᒃ ᐊᒑᒃ ᐅ ᐯᔭᑯᐎᓐ, ᐁ ᒫᒪᐗᐱᑎᑯᔦᒃ ᑳᔮᒣᓕᑕᒧᐎᓐ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᓂᔥᑕᒻ ᑌᓴᓗᓂᔭᓇ 4:9

ᒫᑲ ᐁ ᐃᑖᒋᒧᓈᓂᐗᒃ ᐎᒋᔖᓂᒪᐎ ᓵᑭᐃᑐᐎᓐ ᓇᒪᐎᓚ ᑭ ᓇᑕᐌᓕᑌᓇᐗᐤ ᑭᒋ ᒪᓯᓈᐊᒫᑕᑾᒃ: ᐌᓴ ᑭᓚᐗᐤ ᑫᒋᐙᒃ ᑭ ᑭᔅᑭᓄᐊᒫᑯᐗᐤ ᑭᒋᒪᓂᑐ ᑭᒋ ᓵᑭᐃᑐᔦᒃ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔓ ᐱᑕᕐ 1:7

ᓀᔥᑕ ᒪᓂᑐᐙᑎᓯᐎᓂᒃ ᐎᒋᔖᓂᑐᐎ ᑭᔐᐙᑎᓯᐎᓐ; ᓀᔥᑕ ᐎᒋᔖᓂᑐᐎ ᑭᔐᐙᑎᓯᐎᓂᒃ ᓵᑭᐃᐌᐎᓐ᙮

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 4:21

ᐅᒪ ᑲᑫᔅᑴᐎᓐ ᒫᑲ ᑭ ᑮ ᒥᓕᑯᓇᐤ, ᐊᓇ ᑳ ᓵᑭᐋᑦ ᑭᒋᒪᓂᑐᐗ ᐎᒋᔖᓇ ᐊᓯᒋ ᑭᒋ ᓵᑭᐋᑦ᙮