ᑯᓚᔑᔭᓇ 2:23 - ᐅᔅᑭ ᑎᔅᑌᒥᓐᑦ

²³ ᐊᓂᐃ ᑖᐺ ᐃᔑᓈᑾᓋ ᑖᐱᔅᑯᒡ ᑲᑫᑕᐌᓕᑕᒧᐎᓐ, ᐃᑌᓕᑕᒧᐎ ᐋᔭᒥᐋᐎᓂᒃ, ᓀᔥᑕ ᑕᐸᑌᓕᒥᑎᓱᐎᓂᒃ, ᓀᔥᑕ ᐁᑳ ᐁ ᒪᓈᒋᑖᓂᐗᒃ ᒥᔭᐤ; ᓇᒪᐎᓚ ᐁ ᑭᔅᑌᓕᒋᑳᑌᒃ ᑭᒋ ᑌᐯᓕᒋᑳᑌᒃ ᐎᔮᔅ᙮

ᑯᓚᔑᔭᓇ 2:23 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:14

ᒫᑲ ᐳᔅᑎᔥᑳᒃ ᐅᑎᐯᓕᒋᑫᐤ ᒋᓴᔅ ᙭, ᐁᑳᐎᓚ ᒫᑲ ᐙᔦᔥ ᐃᑌᓕᑕᒧᒃ ᐎᔮᓯᐎᐤ, ᑭᑕ ᑎᐱᑐᑕᒣᒃ ᐁ ᐃᔑ ᓇᑕᐌᓕᑕᒧᒪᑲᒃ᙮

ᐃᐱᓯᔭᓇ 5:29

ᐌᓴ ᓇᒪᐎᔅᑳᑦ ᐁᔥᑾ ᓈᐯᐤ ᑮ ᐸᒀᑕᑕᒻ ᑎᐱᓚᐌ ᐎᔮᔅ, ᒫᑲ ᑲᓇᐌᓕᑕᒻ ᓀᔥᑕ ᑭᔐᐙᑐᑕᒻ, ᑖᐱᔅᑯᒡ ᐅᑎᐯᓕᒋᑫᐤ ᐁ ᐃᑐᑕᐙᑦ ᒫᒪᐎᐋᔭᒥᐊᐗ:

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᑯᓚᔑᔭᓇ 2:22

ᒥᓯᐌ ᑫ ᓂᔑᐗᓈᑕᑭ ᐁ ᐋᐸᒋᑖᓂᐗᑭ,) ᑳ ᐃᑕᔅᑌᓕᑭ ᐅ ᑲᑫᔅᑴᐎᓂᐗᐗ ᓀᔥᑕ ᐅ ᑭᔅᑭᓄᐊᒫᑫᐎᓂᐗᐗ ᐃᓕᓕᐗᒃ?

ᑯᓚᔑᔭᓇ 2:8

ᔮᒀᒥᓯᒃ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᐗᑳᓂᐃᑖᒃ ᒥᔅᑲᐙᑕᐎᓐ ᐅᒋ ᓀᔥᑕ ᐸᑾᓐᑕᐤ ᑲᑳᔦᓕᓯᐎᓐ, ᐁ ᐃᔑ ᑭᔅᑭᓄᐊᒫᑫᒋᒃ ᐃᓕᓕᐗᒃ, ᑳ ᐃᑕᔅᑌᑭ ᓂᔥᑕᒻ ᑭᔅᑭᓄᐊᒫᑫᐎᓇ ᐅᑕ ᐊᔅᑮᒃ, ᓇᒪᐎᓚ ᒫᑲ ᑳ ᐃᔑ ᑭᔅᑭᓄᐊᒫᑫᑦ ᙭᙮

ᓂᔥᑕᒻ ᑎᒧᑎ 4:3

ᐁ ᑭᑕᐊᒫᑫᒋᒃ ᑭᒋ ᐎᑭᑐᓈᓂᐗᒃ, ᓀᔥᑕ ᐁ ᔑᑭᑫᒧᒋᒃ ᐁᑳ ᑭᒋ ᒥᒋᓈᓂᐗᑭ ᒥᒋᒪ, ᑭᒋᒪᓂᑐ ᑳ ᑮ ᐅᔑᑖᑦ ᓇᓈᔅᑯᒧᐎᓂᒃ ᑭᒋ ᐅᑎᓇᑭᒃ ᐊᓂᑭ ᑳ ᑖᐺᑕᑭᒃ ᓀᔥᑕ ᑳ ᑭᔅᑫᓕᑕᑭᒃ ᑖᐺᐎᓂᓕᐤ᙮

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮