ᑯᓚᔑᔭᓇ 2:13 - ᐅᔅᑭ ᑎᔅᑌᒥᓐᑦ

¹³ ᑭᓚᐗᐤ ᒫᑲ, ᐁ ᑮ ᓂᐱᔦᒃ ᑭ ᒪᒋᑣᐎᓂᐙᒃ, ᓀᔥᑕ ᐁᑳ ᐁ ᑮ ᑭᔅᑭᓄᐙᒋᔑᑳᑌᒃ ᑭ ᐎᔮᓯᐗᐤ, ᐊᓯᒋ ᐎᓚ ᑭ ᑮ ᐱᒫᑎᓯᐃᑯᐗᐧ, ᐁ ᑮ ᐌᐯᓕᑕᒫᑖᒃ ᒥᓯᐌ ᐗᓂᑐᑕᒧᐎᓇ;

ᑯᓚᔑᔭᓇ 2:13 ပူးပေါင်းရင်းမြစ်များ

ᐅᐸᓓᑭᔅ ᓘᒃ 15:24

ᐌᓴ ᐊᐗ ᓂᑲᓯᔅ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᑮ ᐗᓂᐊᐤ, ᒥᔅᑲᐗᐤ ᒫᑲ᙮ ᐁᑯ ᒥᐋᒋ ᒧᒋᑫᓕᑕᑭᒃ᙮

ᐅᐸᓓᑭᔅ ᓘᒃ 15:32

ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮

ᐅᐸᓓᑭᔅ ᓘᒃ 9:60

ᒋᓴᔅ ᑮ ᐃᑌᐤ, ᐁᑯᔑ ᐅᓂᐱᐗᒃ ᑲᑕ ᓇᐃᑲᐌᐗᒃ ᐅ ᓂᐱᒥᐙᐗ; ᒫᑲ ᑭᑐᑌ ᑭᓚ ᓀᔥᑕ ᓇᑕᐎ ᐙᐎᑕᒻ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᒑᓐ 5:21

ᐌᓴ ᑖᐱᔅᑯᒡ ᐅᑖᐎᒫᐤ ᐁ ᐃᔑ ᐗᓂᔥᑳᓈᑦ ᑳ ᓂᐱᓕᒋ, ᓀᔥᑕ ᐁ ᐋᐱᓯᐋᑦ: ᐁᑯ ᓀᔥᑕ ᐅᑯᓯᓯᒪᐤ ᐁ ᐃᔑ ᐋᐱᓯᐋᑦ ᐊᓂᐃ ᐙᑐᑕᐙᑦ᙮

ᐅᐸᓓᑭᔅ ᒑᓐ 6:63

ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:17

ᐁ ᐃᑕᓯᓇᐃᑳᑌᒃ, ᑭ ᑮ ᐃᔑᐃᑎᓐ ᑭᒋ ᐅᑖᐎᒪᔅᑭᒃ ᒥᒉᑦ ᑳ ᐃᑕᔅᑳᓀᓯᒋᒃ ᐃᓕᓕᐗᒃ, ᐅᑎᔥᑲᐤ ᐊᓂᐃ ᑳ ᑮ ᑖᐺᑕᐙᑦ, ᑭᒋᒪᓂᑐᐗ ᐅᑎ, ᐊᓇ ᑳ ᐱᒫᒋᐋᑦ ᐊᓂᐃ ᑳ ᓂᐱᓕᒋ, ᓀᔥᑕ ᑳ ᐃᔑᓂᑳᑕᒃ ᐊᓂᐃ ᐁᑳ ᑳ ᐃᑕᑾᓂᓕᑭ ᑖᐱᔅᑯᒡ ᐊᓂᐃ ᑳ ᐃᑕᑾᓂᓕᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᓂᔥᑕᒻ ᑯᕆᓐᑎᐊᓇ 15:36

ᑲᑫᐹᑎᔅ, ᐊᓂᒪ ᑳ ᐸᑭᑎᓇᒪᓐ ᐊᔅᑭᒃ ᓇᒪᐎᓚ ᑲᑕ ᑮ ᐱᒫᑕᓐ, ᐹᑎᒫ ᑳ ᓂᐱᒫᑲᑭ:

ᓂᔥᑕᒻ ᑯᕆᓐᑎᐊᓇ 15:45

ᐁᑯ ᓀᔥᑕ ᐁᑕᓯᓇᐃᑳᑌᒃ, ᐊᓇ ᓃᔥᑕᒻ ᓈᐯᐤ, ᐋᑕᒻ, ᑮ ᐃᔑᐋᑲᓂᐎᐤ ᐁ ᐱᒫᑎᓯᓕᒋ ᐊᒑᑾ ᑭᒋ ᐋᔭᐙᑦ; ᐊᓇ ᒫᒋᒡ ᐋᑕᒻ ᑮ ᐃᔑᐋᑲᓂᐎᐤ ᑭᒋ ᐱᒫᑎᓯᐃᐌᑦ ᐊᒑᒃ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 5:19

ᑭᒋᒪᓂᑐ ᐁ ᑮ ᐱᒋᔅᑲᐙᑦ ᙭ᑕ, ᐁ ᐅᑐᑌᒥᔅᑕᒫᓯᑦ ᐊᔅᑭ, ᐁᑳ ᐁ ᐃᑕᑭᑕᒪᐙᑦ ᐅ ᒪᒋᑐᑕᒧᐎᓂᓕᐗ; ᓀᔥᑕ ᐁ ᑮ ᐸᑭᑎᓇᒫᑕᒃ ᐅᑐᑌᒥᐃᐌᐎ ᐋᔭᒥᐎᓂᓕᐤ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᐃᐱᓯᔭᓇ 2:11

ᐁᐗᑯ ᐅᒋ ᑭᔅᑭᓯᒃ, ᑭᓚᐗᐤ ᑳᔮᔥ ᐁ ᑮ ᒉᓐᑖᐃᓕᐎᔦᒃ ᐎᔮᓯᐎᓂᒃ, ᐊᓂᑭ ᓇᒪᑭᔅᑭᓄᐙᒋᔣᑲᓂᐎᐗᒃ ᑳ ᐃᔑᓂᑳᑎᑖᑾᒃ ᑳ ᑭᔅᑭᓄᐙᒋᔣᑲᓂᐎᒋᒃ ᐎᔮᓯᐎᓂᒃ ᑳ ᐃᑐᑖᑯᒋᒃ ᒥᒋᒋᓕᐤ;

ᐃᐱᓯᔭᓇ 5:14

ᐁᐗᑯ ᐌᒋ ᐃᑗᑦ, ᑯᔅᑯᓯ, ᑭᓚ ᑳ ᓂᐹᔭᓐ, ᐗᓂᔥᑳ ᐅᓂᐱᐗ ᐅᒋ, ᙭ ᒫᑲ ᑭ ᑳ ᒥᓕᒃ ᐙᔅᑌᐎᓂᓕᐤ᙮

ᑯᓚᔑᔭᓇ 2:12

ᐁ ᐎᒋᓇᐃᑳᑲᐎᒣᒃ ᓯᑲᐋᑖᑫᐎᓂᒃ, ᐃᑕ ᓀᔥᑕ ᐁ ᑮ ᐎᒋᐗᓂᔥᑳᒣᒃ, ᐁ ᑖᐺᔦᓕᑕᒬᒃ ᑭᒋᒪᓂᑐ ᐅ ᑐᑕᒧᐎᓐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ᙮

ᓂᔥᑕᒻ ᑎᒧᑎ 5:6

ᒫᑲ ᐊᓇ ᑳ ᐱᒫᑎᓰᑦ ᒥᓚᐙᑎᑾᑲᒥᑭᓯᐎᓕᒃ ᓂᐱᐤ ᒣᒀᒡ ᐁ ᐱᒫᑎᓰᑦ᙮

ᓂᔥᑕᒻ ᑎᒧᑎ 6:13

ᑭᑦ ᐃᑕᔓᒥᑎᓐ ᐁ ᐙᐸᒥᔉ ᑭᒋᒪᓂᑐ, ᑳ ᐱᒫᒋᑖᑦ ᒥᓯᐌ ᑫᒀᓇ, ᓀᔥᑕ ᐅᑎᔥᑲᐤ ᙭ ᒋᓴᔅ, ᐊᓇ ᐁ ᐅᑎᔥᑲᐎᑳᐸᐎᔅᑕᐙᑦ ᐸᓐᑎᔭᔅ ᐹᐃᓚᑕ ᑳ ᑮ ᐎᑕᒃ ᒥᓗ ᐎᑕᒫᑫᐎᓂᓕᐤ;

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:17

ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ, ᑮᔥᐱᓐ ᐁᑳ ᐋᔮᒪᑲᓐ ᐊᑑᔅᑫᐎᓇ, ᓂᐱᒪᑲᓐ, ᐁ ᐯᔭᑾᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:20

ᒫᑲ ᑭ ᑳ ᑭᔅᑫᓕᑌᓐ, ᐅ ᑭᔥᑴᐎ ᐃᓕᓕᐤ, ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᐁ ᓂᐱᒫᑲᒃ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:26

ᐌᓴ ᑖᐱᔅᑯᒡ ᒥᔭᐤ ᐁᑳ ᐁ ᐊᓯᒋᐸᓕᒃ ᐊᒑᒃ ᓂᐱᒫᑲᓐ, ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᓂᐱᒫᑲᓐ ᓀᔥᑕ᙮

ᓂᔥᑕᒻ ᒑᓐ 2:12

ᑭ ᒪᓯᓇᐊᒫᑎᓇᐗᐤ ᐊᐱᔅᑕᐙᔑᔑᑐᒃ, ᐁ ᐌᐯᓕᒋᑳᑌᑭ ᑭ ᒪᒋᑐᑕᒧᐎᓂᐙᐗ ᐎᓚ ᐅᑦ ᐃᔑᓂᑳᓱᐎᓐ ᐅᒋ᙮