ᑯᓚᔑᔭᓇ 3:13 - ᐅᔅᑭ ᑎᔅᑌᒥᓐᑦ

¹³ ᐁ ᔑᐱᓚᐌᓯᔅᑖᑐᔦᒃ, ᓀᔥᑕ ᐁ ᐌᐯᓕᑕᒫᑐᔦᒃ, ᑮᔥᐱᓐ ᐊᐌᓇ ᐃᑌᓕᑕᒃ ᐁ ᒪᒋᑐᑖᑯᑦ ᐊᐌᓕᐗ: ᑖᐱᔅᑯᒡ ᐁ ᑮ ᐌᐯᓕᑕᒫᑖᒃ ᙭, ᐁᑯ ᑖᐱᔅᑯᒡ ᑐᑕᒧᒃ᙮

ᑯᓚᔑᔭᓇ 3:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:44

ᒫᑲ ᓂᓚ ᑭᑦ ᐃᑎᓇᐗᐤ, ᓵᑭᐃᑯᒃ ᐊᓂᑭ ᑳ ᐸᒀᑎᑖᑾᒃ, ᒥᓦᑭᒥᑯᒃ ᐊᓂᑭ ᑳ ᒪᒐᑭᒥᑖᑾᒃ, ᒥᓗᑐᑖᑯᒃ ᐊᓂᑭ ᑳ ᐗᑳᑎᑖᑾᒃ, ᓀᔥᑕ ᐋᔭᒥᐁᔅᑕᒫᑯᒃ ᐊᓂᑭ ᑳ ᓇᓀᑳᒋᐃᑖᑾᒃ ᓀᔥᑕ ᑲᒀᑕᑭᐃᑖᑾᒃ;

ᐅᐸᓓᑭᔅ ᒫᑎᐤ 6:12

ᐌᐯᓕᑕᒪᐎᓈᓐ ᒫᑲ ᓂ ᒪᓯᓇᐃᑲᓂᓈᓇ, ᐁ ᐃᔑ ᐌᐯᓕᑕᒪᐗᑭᒋᒃ ᐊᓂᑭ ᑳ ᒪᓯᓇᐃᑫᑐᑕᐎᔭᒥᒋᒃ᙮

ᐅᐸᓓᑭᔅ ᒫᕐᒃ 11:25

ᐃᔅᐱ ᒫᑲ ᓂᐃᐹᐎᔦᑯ ᐁ ᐋᔭᒥᐋᔦᒃ, ᐌᐯᓕᑕᒫᑫᒃ ᑮᔥᐱᓐ ᐊᐌᓇ ᐙᔦᔥ ᓈᔦᑕᐌᓕᒣᒃ; ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑭᒋ ᐌᐯᓕᑕᒫᑖᒃ ᑮ ᐗᓂᑎᐎᓂᐙᐗ᙮

ᐅᐸᓓᑭᔅ ᓘᒃ 11:4

ᐌᐯᓕᑕᒪᐎᓈᓐ ᒫᑲ ᓂ ᒪᒋᑐᑕᒧᐎᓂᓈᓇ; ᐌᓴ ᓂᓚᓈᓐ ᓀᔥᑕ ᓂ ᐌᐯᓕᑕᒪᐙᓈᓐ ᒥᓯᐌ ᑕᑐ ᐊᐌᓇ ᑳ ᒪᓯᓇᐃᑫᑐᑕᐎᔭᒥᑦ᙮ ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ᙮

ᐅᐸᓓᑭᔅ ᓘᒃ 23:34

ᐁᑯ ᐁᑗᑦ ᒋᓴᔅ, ᓄᑖ, ᐌᐯᓕᑕᒪᐎᒃ; ᐌᓴ ᓇᒪᐎᓚ ᑭᔅᑫᓕᑕᒶᒃ ᑫᒀᓕᐤ ᑳ ᑐᑕᑭᒃ᙮ ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᓕᐗ ᓀᔥᑕ ᑮ ᒪᐃᑲᓈᑎᑯᑫᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:7

ᐁᐗᑯ ᐅᒋ ᒣᒦᔅᑯᒡ ᐅᑎᓂᑐᒃ, ᑖᐱᔅᑯᒡ ᙭ ᓀᔥᑕ ᑳ ᑮ ᐅᑎᓂᑕᒃ ᑭᒋ ᐅᒋ ᑭᔅᑖᒋᒫᑲᓂᐎᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 2:10

ᐊᓇ ᐙᔦᔥ ᑳ ᐌᐯᓕᑕᒧᐌᒃ, ᓂᓚ ᓀᔥᑕ ᓂ ᐌᐯᓕᑕᒧᐗᐤ: ᐌᓴ ᑮᔥᐱᓐ ᐙᔦᔥ ᐎᐁᐯᓕᑕᒫᑫᔮᓂ, ᐊᓇ ᑳ ᐌᐯᓕᑕᒧᐗᒃ, ᑭᓚᐗᐤ ᐅᒋ ᓂ ᑮ ᐌᐯᓕᑌᓐ, ᐅᑎᔥᑲᐤ ᙭ᑕ;

ᓂᔓ ᑯᕆᓐᑎᐊᓇ 6:6

ᐸᓓᑭᓯᐎᓂᒃ, ᑭᔅᑫᓕᑕᒧᐎᓂᒃ, ᓴᓯᐯᓕᑕᒧᐎᓂᒃ, ᑭᔐᐙᑎᓯᐎᓂᒃ, ᐸᓓᑭ ᐊᒑᒃ ᐅᒋ, ᑖᐺ ᓵᑭᐃᐌᐎᓂᒃ,

ᑲᓓᔕᐊᓇ 6:2

ᓇᔭᑕᒫᑐᒃ ᒣᒥᔅᑯᒡ ᑭ ᓇᔭᒋᑲᓂᐗᐗ, ᐁᑯ ᑫ ᐃᔑ ᑎᐱᑐᑕᒬᒃ ᐅᑦ ᐅᓚᔓᐌᐎᓐ ᙭᙮

ᐃᐱᓯᔭᓇ 4:2

ᒥᓯᐌ ᑕᐸᑌᓕᒧᐎᓂᒃ ᓀᔥᑕ ᓗᔅᐹᑎᓯᐎᓂᒃ, ᔑᐱᓚᐌᓯᐎᓂᒃ, ᐁ ᔑᐱᓚᐗᓰᔅᑖᑐᔦᒃ ᓵᑭᐃᐌᐎᓂᒃ;

ᐃᐱᓯᔭᓇ 4:32

ᓀᔥᑕ ᒫᑲ ᑭᔐᐙᑐᑖᑐᒃ, ᐁ ᔕᐎᑌᐁᔦᒃ, ᐁ ᐌᐯᓕᑕᒫᑐᔦᒃ, ᑖᐱᔅᑯᒡ ᑭᒋᒪᓂᑐ ᙭ ᐅᒋ ᐁ ᑮ ᐌᐯᓕᑕᒫᑖᒃ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᑯᓚᔑᔭᓇ 3:12

ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:13

ᐌᓴ ᐎᓚ ᑲᑕ ᐋᔭᐤ ᑎᐹᔅᑯᓂᑯᓯᐎᓂᓕᐤ ᐁᑳ ᐁ ᐊᓯᒋᐸᓕᓕᒃ ᔕᐌᓕᒋᑫᐎᓂᓕᐤ, ᐁᑳ ᑳ ᑮ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ; ᔕᐌᓕᒋᑫᐎᓐ ᒫᑲ ᒥᓚᐙᑕᒧᒪᑲᓐ ᐁ ᔖᑯᒋᑳᑌᒃ ᑎᐹᔅᑯᓂᑫᐎᓐ᙮

ᓂᔥᑕᒻ ᐱᑕᕐ 2:21

ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ: