ᑯᓚᔑᔭᓇ 2:12 - ᐅᔅᑭ ᑎᔅᑌᒥᓐᑦ

¹² ᐁ ᐎᒋᓇᐃᑳᑲᐎᒣᒃ ᓯᑲᐋᑖᑫᐎᓂᒃ, ᐃᑕ ᓀᔥᑕ ᐁ ᑮ ᐎᒋᐗᓂᔥᑳᒣᒃ, ᐁ ᑖᐺᔦᓕᑕᒬᒃ ᑭᒋᒪᓂᑐ ᐅ ᑐᑕᒧᐎᓐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ᙮

ᑯᓚᔑᔭᓇ 2:12 ပူးပေါင်းရင်းမြစ်များ

ᐅᐸᓓᑭᔅ ᓘᒃ 17:5

ᐊᐸᔅᑕᓚᒃ ᒫᑲ ᑮ ᐃᑌᐗᒃ ᐅᑎᐯᓕᒋᑫᐗ, ᓚᑭᑖ ᓂ ᑖᐺᔦᓕᑦᒧᐎᓂᓈᓐ᙮

ᐊᐸᔅᑕᓚᒃ 14:27

ᐃᔅᐱ ᒫᑲ ᑳ ᑕᑯᔑᑭᒃ, ᓀᔥᑕ ᑳ ᒫᒪᐎ ᒫᐗᒋᐋᒋᒃ ᒫᒪᐎᐋᔭᒥᐋᐗ ᑮ ᑎᐹᑐᑕᒶᒃ ᒥᓯᐌ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ, ᓀᔥᑕ ᑳ ᐃᔑ ᐋᐸᐊᒪᐙᑦ ᑖᐯᔦᓕᑕᒧᐎᓂ ᐃᔥᒀᑌᒥᓕᐤ ᐊᓂᐃ ᒉᓐᑖᐃᓚ᙮

ᐊᐸᔅᑕᓚᒃ 2:24

ᑭᒋᒪᓂᑐ ᒫᑲ ᒥᓇ ᑮ ᐗᓂᔥᑳᓀᐤ, ᐁ ᑮ ᐋᐸᐊᒪᐙᑦ ᓂᐱᐎ ᐎᓴᑫᓕᑕᒧᐎᓇ; ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᑮ ᒥᒋᒥᓂᑯᑦ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:24

ᒫᑲ ᑭᓚᓈᓇᐤ ᐊᓯᒋ, ᑫ ᐃᑕᑭᑕᒫᑲᐎᔭᒃ, ᑮᔥᐱᓐ ᑖᐺᔦᓕᒪᑫ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᑭ ᑎᐯᓕᒋᑫᒥᓇᐗ ᐅᓂᐱᐗ ᐅᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:4

ᐁᐗᑯ ᐅᒋ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐅᓚᔓᐌᐎᓂᒃ ᑭᑦ ᐅᒋ ᓂᐱᓇᐗᐤ ᙭ ᐎᔭᐤ ᐅᒋ; ᑭᒋ ᑮ ᐎᑭᒣᒃ ᑯᑕᒃ, ᐊᓇ ᐅᑎ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑲᓂᐎᑦ ᒥᓂᔕ ᑭᒋ ᑮ ᓂᑕᐎᑭᑕᒪᐗᒃ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 15:20

ᒫᑲ ᐁᑯ ᙭ ᐗᓂᔥᑲᐤ ᐅᓂᐱᐗ ᐅᒋ, ᓀᔥᑕ ᑮ ᓂᑳᓄᑕᐌᐤ ᐊᓂᐃ ᑳ ᑮ ᓂᐹᓕᒋ᙮

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 3:7

ᐁᐗᒀᓂᒪ ᑳ ᐅᒋ ᐋᔭᒥᐋᐎ ᐊᑑᔅᑫᓛᑲᓂᐎᔮᓐ, ᐁᔅᐱᔑ ᒥᓕᑲᐎᐗᒃ ᐅ ᔕᐌᓕᒋᑫᐎᓐ ᑭᒋᒪᓂᑐ, ᒀᔭᔉ ᐁ ᐃᔑᐃᑯᐗᒃ ᐅ ᑲᔥᑭᐅᐎᓐ᙮

ᐃᐱᓯᔭᓇ 4:5

ᐯᔭᑯ ᐅᑎᐯᓕᒋᑫᐤ, ᐯᔭᑾᓐ ᑖᐺᔦᓕᑕᒧᐎᓐ, ᐯᔭᑾᓐ ᓯᑲᐊᑖᑫᐎᓐ,

ᐃᐱᓯᔭᓇ 5:14

ᐁᐗᑯ ᐌᒋ ᐃᑗᑦ, ᑯᔅᑯᓯ, ᑭᓚ ᑳ ᓂᐹᔭᓐ, ᐗᓂᔥᑳ ᐅᓂᐱᐗ ᐅᒋ, ᙭ ᒫᑲ ᑭ ᑳ ᒥᓕᒃ ᐙᔅᑌᐎᓂᓕᐤ᙮

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᑯᓚᔑᔭᓇ 1:29

ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮

ᑯᓚᔑᔭᓇ 2:13

ᑭᓚᐗᐤ ᒫᑲ, ᐁ ᑮ ᓂᐱᔦᒃ ᑭ ᒪᒋᑣᐎᓂᐙᒃ, ᓀᔥᑕ ᐁᑳ ᐁ ᑮ ᑭᔅᑭᓄᐙᒋᔑᑳᑌᒃ ᑭ ᐎᔮᓯᐗᐤ, ᐊᓯᒋ ᐎᓚ ᑭ ᑮ ᐱᒫᑎᓯᐃᑯᐗᐧ, ᐁ ᑮ ᐌᐯᓕᑕᒫᑖᒃ ᒥᓯᐌ ᐗᓂᑐᑕᒧᐎᓇ;

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 6:2

ᓯᑲᐋᑖᑫᐎᓂ ᑭᔅᑭᓄᐊᒫᑫᐎᓐ, ᓀᔥᑕ ᐁ ᓵᓵᒥᓂᐙᓂᐗᒃ, ᓀᔥᑕ ᐅ ᐗᓂᔥᑳᐎᓂᐗᐤ ᑳ ᓂᐱᒋᒃ, ᓀᔥᑕ ᑳᑭᑫ ᑎᐹᔅᑯᓂᑫᐎᓐ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭: