ᑯᓚᔑᔭᓇ 2:8 - ᐅᔅᑭ ᑎᔅᑌᒥᓐᑦ

⁸ ᔮᒀᒥᓯᒃ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᐗᑳᓂᐃᑖᒃ ᒥᔅᑲᐙᑕᐎᓐ ᐅᒋ ᓀᔥᑕ ᐸᑾᓐᑕᐤ ᑲᑳᔦᓕᓯᐎᓐ, ᐁ ᐃᔑ ᑭᔅᑭᓄᐊᒫᑫᒋᒃ ᐃᓕᓕᐗᒃ, ᑳ ᐃᑕᔅᑌᑭ ᓂᔥᑕᒻ ᑭᔅᑭᓄᐊᒫᑫᐎᓇ ᐅᑕ ᐊᔅᑮᒃ, ᓇᒪᐎᓚ ᒫᑲ ᑳ ᐃᔑ ᑭᔅᑭᓄᐊᒫᑫᑦ ᙭᙮

ᑯᓚᔑᔭᓇ 2:8 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:17

ᒫᑲ ᔮᒀᒥᔅᑖᑯᒃ ᐃᓕᓕᐗᒃ; ᐌᓴ ᑭ ᑳ ᐸᑭᑎᓂᑯᐙᐗᒃ ᑭᒋ ᑎᐹᔅᑯᓂᑲᐎᔦᒃ, ᑭ ᑳ ᐸᐸᓴᔅᑌᐅᑯᐙᐗᒃ ᒫᑲ ᐅᑦ ᐋᔭᒥᐁᐎᑲᒥᑯᐙᒃ;

ᐅᐸᓓᑭᔅ ᒫᑎᐤ 16:6

ᐁᑯ ᒋᓴᔅ ᐁᑖᑦ, ᔮᒀᒦᔅᑕᒸᒃ ᐸᕋᓯᔭᒃ ᓀᔥᑕ ᓵᑦᔫᓯᔭᒃ ᐅ ᐱᓯᑲᓂᐗᐤ᙮

ᐅᐸᓓᑭᔅ ᒫᑎᐤ 7:15

ᔮᒀᒥᔅᑖᑯᒃ ᓇᔅᐹᒡ ᐅᑭᔅᑭᐙᐃᑫᐗᒃ ᑳ ᐯᒋ ᓈᑎᑖᑾᒃ ᒫᓂᔥᒑᓂᔑᒃ ᑳ ᐃᔑᐅᒋᒃ, ᐊᑖᒥᒃ ᒫᑲ ᒪᐃᑲᓇᐗᒃ ᑳ ᐅᑳᔑᑭᒥᒋᒃ᙮

ᐊᐸᔅᑕᓚᒃ 17:18

ᐁᑯᔅᐱ ᒫᑲ ᐋᑎᑦ ᑳ ᑲᑫᑕᐌᓕᑕᑭᒃ ᐃᐱᒃᔫᕆᐊᓇᒃ ᐅᒋ, ᓀᔥᑕ ᐊᓂᑭ ᔅᑐᐃᑲᒃ ᐅᒋ, ᑮ ᒫᐎᓀᐅᑯ᙮ ᐊᑎᑦ ᒫᑲ ᑮ ᐃᑗᐗᒃ, ᑖᓀ ᑫ ᐃᑗᑦ ᐊᐗ ᐅᓵᒥᑐᓐ? ᑯᑕᑭᔭᒃ ᐊᑎᑦ, ᒫᓇᐎ ᐋᓕᒧᒥᐤ ᒫᓐᑌᐎ ᒪᓂᑐᐗ: ᐌᓴ ᑮ ᐊᓕᒨᑕᒪᐌᐤ ᐊᓂᐃ ᒋᓴᓴ, ᓀᔥᑕ ᐗᓂᔥᑳᐎᓂᓕᐤ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:17

ᐁᑯ ᑭ ᐸᑯᓴᓕᒥᑎᓇᐗᐤ, ᓂᒋᔖᓂᑐᒃ, ᐱᓯᔅᑫᓕᒥᑯᒃ ᐊᓂᑭ ᑳ ᐅᒋ ᐃᑕᑾᑫ ᐸᑳᓂᐃᑐᐎᓇ ᓀᔥᑕ ᓇᔦᑕᐎ ᐃᑐᑕᒧᐎᓇ ᐱᑐᔥ ᑳ ᐃᑌᓕᑖᑾᑭ ᐊᓂᒪ ᑭᔅᑭᓄᐊᒫᑫᐎᓐ ᐅᒋ ᑳ ᑮ ᑭᔅᑭᓄᐊᒫᑲᐎᔦᒃ; ᐁᑳᐎᓚ ᒫᑲ ᐎᒉᐎᑯᒃ᙮

ᓂᔥᑕᒻ ᑯᕆᓐᑎᐊᓇ 10:12

ᐁᐗᑯ ᐌᒋ ᐊᐌᓇ ᓂ ᓂᐹᐎᓐ ᑳ ᐃᑌᓕᑕᒃ, ᐁᑯᔑ ᑲᑕ ᔮᒀᒥᓯᐤ ᐁᑳ ᑭᒋ ᐸᑭᔑᒃ᙮

ᓂᔥᑕᒻ ᑯᕆᓐᑎᐊᓇ 8:9

ᒫᑲ ᔮᒀᒥᓯᒃ ᐅᒪ ᑭ ᑎᐯᓕᒥᑎᓱᐎᓂᐗᐤ ᐁᑳ ᒦᔅᑲᐤ ᑭᒋ ᐸᑭᔑᐃᑯᒋᒃ ᐊᓂᑭ ᑳ ᓕᓚᒥᓯᒋᒃ᙮

ᓂᔓ ᑯᕆᓐᑎᐊᓇ 10:5

ᐁ ᓂᒋᐌᐱᓂᑳᑌᒃ ᒫᒥᑐᓀᓕᒋᑫᐎᓇ, ᓀᔥᑕ ᒥᓯᐌ ᑕᑐ ᑫᒀᓐ ᑳ ᑭᔅᑌᓕᑖᑯᐃᑎᓱᔅᑕᒧᒪᑲᒃ ᐅ ᑭᔅᑫᓕᒥᑯᓯᐎᓐ ᑭᒋᒪᓂᑐ, ᓀᔥᑕ ᐁ ᐯᑖᓂᐗᒃ ᒥᓯᐌ ᑕᑐ ᐃᑌᓕᑕᒧᐎᓐ ᐅ ᓇᓇᐃᑖᑯᓯᐎᓂᒃ ᙭;

ᑲᓓᔕᐊᓇ 1:14

ᓀᔥᑕ ᐊᐙᓯᑌ ᓂ ᑮ ᑲᔥᑭᑕᒫᓱᓐ ᒎᐗᒃ ᐅᑦ ᐋᔭᒥᐋᐎᓂᐙᒃ ᐃᔥᐱᔥ ᒥᒉᑦ ᓂ ᐎᒋᐃᔅᐱᑎᓯᒫᑲᓇᒃ ᑎᐱᓚᐌ ᓂ ᐎᑕᔅᑭᒫᑲᓇᒃ, ᐊᓕᐙᒃ ᐁ ᑮ ᑲᑴ ᑭᔅᑫᓕᑕᒶᑭᒃ ᐅ ᑎᐹᒋᒧᐎᓂᐗᐗ ᓄᑕᐎᔭᒃ᙮

ᑲᓓᔕᐊᓇ 4:3

ᐁᑯ ᑖᐱᔅᑯᒡ ᑭᓚᓈᓇᐤ, ᐃᔅᐱ ᑳ ᑮ ᐊᐙᔑᔑᐎᔭᒃ ᑭ ᑮ ᐊᐗᑳᑎᑯᓈᓇᐤ ᐊᓂᐃ ᐊᔅᑭᐎ ᓃᔥᑕᒻ ᑭᔅᑭᓄᐊᒫᑫᐎᓇ:

ᑲᓓᔕᐊᓇ 4:9

ᒫᑲ ᐊᓄᒡ, ᐋᔕᔾ ᐁ ᑮ ᑭᔅᑫᓕᒣᒃ ᑭᒋᒥᓂᑐ, ᓀᔥᑕᐱᑯ ᓇᐗᒡ ᐁ ᑮ ᑭᔅᑫᓕᒥᑖᒃ ᑭᒋᒪᓂᑐ, ᑖᓀᑭ ᐌᒋ ᒥᓇ ᑴᔅᑭᔅᑕᒣᒃ ᑳ ᓕᓚᒥᓯᒪᑲᑭ ᓀᔥᑕ ᑭᑎᒫᑲᑭ ᓂᔥᑕᒻ ᑭᔅᑭᓄᐊᒫᑫᐎᓇ, ᐊᓂᐃ ᑳ ᓇᑕᐌᓕᑕᒣᒃ ᒥᓇ ᑭᒋ ᐊᐗᑳᑎᑯᔦᒃ?

ᑲᓓᔕᐊᓇ 5:15

ᒫᑲ ᑮᔥᐱᓐ ᒫᑯᒥᑐᔦᒃ ᓀᔥᑕ ᒧᐎᑐᔦᒃ, ᔮᒀᒥᓯᒃ ᐁᑳ ᒣᒥᔅᑯᒡ ᑭᒋ ᑭᑕᒧᑐᔦᒃ᙮

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐃᐱᓯᔭᓇ 4:20

ᒫᑲ ᓇᒪᐎᓚ ᐅᒪ ᑭ ᑮ ᐃᔑ ᑭᔅᑭᓄᐊᒫᑯᐗᐤ ᙭;

ᐃᐱᓯᔭᓇ 5:6

ᐁᑳᐎᓚ ᐊᐌᓇ ᐸᑾᓐᑕᐤ ᐋᔭᒥᐎᓇ ᑭ ᑳ ᐅᒋ ᐙᔦᔑᒥᑯᐗᐤ, ᐌᓴ ᐅᐅ ᑫᒀᓇ ᐅᒋ ᐅᑎᑎᑯᐗᒃ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᑳ ᐋᓉᑖᑫᒋᒃ ᐊᐙᔑᔕᒃ᙮

ᐱᓕᐱᔭᓇ 3:2

ᔮᒀᒥᔅᑖᑯᒃ ᐊᑎᒶᒃ, ᔮᒀᒥᔅᑖᑯᒃ ᑳ ᒪᒋ ᐊᑑᔅᑫᒋᒃ, ᔮᑾᒥᔅᑕᒧᒃ ᑭᔥᑲᑎᔓᐎᓐ᙮

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᑯᓚᔑᔭᓇ 2:20

ᐁᐗᑯ ᐅᒋ, ᑮᔥᐱᓐ ᑮ ᐎᒋᓂᐱᒣᒃ ᙭ ᐊᔅᑭᐎ ᓂᔥᑕᒻ ᑭᔅᑭᓄᐊᒫᑫᐎᓇ ᐅᒋ, ᑖᓀᑭ ᐌᒋ, ᑖᐱᔅᑯᒡ ᐁ ᐱᒫᑎᓯᔦᒃ ᐊᔅᑮᒃ, ᑎᐯᓕᒥᑯᔦᒃ ᐃᑕᔓᐌᐎᓇ,

ᑯᓚᔑᔭᓇ 2:22

ᒥᓯᐌ ᑫ ᓂᔑᐗᓈᑕᑭ ᐁ ᐋᐸᒋᑖᓂᐗᑭ,) ᑳ ᐃᑕᔅᑌᓕᑭ ᐅ ᑲᑫᔅᑴᐎᓂᐗᐗ ᓀᔥᑕ ᐅ ᑭᔅᑭᓄᐊᒫᑫᐎᓂᐗᐗ ᐃᓕᓕᐗᒃ?

ᑯᓚᔑᔭᓇ 2:23

ᐊᓂᐃ ᑖᐺ ᐃᔑᓈᑾᓋ ᑖᐱᔅᑯᒡ ᑲᑫᑕᐌᓕᑕᒧᐎᓐ, ᐃᑌᓕᑕᒧᐎ ᐋᔭᒥᐋᐎᓂᒃ, ᓀᔥᑕ ᑕᐸᑌᓕᒥᑎᓱᐎᓂᒃ, ᓀᔥᑕ ᐁᑳ ᐁ ᒪᓈᒋᑖᓂᐗᒃ ᒥᔭᐤ; ᓇᒪᐎᓚ ᐁ ᑭᔅᑌᓕᒋᑳᑌᒃ ᑭᒋ ᑌᐯᓕᒋᑳᑌᒃ ᐎᔮᔅ᙮

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 3:13

ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮

ᐦᐃᑉᕉᐗ 13:9

ᐁᑳᐎᓚ ᑭ ᑳ ᐸᐱᒥᐎᓕᑯᓇᐗᐤ ᓇᓈᑲᐤ ᓀᔥᑕ ᐹᐱᑐᔥ ᑭᔅᑭᓄᐊᒫᑫᐎᓇ; ᐌᓴ ᒥᓨᔑᓐ ᒥᑌᐃ ᑭᒋ ᐋᔨᒋᑖᓂᐗᒃ ᔕᐌᓕᒋᑫᐎᓂᒃ, ᓇᒪᐎᓚ ᒥᒋᒥᒃ, ᐁᑳ ᓈᓐᑕᐤ ᑳ ᑮ ᐃᑖᐸᒋᐃᑯᒋᒃ ᐊᓂᑭ ᐁᑯᑕ ᑳ ᑮ ᐱᒧᑌᒋᒃ᙮

ᐦᐃᑉᕉᐗ 3:12

ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 1:18

ᐌᓴ ᑭ ᑭᔅᑫᓕᑌᓇᐗᐤ ᐁᑳ ᐁ ᑮ ᐅᒋ ᐱᒫᒋᐃᑳᐎᔦᒃ ᑳ ᓂᔑᐗᓈᑕᑭ ᑫᒀᓇ, ᑖᐱᔅᑯᒡ ᔖᓕᐋᓈᐱᔉ ᓀᔥᑕᐱᑯ ᐅᓵᐎᔔᓂᐋᓈᐱᔉ, ᑭ ᑲᑫᐹᑎᓯᐎ ᐃᔑᐱᒫᑎᓯᐎᓂᐙᒃ ᐅᒋ ᑳ ᐋᔭᔦᒃ ᐅ ᑭᔅᑭᓄᐊᒫᑫᐎᓂᐙᒃ ᑯᑖᐎᐗᐗᒃ ᐅᒋ;

ᓂᔓ ᐱᑕᕐ 3:17

ᑭᓚᐗᐤ ᒫᑲ, ᓯᐋᑭᐃᑕᑾᒃ, ᓂᑳᓐ ᐁ ᑭᔅᑫᓕᑕᒣᒃ ᐅᐅ ᑫᒀᓇ, ᔮᒀᒡ ᑭᓚᐗᐤ ᓀᔥᑕ, ᐁᑳ ᑭᒋ ᑭᒋᐎᓕᑲᐎᔦᒃ ᐅᒪᒋᑖᐗᒃ ᐅ ᐗᓀᓕᑕᒧᐎᓂᐗᐤ ᐅᒋ, ᑭᒋ ᐸᑭᔑᓂᔦᒃ ᑎᐱᓚᐌ ᑭ ᒪᔥᑲᐌᓕᑕᒧᐎᓂᐙᒃ ᐅᒋ᙮

ᓂᔓ ᒑᓐ 1:8

ᑲᓇᐗᐸᒥᑎᓱᒃ, ᐁᑳ ᑭᒋ ᐗᓂᑖᔭᒃ ᐊᓂᐃ ᑫᒀᓇ ᑳ ᑮ ᑲᔥᑭᑖᔭᒃ, ᒫᑲ ᑭᒋ ᐅᑎᓇᒪᒃ ᒥᑐᓂ ᑎᐸᐊᒫᑯᓯᐎᓐ᙮