ᑯᓚᔑᔭᓇ 3:11 - ᐅᔅᑭ ᑎᔅᑌᒥᓐᑦ

¹¹ ᐃᑕ ᐁᑳ ᐁ ᐃᑖᑦ ᒃᕆᒃ, ᐁᑳ ᓀᔥᑕ ᒎ, ᑭᔅᑭᓄᐙᒋᔓᐎᓐ, ᓇᒪ ᓀᔥᑕ ᓇᒪᑭᔅᑭᓄᐗᒋᔓᐎᓐ, ᐹᕐᐯᕆᔭᓐ, ᓯᑎᔭᓐ, ᐊᐗᑳᓐ, ᓇᒪ ᓀᔥᑕ ᑳ ᑎᐯᓕᒥᑎᓱᑦ: ᒫᑲ ᙭ ᒥᓯᐌ ᐁ ᑎᐯᓕᒫᑦ, ᓀᔥᑕ ᒥᓯᐌ ᐁ ᐱᒋᔅᑲᐙᑦ᙮

ᑯᓚᔑᔭᓇ 3:11 ပူးပေါင်းရင်းမြစ်များ

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 15:5

ᓂᓚ ᐁᐗᑯ ᔓᒥᓈᑎᒃ, ᑭᓚᐗᐤ ᒫᑲ ᐗᑎᑾᓇ: ᐊᓇ ᑳ ᐱᒋᔅᑲᐎᑦ, ᓀᔥᑕ ᓂᓚ ᑳ ᐱᒋᔅᑲᐗᒃ ᐁᐗᑯ ᑳ ᓂᑕᐎᑭᑖᑦ ᒥᒉᑦ ᒥᓂᔕ: ᐌᓴ ᐁᑳ ᐁ ᐱᒋᔅᑲᐎᔦᒃ ᓇᒪᐎᓚ ᑫᒀᓐ ᑭ ᑳ ᑮ ᑐᑌᓇᐗᐤ᙮

ᐅᐸᓓᑭᔅ ᒑᓐ 17:23

ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐊᐸᔅᑕᓚᒃ 15:17

ᐊᓂᑭ ᐃᓕᓕᐗᒃ ᑳ ᑮ ᐃᔥᑯᐸᓕᒋᒃ ᑭᒋ ᑮ ᓇᓈᑐᓇᐗᒋᐤ ᐅᑎᐯᓕᒋᑫᐗ, ᓀᔥᑕ ᒥᓯᐌ ᐊᓂᑭ ᒉᓐᑖᐃᓚᒃ ᑳ ᐃᔑᓂᑳᑖᑲᓂᐎᒋᒃ ᐁ ᐃᔑᓂᑳᓱᔮᓐ, ᐃᑗᐤ ᐅᑎᐯᓕᒋᑫᐤ, ᐊᓇ ᑳ ᑐᑕᒃ ᒥᓯᐌ ᐅᐅ ᑫᒀᓇ᙮

ᐊᐸᔅᑕᓚᒃ 28:2

ᒫᓐᑌᐗᒃ ᒫᑲ ᓈᔅᐱᒡ ᓂ ᑮ ᑭᔐᐙᑐᑖᑯᓈᓇᒃ: ᐌᓴ ᑮ ᑰᑕᐌᐗᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᓂ ᑮ ᐱᑐᑲᐃᑯᓈᓇᒃ, ᐌᓴ ᑮ ᑭᒥᐗᓐ ᓀᔥᑕ ᑮ ᑕᑳᔭᐤ᙮

ᐊᐸᔅᑕᓚᒃ 28:4

ᐃᔅᐱ ᒫᑲ ᒫᓐᑌᐗᒃ ᐎᐋᐸᒫᒋᒃ ᐱᒋᐳᓕᐌᐎ ᑭᓀᐱᑾ ᐁ ᐊᑾᒧᓕᒋ ᐅᒋᒋᓕᒃ, ᑮ ᐃᑎᑐᐗᒃ, ᑭᔅᑎᓈᒡ ᐊᐗ ᐃᓕᓕᐤ ᐅᓂᐹᔨᐌᔅᑭᐤ, ᐊᓇ ᐋᑕ ᑭᒋᑲᒥᒃ ᐁ ᑮ ᐅᒋ ᐱᒫᒋᐅᑦ, ᐁᓕᐌᒃ ᒫᑲ ᐋᔅᑯᒋᐃᐌᐎᓂᓕᐤ ᓇᒪᐎᓚ ᐃᓕᓈᑯ ᑭᒋ ᐱᒫᑎᓰᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:14

ᓂ ᑮ ᒪᓯᓇᐃᑫᔅᑕᐗᐗᒃ ᒫᒪᐤ ᐊᓂᑭ ᒃᕆᑲᒃ, ᓀᔥᑕ ᐹᕐᐯᕆᔮᓇᒃ; ᑖᐱᔅᑯᒡ ᐃᔑ ᐊᓂᑭ ᑳ ᑲᑫᑕᐌᓕᑕᑭᒃ ᓀᔥᑕ ᐊᓂᑭ ᐁᑳ ᑳ ᑲᑫᑕᐌᓕᑕᑭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:12

ᐌᓴ ᓇᒪᐎᓚ ᐋᔭᒡ ᐃᑌᓕᑖᑯᓯᐤ ᐊᐌᓇ ᑳ ᒎᐎᑦ ᓀᔥᑕ ᐊᐌᓇ ᑳ ᒃᕆᑭᐎᑦ; ᐌᓴ ᐊᓇ ᑫᔮᐸᒡ ᑳ ᑎᐯᓕᒫᑦ ᒥᓯᐌ ᒥᔕᑭᐁᐤ ᒥᓯᐌ ᐊᓂᐃ ᑳ ᓈᓈᑐᒥᑯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:22

ᐋᐳᒋᑲ ᐅᒀᔭᔅᑭᑖᑎᓯᐎᓐ ᑭᒋᒪᓂᑐ ᐁ ᑖᐺᔦᓕᒫᑲᓂᐎᑦ ᒋᓴᔅ ᙭ ᒥᓯᐌ ᑫ ᐋᔮᒋᒃ ᓀᔥᑕ ᑫ ᓛᔑᐸᓕᔅᑖᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᐌᓴ ᓇᒪᐎᓚ ᐊᐌᓇ ᐱᑐᔐᓕᒪᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:29

ᐅ ᑭᒋᒪᓂᑐᒥᒥᑯ ᓈ ᒎᐗ ᐱᑯ? ᓇᒪ ᓈ ᓀᔥᑕ ᐅ ᑭᒋᒪᓂᑐᒥᒥᑯ ᒉᓐᑖᐃᓚ? ᐁᐁ ᒉᓐᑖᐃᓚ ᐊᓯᒋ:

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 14:11

ᑮᔥᐱᓐ ᒫᑲ ᐁᑳ ᑭᔅᑫᓕᑕᒫᓐ ᑖᓐ ᐁᑗᒪᑲᒃ ᐯᑖᑯᓯᐎᓐ, ᐋᔭᒡ ᐃᓕᓕᐤ ᓂ ᑳ ᐃᑌᓕᒥᒃ ᐊᓇ ᑳ ᐋᔭᒥᑦ, ᓀᔥᑕ ᐊᓇ ᑳ ᐋᔭᒥᑦ ᐋᔭᒡ ᐃᓕᓕᐤ ᓂ ᑳᐃᑌᓕᒪᐤ᙮

ᓂᔥᑕᒻ ᑯᕆᓐᑎᐊᓇ 7:19

ᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᓀᔥᑕ ᓇᒪᑭᔅᑭᓄᐙᒋᔓᐎᓐ ᓇᒪᐎᓚ ᑫᒀᓂᐗᓐ, ᒫᑲ ᐁ ᑲᓇᐌᓕᒋᑳᑌᓕᑭ ᐅ ᑲᑫᔅᑴᐎᓇ ᑭᒋᒪᓂᑐ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᐃᐱᓯᔭᓇ 1:23

ᐁᐗᑯ ᑳ ᐅ ᐎᔭᐎᑦ, ᐅ ᓵᑲᔅᑭᓀᐎᓐ ᐊᓇ ᒥᓯᐌ ᑳ ᓵᑲᔅᑭᓇᑫᑦ ᒥᓯᐌ ᐃᔑ᙮

ᐃᐱᓯᔭᓇ 2:14

ᐌᓴ ᐎᓚ ᐁᐗᑯ ᑭ ᑳᔮᒣᓕᑕᒧᐎᓂᐗᐤ, ᐊᓇ ᑳ ᑮ ᐯᔭᑯᑖᑦ ᐊᓂᐃ ᑳ ᓂᔑᓂᓕᑭ, ᓀᔥᑕ ᑳ ᑮ ᓂᒋᐌᐸᐊᒃ ᐱᔅᑭᒋ ᒣᓂᑲᓂᓕᐤ;

ᐃᐱᓯᔭᓇ 2:15

ᐁ ᑮ ᓂᔑᐗᓈᒋᑖᑦ ᐅᐎᔮᓯᒃ ᐊᓂᐁᓕᐤ ᐸᒀᑎᑐᐎᓂᓕᐤ, ᑲᑫᔅᑴᐎ ᐅᓚᔓᐌᐎᓂᓕᐤ ᑳ ᐃᑕᑾᓂᓕᒃ ᐃᑕᔓᐌᐎᓂᒃ; ᑭᒋ ᐅᔑᑕᒫᓱᑦ ᐊᓂᐃ ᑳ ᓂᔑᓕᒋ ᑭᒋ ᐯᔭᑯ ᐅᔥᑭ ᐃᓕᓕᐎᓕᒋ, ᐁᑯᔑ ᐁ ᑳᔮᒣᓕᑕᒧᐎᓂᑫᑦ;

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᐃᐱᓯᔭᓇ 6:8

ᐁ ᑭᔅᑫᓕᑕᒣᒃ ᐱᑯ ᑫᒀᓐ ᐁ ᒥᓨᔑᒃ ᐊᐌᓇ ᐃᓕᓕᐤ ᐁ ᑐᑕᒃ, ᐁᐗᑴᓕᐤ ᑫ ᒥᓕᑯᑦ ᐅᑎᐯᓕᒋᑫᐗ, ᐃᐊᐗᒀᓂᐎᑴ ᓀᔥᑕᐱᑯ ᑌᐯᓕᒥᑎᓱᑴ᙮

ᑯᓚᔑᔭᓇ 2:10

ᑭᓚᐗᐤ ᒫᑲ ᑭ ᒥᑐᓂᐎᓯᓇᐗᐤ ᐎᔭᐎᒃ, ᐊᓇ ᑳ ᑎᐯᓕᑕᒃ ᒥᓯᐌ ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ:

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔓ ᒑᓐ 1:9

ᐊᐌᓇ ᐌᓂᑐᑕᒧᑴ, ᓀᔥᑕ ᐁᑳ ᑌᔑᑫᐙᑴ ᐅ ᑭᔅᑭᓄᐊᒫᑫᐎᓂᒃ ᙭, ᓇᒪᐎᓚ ᐋᔭᐌᐤ ᑭᒋᒪᓂᑐᐗ᙮ ᐊᓇ ᑳ ᑕᔑᑫᐙᑦ ᐅ ᑭᔅᑭᓄᐊᒫᑫᐎᓂᒃ ᙭, ᐋᔭᐌᐤ ᐊᓯᒋ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮