ᑯᓚᔑᔭᓇ 2:15 - ᐅᔅᑭ ᑎᔅᑌᒥᓐᑦ

¹⁵ ᐁ ᑮ ᐃᑲᑌᓇᒃ ᒫᑲ ᒥᓯᐌ ᑎᐯᓕᒋᑫᐎᓇ ᓀᔥᑕ ᑲᔥᑭᐅᐎᓇ, ᒧᔐ ᐁ ᓄᑯᑖᑦ, ᐎᓚ ᑫᒋᐙᒃ ᐁ ᑮ ᔖᑯᒋᑖᑦ᙮

ᑯᓚᔑᔭᓇ 2:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:29

ᓀᔥᑕᐱᑯ ᑖᓐᑌ ᑫ ᐅᒋ ᐊᐌᓇ ᐱᑐᑫᐙᑦ ᐁ ᒪᔥᑲᐎᓯᓕᒋ ᐃᓕᓕᐗ ᐅ ᐙᔅᑳᔨᑲᓂᒥᓕᒃ, ᓀᔥᑕ ᓂᔑᐗᓈᒋᑕᐙᑦ ᐅᑦ ᐋᔮᓂᓕᐗ, ᐹᑎᒫ ᓃᔥᑕᒻ ᑮ ᒫᒫᑯᐱᑖᒋ ᐁ ᒪᔥᑲᐎᓯᓕᒋ ᐃᓕᓕᐗ? ᐁᑯ ᒫᑲ ᑫ ᓂᔑᐗᓈᒋᑕᐙᑦ ᐅ ᐙᔅᑳᔨᑲᓂᒥᓕᐤ᙮

ᐅᐸᓓᑭᔅ ᓘᒃ 10:18

ᑮ ᐃᑌᐤ ᒫᑲ, ᓂ ᑮ ᐙᐸᒪᐤ ᓭᑖᓐ ᑖᐱᔅᑯᒡ ᐁ ᐙᔅᑌᐸᓕᒃ ᑭᒋᑭᔑᑯᒃ ᐁ ᐅᒋ ᐸᑭᔑᒃ᙮

ᐅᐸᓓᑭᔅ ᓘᒃ 11:22

ᒫᑲ ᐃᔅᐱ ᐅᑎᑎᑯᑌ ᐊᐙᓯᑌ ᐁ ᒪᔥᑲᐎᓯᓕᒋ ᐃᓕᓕᐗ, ᓀᔥᑕ ᔖᑯᒋᐃᑯᑌ, ᒪᔅᑲᒥᑯ ᒥᓯᐌ ᐅ ᓇᑐᐸᓕᐎ ᐋᐸᒋᑖᑲᓇ ᑳ ᑮ ᒪᒥᔑᑐᑕᒃ, ᓀᔥᑕ ᓈᓂᔓᑖᓕᐗ ᐅ ᒪᔅᑲᑗᐎᓂᓕᐗ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᐅᐸᓓᑭᔅ ᒑᓐ 19:30

ᐃᔅᐱ ᒫᑲ ᒋᓴᔅ ᑳ ᑮ ᐅᑎᓇᒃ ᔑᐎᑳᐳᓕᐤ, ᑮ ᐃᑗᐤ, ᑭᔑᒋᑳᑌᐤ: ᐁᑯ ᓂᔮᒥᔅᑴᓕᑦ, ᓀᔥᑕ ᐯᑭᑎᓈᑦ ᐅᑦ ᐊᒑᑾ᙮

ᓂᔥᑕᒻ ᑯᕆᓐᑎᐊᓇ 15:24

ᐁᑯ ᑫ ᐅᑎᒋᐸᓕᒃ ᐁ ᐃᔥᒀᔮᒃ, ᐃᔅᐱ ᑮ ᐸᑭᑎᓇᒪᐙᑌ ᑭᒋᐅᑭᒫᐎᐎᓂᓕᐤ ᑭᒋᒫᓂᑐᐗ, ᐅᑖᐎᒪᐗ ᐅᑎ; ᐃᔅᐱ ᑮ ᔖᑯᒋᑖᑌ ᒥᓯᐌ ᑎᐯᓕᒋᑫᐎᓂᓕᐤ, ᓀᔥᑕ ᒥᓯᐌ ᐅᑭᒫᐎᐎᓂᓕᐤ, ᓀᔥᑕ ᑲᔥᑭᐅᐎᓂᓕᐤ᙮

ᓂᔓ ᑯᕆᓐᑎᐊᓇ 2:14

ᐁᑯᔑ ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᒧᔕᒃ ᑳ ᑐᑖᐎᔭᒥᑦ ᑭᒋ ᔖᑯᒋᐃᐌᔮᒃ ᙭ᑎᒃ, ᓀᔥᑕ ᑳ ᑭᔅᑫᓕᑖᑯᑖᒃ ᐁ ᐃᔑ ᒥᓨᔑᓂᓕᒃ ᐅ ᑭᔅᑫᓕᒥᑯᓯᐎᓐ ᓂᓚᓈᓐ ᐅᒋ ᒥᓯᐌ ᐃᑌ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᐃᐱᓯᔭᓇ 3:10

ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᐃᐱᓯᔭᓇ 4:8

ᐁᐗᑯ ᐌᒋ ᐃᑗᑦ, ᐃᔅᐱ ᐃᔥᐱᒥᒃ ᐁᔑ ᐅᐱᔅᑳᑦ, ᑮ ᑭᒋᐎᓓᐤ ᒥᒉᑦ ᑳ ᒫᒫᒋᑯᐱᓱᓕᒋ ᓀᔥᑕ ᑮ ᒥᓓᐤ ᐃᓕᓕᐗ ᒥᓕᐌᐎᓇ᙮

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᑯᓚᔑᔭᓇ 1:16

ᐌᓴ ᐎᓚ ᐅᒋ ᒥᓯᐌ ᑫᒀᓇ ᑮ ᐅᔑᑖᓂᐗᓋ, ᑭᒋᑭᔑᑯᒃ ᑳ ᐃᑕᑾᑭ, ᓀᔥᑕ ᐊᔅᑮᒃ ᑳ ᐃᑕᑾᑭ, ᑳ ᓄᑾᑭ, ᓀᔥᑕ ᐁᑳ ᑳ ᓄᑾᑭ, ᑮᔥᐱᓐ ᐅᑭᒪᐗᐱᐎᓇ, ᓀᔥᑕᐱᑯ ᐅᑭᒪᐎᐎᓇ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑲᔥᑭᐅᐎᓇ: ᒥᓯᐌ ᑫᒀᓇ ᐎᓚ ᑮ ᐅᒋ ᐅᔑᑖᓂᐗᓋ, ᓀᔥᑕ ᐎᓚ ᑭᒋ ᐋᔮᑦ᙮

ᑯᓚᔑᔭᓇ 2:10

ᑭᓚᐗᐤ ᒫᑲ ᑭ ᒥᑐᓂᐎᓯᓇᐗᐤ ᐎᔭᐎᒃ, ᐊᓇ ᑳ ᑎᐯᓕᑕᒃ ᒥᓯᐌ ᑎᐯᓕᒋᑫᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ:

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮